CCHEP_NLG மக்கள் மையம்

அன்புடன் வரவேற்கின்றோம்

you are welcome to our web page

எங்கள் அமைப்புக்கு தங்களால் இயன்ற உதவிகள் ஆதரவினை தந்து உதவுங்கள்

Please give your GOOD IDEAS FOR DEVELOPING THIS WEBSITE AND DONATE SUPPORT AND HELPS

கூடலூர் நுகர்வோர் மனித வள சுற்றுச்சுழல் பாதுகாப்பு மையம்

Center for Consumer Human resource and Environment Protection The Nilgiris
THANKING YOU

வியாழன், 27 ஜனவரி, 2011

இந்தியச் சரணாலயங்கள்

இந்தியாவில் மட்டுமில்லை வெளிநாடுகளிலும் வனவிலங்குகளையும் பறவைகளையும் வேட்டையாடிக் கொன்று வீரம் என்று மகிழ்ச்சி அடைவதும், அதன் இறைச்சியை உண்பதும், இறைச்சியை மருத்துவப் பொருளாகப் பயன்படுத்துவதுமாக பல நோக்கங்கள் இருக்கின்றன. இந்த நோக்கங்களால் அரியவகை பல வனவிலங்குகளும், பறவைகளும் இன்று இல்லாமல் போய்விட்டன. இனியும் இந்த நிலை நீடிக்கக் கூடாது என்கிற எண்ணத்தில் இந்திய அரசும் மாநில அரசுகளும் 247 வனவிலங்கு சரணாலயங்கள், 55 தேசீயப் பூங்காக்களையும் உருவாக்கிப் பராமரித்து வருகின்றன. இவற்றில் முக்கியமான சில வனவிலங்குகள் மற்றும் பறவைகள் சரணாலயம் குறித்த சிறு தகவல்கள்

பொருளடக்கம்

தமிழ்நாடு

தமிழகத்தில், உயிரினங்கள் பாதுகாப்புக்கு எட்டு சரணாலயங்கள்; 13 பறவை சரணாலயங்கள்; ஐந்து தேசிய பூங்காக்கள்; மூன்று புலிகள் சரணாலயங்கள்; நான்கு யானை சரணாலயங்கள்; மூன்று பல்லுயிர் பெருக்கத் தளங்கள் உள்ளன. தமிழ்நாட்டில் இருக்கும் முக்கியமான சில சரணாலயங்கள் மற்றும் தேசீயப் பூங்காக்கள்

கிண்டி

தமிழ்நாட்டின் தலைநகரான சென்னை மாநகரில் கிண்டி தேசீயப் பூங்கா உள்ளது. இந்தப் பூங்காவின் மொத்தப்பரப்பளவு 2.7 சதுர கிலோ மீட்டர்தான். இங்கு பலவகை மான்கள் இருக்கின்றன. இதனருகில் பாம்புப் பண்ணை ஒன்றும் அமைக்கப்பட்டுள்ளது.

களக்காடு-முண்டந்துறை புலிகள் சரணாலயம்

தமிழ்நாட்டில் திருநெல்வேலி மாவட்டத்தில் களக்காடுக்கு 15 கிலோ மீட்டர் தொலைவில் இருக்கும் திருக்குறுங்குடி மலைப்பகுதி தொடங்கி அம்பாசமுத்திரத்திலிருந்து 40 கிலோ மீட்டர் தொலைவில் இருக்கும் முண்டந்துறை மலைப்பகுதி வரையிலான வனப்பகுதி களக்காடு-முண்டந்துறை புலிகள் சரணாலயமாகும். இது புலிகளுக்கான சரணாலயம் என்றாலும் இம்மலைப் பகுதியில் மிளா, காட்டுப்பன்றி, சிங்கவால் குரங்கு, யானை, உடும்பு, கரடி, பலவகைபாம்புகளும் அதிகம் வாழ்கின்றன.

ஆனைமலை

தமிழ்நாட்டில் பொள்ளாச்சி அருகில் இருக்கும் ஆனைமலை வனப்பகுதியான இந்த சரணாலயத்தின் மொத்தப்பரப்பளவு 958 சதுர கிலோமீட்டர். இந்த சரணாலயத்தில் யானை, சிறுத்தை, புலி, காட்டு எருமை, கடம்பை மான், புள்ளி மான், காட்டுப்பன்றி, கரடி என்று நிறைய வன விலங்குகள் இருக்கின்றன.

முதுமலை

தமிழ்நாட்டில் நீலகிரி மாவட்டத்தில் இருக்கும் முதுமலை வனப்பகுதியான இந்த சரணாலயத்தின் மொத்தப்பரப்பளவு 321 சதுர கிலோமீட்டர். இந்த சரணாலயத்தில் யானை, சிறுத்தை, புலி, காட்டு எருமை, கடம்பை மான், புள்ளி மான், குரைக்கும் மான், காட்டுப்பன்றிகள், காட்டுப் பூனை, புனுகுப்பூனை, பறக்கும் அணில், பாம்பு வகைகள், பறவை வகைகள் என்று நிறைய வன உயிரினங்கள் இருக்கின்றன.

வேடந்தாங்கல்

தமிழ்நாட்டில் செங்கற்பட்டு ஊரில் இருந்து 28 கிலோ மீட்டர் தொலைவில் இருக்கும் வேடந்தாங்கல் சரணாலயத்தின் மொத்தப்பரப்பளவு 0.3 சதுர கிலோமீட்டர். இந்த சரணாலயத்தில் நவம்பர் மாதத்திலிருந்து பிப்ரவரி மாதம் வரை பல வெளிநாட்டுப் பறவைகள் வந்து இங்குள்ள நீர்நிலைகளில் தங்கி இருக்கின்றன.

கோடிக்கரை

தமிழ்நாட்டில் கோடிக்கரை ஊரிலிருக்கும் வனப்பகுதியில் 17 சதுர கிலோமீட்டர் பரப்பளவில் இந்த சரணாலயம் இருக்கிறது. இங்கு வெளிநாட்டுப் பறவைகள் ஏராளமாக வந்து தங்கிச் செல்கின்றன.

ஆந்திரா

ஆந்திராவில் இருக்கும் முக்கியமான சில சரணாலயங்கள் மற்றும் தேசீயப் பூங்காக்கள்

நாகார்ஜீனசாகர் - ஸ்ரீசைலம்

ஆந்திராவின் குண்டூர், கர்நூல், நல்கொண்டா மற்றும் மகபூப் நகர் என்று ஐந்து மாவட்டங்களில் இருக்கும் மிகப்பெரிய நாகார்ஜீனசாகர் வனப்பகுதியான இந்த சரணாலயத்தின் மொத்தப்பரப்பளவு 3568 சதுர கிலோமீட்டராகும். இதில் நாகார்ஜீன சாகர் புலிகள் திட்டத்திற்கு மட்டும் 2800 சதுர கிலோமீட்டர் பரப்பளவில் இருக்கிறது. இந்த சரணாலயத்தில் புலி, சிறுத்தை, கரடி, காட்டுப்பன்றி, பலவகையான மான், நரி, ஓநாய் மற்றும் முதலை போன்றவைகள் நிறைய இருக்கின்றன.

கொல்லேரு

ஆந்திராவின் விஜயவாடா நகருக்கு அருகில் இருக்கும் கொல்லேரு சரணாலயம் ஏரியுடன் 673 சதுர கிலோமீட்டர் பரப்பளவுடையதாகும். இங்கு ஆண்டுதோறும் டிசம்பர் மாதம் முதல் மார்ச் மாதம் வரையுள்ள காலத்தில் நாரை, வண்ணக் கொக்கு மற்றும் நீர்நிலைப் பறவைகள் சில வந்து இனப்பெருக்கம் செய்து திரும்புகின்றன.

கர்நாடகா

கர்நாடகாவில் இருக்கும் முக்கியமான சில சரணாலயங்கள் மற்றும் தேசீயப் பூங்காக்கள்

பந்திப்பூர்

கர்நாடகாவில் மைசூரில் இருந்து 65 கிலோமீட்டர் தொலைவில் இருக்கும் வனவிலங்குகளுக்கான இந்த தேசீயப் பூங்காவின் மொத்தப் பரப்பளவு 874 சதுர கிலோமீட்டர். இங்கு புலி, சிறுத்தை, கரடி, காட்டுப்பன்றி, பலவகையான மான், நரி, ஓநாய், காட்டு நாய், மலபார் அணில், பச்சைப் புறா, காடை, கவுதாரி மற்றும் முதலை போன்றவைகள் நிறைய இருக்கின்றன.

நகர்ஹோலே

கர்நாடகாவில் மைசூரில் இருந்து 90 கிலோமீட்டர் தொலைவில் இருக்கும் வனவிலங்குகளுக்கான இந்த குடகுமலைத் தேசீயப் பூங்காவின் மொத்தப் பரப்பளவு 571 சதுர கிலோமீட்டர். இங்கு யானை, புலி, சிறுத்தை, கரடி, காட்டுப்பன்றி, காடை, கவுதாரி மற்றும் காட்டுக்கோழி போன்றவைகள் நிறைய இருக்கின்றன.

பன்னார்கட்டா

கர்நாடகாவில் பெங்களூரில் இருந்து 20 கிலோமீட்டர் தொலைவில் இருக்கும் இந்த வனப்பகுதியின் பன்னார்கட்டா தேசியப்பூங்காவில் பலவகையான மான்கள் இருக்கின்றன.

ரங்கன் திட்டு

கர்நாடகாவில் ஸ்ரீரங்கப்பட்டினம் ஊருக்கு வடக்கே 10 கிலோமீட்டர் தொலைவில் இருக்கிறது ரங்கன் திட்டு சரணாலயம். இங்கு ஆண்டுதோறும் ஜீலை மாதம் முதல் ஆகஸ்ட் மாதம் வரையுள்ள காலத்தில் திறந்த வாய் நாரை, கரண்டி மூக்கன் மற்றும் வெள்ளை இபிஸ் போன்ற நீர்நிலைப் பறவைகள் சில வந்து செல்கின்றன.

கேரளா

கேரளாவில் இருக்கும் முக்கியமான சரணாலயம் பெரியாறு சரணாலயம்தான்.

பெரியாறு

கேரளாவில் இருக்கும் கோட்டயம் எனும் ஊரிலிருந்து 114 கிலோமீட்டர் தொலைவிலும் தமிழ்நாட்டில் இருக்கும் தேனி எனும் ஊரிலிருந்து 66 கிலோமீட்டர் தொலைவிலும் இருக்கும் பெரியாறு சரணாலயத்தின் மொத்தப்பரப்பளவு 777 சதுர கிலோமீட்டர் ஆகும். இங்கு யானை, சிறுத்தை, கரடி, காட்டு எருமை, பலவகையான மான், காட்டு நாய், புலி, பலவகைக் குரங்கு, பறக்கும் அணில்கள், மலை அணில், காட்டுக் கோழி, காட்டு மைனா போன்றவைகள் நிறைய இருக்கின்றன.

அஸ்ஸாம்

அஸ்ஸாம் மாநிலத்தில் இருக்கும் முக்கியமான சில சரணாலயங்கள் மற்றும் தேசீயப் பூங்காக்கள்

காசிரங்கா

அஸ்ஸாம் மாநிலத்தில் கவுகாத்தியிலிருந்து 217 கிலோமீட்டர் தொலைவிலும், ஜோர்கட் எனும் ஊரிலிருந்து 84 கிலோமீட்டர் தொலைவிலும் இருக்கும் காசிரங்கா சரணாலயத்தின் மொத்தப்பரப்பளவு 430 சதுர கிலோமீட்டர். இது காண்டா மிருகத்திற்கான சிறப்பு சரணாலயமாகும். இங்கு காண்டாமிருகம், யானை, சதுப்பு நில மான், சிறுத்தை, பூனை, மலைப்ப்பாம்பு, சிகப்புக் காட்டுக் கோழி, வாத்து, மானிடர் பல்லி போன்றவை அதிகமாக இருக்கின்றன.

மானஸ்

அஸ்ஸாம் மாநிலத்தில் கவுகாத்தியிலிருந்து 167 கிலோமீட்டர் தொலைவில் பூட்டான் நாட்டு எல்லையை ஒட்டியுள்ள வனப்பகுதியில் மானஸ் நதியுள்ள 360 சதுர கிலோமீட்டர் பரப்பளவைக் கொண்ட சரணாலயம் இது. இந்த சரணாலயத்தில் புலி, பலவகையான பறவைகள் பல இருக்கின்றன.

மேற்கு வங்காளம்

மேற்கு வங்காளம் மாநிலத்தில் இருக்கும் முக்கியமான சில சரணாலயங்கள் மற்றும் தேசீயப் பூங்காக்கள்

ஜல்டபாரா

மேற்கு வங்காளம் மாநிலத்தில் ஜல்பைகுரி மாவட்டத்தில் ஹாசிமாரா அருகில் அமைந்துள்ள இந்த சரணாலயத்தின் மொத்தப்பரப்பளவு 116 சதுர கிலோமீட்டர். இங்கு யானை, புலி, சிறுத்தை, காட்டுப் பன்றி, காட்டு எருமை, குரைக்கும் மான், முள்ளம்பன்றி மற்றும் பலவகையான பறவை போன்றவை அதிகமாக இருக்கின்றன.

[தொகு] சுந்தரவனம்

மேற்கு வங்காளம் மாநிலத்தில் கல்கத்தாவிற்குத் தெற்கே 112 கிலோமீட்டர் தொலைவிலும் போட்கானிங் எனும் ஊரிலிருந்து 48 கிலோமீட்டர் தொலைவிலும் சுந்தரவனம் இருக்கிறது. இந்த சுந்தரவனத்தின் வடக்குப் பகுதியை சஜ்ரகலி சரணாலயம் என்றும் தெற்குப் பகுதியை லோதெய்ன் தீவு சரணாலயம் என்றும் சொல்கின்றனர். இதன் மொத்தப் பரப்பளவு 2585 சதுர கிலோமீட்டர். இங்கு ராயல் பெங்கால் டைகர்ஸ் எனும் சிறப்பு புலி, மான், காட்டுப்பன்றி, பலவிதமான முதலை மற்றும் ஆமை இருக்கின்றன.

பீகார்

பீகார் மாநிலத்தில் இருக்கும் முக்கியமான சில சரணாலயங்கள் மற்றும் தேசீயப் பூங்காக்கள்.

ஹஜாரிபாக்

பீகார் மாநிலத்தில் ராஞ்சி எனும் ஊரிலிருந்து 115 கிலோமீட்டர் தொலைவிலும் கோடர்மா எனும் ஊரிலிருந்து 50 கிலோமீட்டர் தொலைவிலும் உள்ள இந்த மலைப்பிரதேச சரணாலயத்தின் மொத்தப் பரப்பளவு 186 சதுர கிலோமீட்டர். இங்கு புலி, சிறுத்தை, காட்டுப்பன்றி, காட்டுப்பூனை, மயில், நீலப்பசு போன்றவை நிறைய இருக்கின்றன.

பலாமாவு

பீகார் மாநிலத்தில் ராஞ்சி எனும் ஊரிலிருந்து 180 கிலோமீட்டர் தொலைவிலும் சிப்பாதோஹர் எனும் ஊரிலிருந்து 80 கிலோமீட்டர் தொலைவிலும் உள்ள இந்த சரணாலயத்தின் மொத்தப் பரப்பளவு 979 சதுர கிலோமீட்டர். இங்கு புலி, யானை, சிறுத்தை, காட்டுப்பன்றி, காட்டுஎருமை, குரைக்கும் மான் மற்றும் பலவகையான மான் போன்றவை அதிகமாக இருக்கின்றன.

மகாராஷ்டிரா

மகாராஷ்டிரா மாநிலத்தில் இருக்கும் முக்கியமான சில சரணாலயங்கள் மற்றும் தேசீயப் பூங்காக்கள்.

ராதாநகரி

மகாராஷ்டிரா மாநிலத்தில் இருக்கும் கோல்ஹாபூர் அருகில் இருக்கும் ராதாநகரி சரணாலாயத்தின் மொத்தப்பரப்பளவு 2072 சதுர கிலோமீட்டர். இது காட்டு எருமைகளுக்கான சரணாலயமாகும். இங்கு காட்டு எருமை, சிறுத்தை, காட்டுப் பன்றி, பல வகை மான்கள் அதிகம் இருக்கின்றன.

பொரிவ்லி

மகாராஷ்டிரா மாநிலத்தில் இருக்கும் மும்பை அருகில் 34 கிலோமீட்டர் தொலைவில் இருக்கும் பொரிவ்லி ஊரில் உள்ள விலங்கியல் தேசீயப் பூங்காவான இதன் மொத்தப் பரப்பளவு 100 சதுர கிலோமீட்டர். இங்கு சிறுத்தை, காட்டுப் பன்றி மற்றும் பறவைகள் இருக்கின்றன.

டடோபா

மகாராஷ்டிரா மாநிலத்தில் இருக்கும் சந்திராபூர் எனும் ஊரில் இருந்து 45 கிலோமீட்டர் தொலைவில் தெற்கிலும் வரோரா எனும் ஊரில் இருந்து 56 கிலோமீட்டர் தென்மேற்கிலும் இருக்கும் இந்த சரணாலயத்தின் மொத்தப் பரப்பளவு 117 சதுர கிலோமீட்டர். இங்கு புலி, சிறுத்தை, கரடி, காட்டு எருமை, கடம்பை மான், காட்டு மாடு, காட்டுப் பன்றி, முதலை ஆகியவை இங்கு இருக்கின்றன.

குஜராத்

குஜராத் மாநிலத்தில் இருக்கும் முக்கியமான சில சரணாலயங்கள் மற்றும் தேசீயப் பூங்காக்கள்.

கிர்

குஜராத் மாநிலத்தில் இருக்கும் சௌராஷ்டிரப் பகுதியில் உள்ள கிர் காடுகளில் சிங்கங்களுக்கான சரணாலயம் உள்ளது. இந்த சரணாலயம் சிங்கத்திற்கான ஆசிய அளவில் சிறப்பு பெற்ற சரணாலயமாகும். சாசன்கிர் எனும் ஊரிலிருந்து 42 கிலோமீட்டர் தொலைவில் இருக்கும் இந்த சரணாலயத்தின் மொத்தப் பரப்பளவு 1412 சதுர கிலோமீட்டர். இங்கு சிங்கம், சிறுத்தை, காட்டுப் பன்றி, கடம்பை மான், மலைப்பாம்பு, கழுகு மற்றும் கருடன் போன்றவைகள் நிறைய இருக்கின்றன.

பிரோடன்

குஜராத் மாநிலத்தில் இருக்கும் ஜாம்நகர் எனும் ஊரில் இருந்து 6 கிலோமீட்டர் தொலைவில் இருக்கும் இந்த கடல் சரணாலயத்தின் மொத்தப் பரப்பளவு 271 சதுர கிலோமீட்டர். இங்கு பருவகாலமாக நவம்பர் மாதம் துவங்கி பிப்ரவரி மாதம் வரை இருக்கிறது. இங்கு ஆக்டோபஸ், பவளப் பூச்சி, பப்பர் மீன், கொக்கு, நாரை போன்றவை இருக்கிறது.

சுரேந்திர நகர்

குஜராத் மாநிலத்தில் இருக்கும் தாரங்கத்ரா எனும் ஊரில் இருந்து 25 கிலோமீட்டர் தொலைவில் இருக்கும் சுரேந்திர நகர் சரணாலயத்தின் மொத்தப் பரப்பளவு 3569 சதுர கிலோமீட்டர். இது காட்டுக்கழுதைகளுக்கான சரணாலயம் ஆகும். இந்தக் காட்டுக் கழுதைகள் அரேபியா, துருக்கி, திபெத், மங்கோலியா, ரசியா போன்ற நாடுகளில் மட்டும்தான் இருக்கின்றன. இங்கு காட்டுக் கழுதை தவிர காட்டு மாடு, ஒநாய், கடம்பை மான் போன்றவைகளும் இருக்கின்றன.

மத்தியப் பிரதேசம்

மத்தியப் பிரதேசம் மாநிலத்தில் இருக்கும் முக்கியமான சில சரணாலயங்கள் மற்றும் தேசீயப் பூங்காக்கள்.

கன்ஹா

மத்தியப் பிரதேசம் மாநிலத்தில் இருக்கும் சிரிடோங்கிரி எனும் ஊரில் இருந்து 110 கிலோமீட்டர் தொலைவில் உள்ள இந்த சரணாலயம் மண்ட்லா மற்றும் பாலாகாட் எனும் இரண்டு மாவட்டங்களில் மொத்தப் பரப்பளவில் 1940 சதுர கிலோமீட்டர் உள்ளது.இங்கு புலி, மான், காட்டுப் பன்றி, காட்டு எருமை, சிறுத்தை, குரைக்கும் மான், சுண்டெலி மான், முள்ளம்பன்றி, காட்டு மாடு போன்றவைகள் நிறைய இருக்கின்றன.

பந்தவ்கர்

மத்தியப் பிரதேசம் மாநிலத்தில் இருக்கும் உமாரியா எனும் ஊரில் இருந்து 30 கிலோமீட்டர் தொலைவில் இருக்கும் இந்த சரணாலயத்தின் மொத்தப் பரப்பளவு 105 சதுர கிலோமீட்டர். இங்கு புலி, வெள்ளைப் புலி போன்றவை இருக்கின்றன.

சிவ்புரி

மத்தியப் பிரதேசம் மாநிலத்தில் இருக்கும் ஜான்சி எனும் ஊரில் இருந்து 94 கிலோமீட்டர் தொலைவில் இருக்கும் சிவ்புரி சரணாலயத்தில் கடம்பை மான் மற்றும் காட்டு மாடு போன்றவை அதிகமாக இருக்கின்றன.

ராஜஸ்தான்

ராஜஸ்தான் மாநிலத்தில் இருக்கும் முக்கியமான சில சரணாலயங்கள் மற்றும் தேசீயப் பூங்காக்கள்.

ரண்தம்போர்

ராஜஸ்தான் மாநிலத்தில் இருக்கும் சவாய் மதாபூர் எனும் ஊரில் இருந்து 11 கிலோமீட்டர் தொலைவில் உள்ள இந்த சரணாலயத்தின் மொத்தப் பரப்பளவு 392 சதுர கிலோமீட்டர் உள்ளது. இங்கு புலி, சிறுத்தை, காட்டுப் பன்றி, கழுதைப்புலி, ஓநாய், காட்டுப் பூனை, புனுகு பூனை, காடை, கவுதாரி, பச்சைப்புறா, சிவப்புக் காட்டுக் கோழி போன்றவைகள் நிறைய இருக்கின்றன.

பரத்பூர்

ராஜஸ்தான் மாநிலத்தில் இருக்கும் ஆலிவர் எனும் ஊரில் தெற்கில் இருக்கும் இந்த சரணாலயத்தின் மொத்தப் பரப்பளவு 29 சதுர கிலோமீட்டர். இங்கு 350 க்கும் அதிகமான பறவை வகைகள் இருக்கின்றன.

சாரிஸ்கா

ராஜஸ்தான் மாநிலத்தில் இருக்கும் ஆலிவர் எனும் ஊரில் இருந்து 21 கிலோமீட்டர் தொலைவில் இருக்கும் சாரிஸ்கா சரணாலயத்திலன் மொத்தப் பரப்பளவு 197 சதுர கிலோமீட்டர். இங்கு புலி, சிறுத்தை மற்றும் பலவகையான மான்கள் , முதலை போன்றவை அதிகமாக இருக்கின்றன.

ஜெய்சல்மேர் பார்மர்

ராஜஸ்தான் மாநிலத்தில் இருக்கும் ஜெய்சல்மேர் நகரைச் சுற்றி அமைந்துள்ள இந்தப் பாலைவனச் சரணாலயத்தின் மொத்தப் பரப்பளவு 3000 சதுர கிலோமீட்டர் ஆகும். இந்தப் பாலைவனப் பகுதியில் அதிகமாக வளர்ந்துள்ள புதர்ச்செடிப் பகுதிகளில் சில வகை மான்கள், ஓநாய், பாலைவன பூனை, நரி போன்றவைகளுடன் பஸ்டர்டு எனும் அரியவகைப் பறவையும் இங்கு காணப்படுகின்றன.

உத்திரப் பிரதேசம்

உத்திரப் பிரதேசம் மாநிலத்தில் இருக்கும் முக்கியமான சில சரணாலயங்கள் மற்றும் தேசீயப் பூங்காக்கள்.

[தொகு] கார்பெட்

உத்திரப் பிரதேசம் மாநிலத்தில் இருக்கும் ராம் நகர் எனும் ஊரில் இருந்து 50 கிலோமீட்டர் தொலைவில் உள்ள இந்த சரணாலயம்தான் இந்தியாவில் அமைக்கப்பட்ட முதல் சரணாலயம். இந்த சரணாலயத்தின் மொத்தப் பரப்பளவு 525 சதுர கிலோமீட்டர் ஆகும். இங்கு புலி, குரைக்கும் மான், புள்ளி மான், கடம்பை மான், காட்டுப் பன்றி, முள்ளம்பன்றி, சிறுத்தை, முள் எலி, மலைப்பாம்பு, கரடி, காடை, கவுதாரி காட்டு மாடு போன்றவைகள் நிறைய இருக்கின்றன.

இங்கு 110 வகையான மரங்கள், 51 வகையான புதர்ச்செடிகள், 33 வகையான மூங்கில்கள் இருக்கின்றன.

தூத்வா

உத்திரப் பிரதேசம் மாநிலத்தில் இருக்கும் தூத்வா எனும் ஊரில் இருக்கும் இந்த சரணாலயம் நேபாள நாட்டு எல்லையை ஒட்டி அமைந்துள்ளது. இதன் மொத்தப் பரப்பளவு 492 சதுர கிலோமீட்டர். இங்கு புலி, சிறுத்தை, கரடி, நீலப்பசு, மீன் பூனை, சிறுத்தைப் பூனை, கொம்பு ஆந்தை, கழுகு ஆந்தை, காடை, கவுதாரி, கொக்கு மற்றும் நாரை போன்றவைகள் இருக்கின்றன.

நந்ததேவி

உத்திரப் பிரதேசம் மாநிலத்தில் இமயமலைப் பனிப் பிரதேசப் பகுதியில் இருக்கும் இந்த சரணாலயத்தில் மொத்தப் பரப்பளவு 630 சதுர கிலோமீட்டர். இங்கு ஹிமாலயப் பிரௌன் கரடி, ஹிமாலய கறுப்புக் கரடி, பனிச் சிறுத்தை, கஸ்தூரி மான் மற்றும் பனிப்புழு போன்றவை அதிகமாக இருக்கின்றன.

ஒரிசா

ஒரிசா மாநிலத்தில் இருக்கும் முக்கியமான சில சரணாலயங்கள் மற்றும் தேசீயப் பூங்காக்கள்.

சிம்லிபால்

ஒரிசா மாநிலத்தில் இருக்கும் பாரிபாடா எனும் ஊரில் இருந்து 50 கிலோமீட்டர் தொலைவில் உள்ள இந்த சரணாலயத்தின் மொத்தப் பரப்பளவு 303 சதுர கிலோமீட்டர் ஆகும். இங்கு சுண்டெலி மான், புலி, சிறுத்தை, யானை, காட்டு எருமை, பறக்கும் அணில் ஆகியவை அதிகம் இருக்கின்றன.

சில்கா

ஒரிசா மாநிலத்தில் இருக்கும் பால்கான் எனும் ஊரில் இருக்கும் இந்தப் பறவைகள் சரணாலயத்தின் மொத்தப் பரப்பளவு 900 சதுர கிலோமீட்டர். இங்குள்ள ஏரியில் பலவகையான கொக்கு, நாரை, போன்ற நீர்நிலைப் பறவைகள் மற்றும் மான்கள் போன்றவைகள் இருக்கின்றன.

சட்கோஜியா கார்ஜ்

ஒரிசா மாநிலத்தில் தென்கனால், பூரி, கட்டாக் மற்றும் பூல்பனி எனும் நான்கு மாவட்டங்களில் இருக்கும் இந்த சரணாலயத்தின் மொத்தப் பரப்பளவு 730 சதுர கிலோமீட்டர். இங்கு புலி, யானை, சிறுத்தை, காட்டு எருமை, காட்டுப் பன்றி, குரங்கு மற்றும் காடை, கவுதாரி, பறக்கும் அணில் போன்றவை அதிகமாக இருக்கின்றன.

இமாசலப் பிரதேசம்

இமாசலப் பிரதேசம் மாநிலத்தில் இருக்கும் முக்கியமான சில சரணாலயங்கள் மற்றும் தேசீயப் பூங்காக்கள்.

மணலி

இமாசலப் பிரதேசம் மாநிலத்தில் இருக்கும் குலூ எனும் ஊரில் இருந்து 45 கிலோமீட்டர் தொலைவில் உள்ள இந்த மணலி சரணாலயத்தின் மொத்தப் பரப்பளவு 29 சதுர கிலோமீட்டர் ஆகும். இங்கு செப்டம்பர், அக்டோபர் மற்றும் மே, ஜீன் ஆகிய மாதங்கள் பருவகாலமாக இருக்கிறது. இங்கு தார், சேரோ, கோரல், கலிஜ், கோக்லாஸ், சக்கோர் மார்டன் எனும் இமாசலப் பிரதேசத்தில் மட்டும் இருக்கும் அபூர்வ விலங்குகள், புனுகுப் பூனை, பறக்கும் நரி ஆகியவை இருக்கின்றன.

ஜம்மு காஷ்மீர்

ஜம்மு காஷ்மீர் மாநிலத்தில் இருக்கும் முக்கியமான சில சரணாலயங்கள் மற்றும் தேசீயப் பூங்காக்கள்.

டச்சிகாம்

ஜம்மு காஷ்மீர் மாநிலத் தலைநகர் ஸ்ரீநகர் எனும் ஊரில் இருந்து 26 கிலோமீட்டர் தொலைவில் உள்ள இந்த சரணாலயத்தின் மொத்தப் பரப்பளவு 142 சதுர கிலோமீட்டர் ஆகும். இங்கு ஏப்ரல் மாதம் துவங்கி நவம்பர் மாதம் வரையிலான எட்டு மாதங்கள் பருவகாலமாக இருக்கிறது. இங்கு மான், ஹிமாலயக் கரடி, பனிச்சிறுத்தை, காட்டு ஆடு, பனிப்பிரதேச மயில், இபெக்ஸ், கஸ்தூரி மான் ஆகியவை இருக்கின்றன.

இந்தியச் சரணாலயங்கள்

பொருளடக்கம்

தமிழ்நாடு

கிண்டி

களக்காடு-முண்டந்துறை புலிகள் சரணாலயம்

ஆனைமலை

முதுமலை

வேடந்தாங்கல்

கோடிக்கரை

ஆந்திரா

நாகார்ஜீனசாகர் - ஸ்ரீசைலம்

கொல்லேரு

கர்நாடகா

பந்திப்பூர்

நகர்ஹோலே

பன்னார்கட்டா

ரங்கன் திட்டு

கேரளா

கேரளாவில் இருக்கும் முக்கியமான சரணாலயம் பெரியாறு சரணாலயம்தான்.

பெரியாறு

அஸ்ஸாம்

காசிரங்கா

மானஸ்

மேற்கு வங்காளம்

ஜல்டபாரா

[தொகு] சுந்தரவனம்

பீகார்

ஹஜாரிபாக்

பலாமாவு

மகாராஷ்டிரா

ராதாநகரி

பொரிவ்லி

டடோபா

குஜராத்

கிர்

பிரோடன்

சுரேந்திர நகர்

மத்தியப் பிரதேசம்

கன்ஹா

பந்தவ்கர்

சிவ்புரி

ராஜஸ்தான்

ரண்தம்போர்

பரத்பூர்

சாரிஸ்கா

ஜெய்சல்மேர் பார்மர்

உத்திரப் பிரதேசம்

[தொகு] கார்பெட்

தூத்வா

நந்ததேவி

ஒரிசா

சிம்லிபால்

சில்கா

சட்கோஜியா கார்ஜ்

இமாசலப் பிரதேசம்

மணலி

ஜம்மு காஷ்மீர்

டச்சிகாம்

அரசின் கடமை...குடிமக்கள் கடமை: இன்று 62வது குடியரசு தினம்

இந்திய சுதந்திரத்திற்கு முன் 1946 டிச. 9ல் அரசியல் நிர்ணய சபை கூட்டப்பட்டது. அதன் தற்காலிகதலைவராக சச்சிதானந்த சின்கா தேர்வானார். இந்திய சுதந்திரசட்டம் 1947 ஜூனில் நிறைவேறியது.1947 ஆக.15ல் இந்தியா சுதந்திரம் அடைந்தது.1947ல், அரசியல் நிர்ணய சபை தலைவர் சின்கா மறைவையொட்டி, டாக்டர் ராஜேந்திர பிரசாத் அதன் தலைவரானார். முதல் குடியரசு தலைவராகவும் அவர் பொறுப்பேற்றார். இந்தியாவிற்கு அரசியலமைப்பு வரைவுக்குழு அமைக்கப்பட்டது. அதன் தலைவராக டாக்டர் பீமாராவ் அம்பேத்கர் பொறுப்பேற்றார். அக்குழு தந்த வரைவினை அரசியல் நிர்ணய சபை 1949 நவ.26ல் ஏற்று கொண்டது. இந்திய அரசியல் அமைப்பு 1950 ஜனவரி 26ல் நடை முறைக்குவந்தது. ஒவ்வொரு ஆண்டும் ஜன. 26 குடியரசு தினமாக கடை பிடிக்கப்படுகிறது.

சிறப்பு: இந்திய அரசியலமைப்பு ஒரு நீண்ட எழுதப்பட்ட ஆவணம். முகவுரை, விதிகள், அட்டவணைகள், பிற்சேர்க்கை, திருத்த மசோதாக்கள் போன்ற சிறப்புக்களை பெற்றது.

வழிகாட்டுதல்:மத்திய, மாநில அரசுகள், மைய ஆட்சி பகுதிகள்,அதன் அலுவலகங்கள், சுப்ரீம் கோர்ட், ஐகோர்ட், கோர்ட்கள், இந்திய தேர்தல் ஆணையம் ஆகிய அனைத்தும் அரசியல் அமைப்பின் வழிகாட்டுதல்படி இயங்குகின்றன.சுதந்திரம், சமத்துவம், சகோதரத்துவம் ஆகிய மூன்றும் 1789ம் ஆண்டு பிரெஞ்சு புரட்சியின்போது முக்கிய குரல்களாகும். இவற்றிற்கு நமது அரசியல் அமைப்பு முகவுரை முக்கியத்துவம் தந்துள்ளது.

அரசின் கடமை :

*குடிமக்கள் அனைவருக்கும்போதுமான வாழ்க்கை வசதிகளை ஏற்படுத்தி தர வேண்டும்.
*மக்கள் வாழ்க்கை தரத்தினை உயர்த்த வேண்டும்.
*பொது சுகாதாரத்தை மேம்படுத்த வேண்டும்.
*குழந்தைகளுக்கு இலவச, கட்டாய கல்வி தர வேண்டும்.
*ஒரு சிலரின் கைகளிலேயே நாட்டின் செல்வ வளம் குவியா வண்ணம் தடுக்க வேண்டும்.
*ஏழைகளுக்கு இலவச சட்ட உதவி வழங்க வேண்டும்.
*நாட்டின் இயற்கை வளங்களை பாதுகாக்க வேண்டும்.
*பன்னாட்டு அமைதியையும், பாதுகாப்பையும் மேம்படுத்த வேண்டும்.

குடிமக்களின் கடமை

*அரசியல் அமைப்பிற்கு கீழ்படிந்து தேசிய கொடியையும், தேசியகீதத்தையும் மதிக்க வேண்டும்.
*நமது சுதந்திர போராட்டத்தின் உன்னத கொள்கைகளை பின்பற்ற வேண்டும்.
*இந்திய நாட்டின் இறையாண்மை, ஒற்றுமை, ஒருமைப்பாட்டினைபாதுகாக்க வேண்டும்.
*தேவைப்படும் போது தேசியபணிபுரிய வேண்டும்.
*அனைத்து இந்திய மக்களிடையேயும், ஒன்றிணைந்த பொதுசகோதரத்துவ உணர்வினைமேம்படுத்த வேண்டும்.
*நமது பெருமை மிகு பண்பாட்டு பாரம்பரியத்தை காக்க வேண்டும்.
*நமது இயற்கை சூழலை பாதுகாத்து காப்பாற்ற வேண்டும்.
*நமது பொது சொத்துக்களை பாதுகாத்து வன்முறையை கைவிட வேண்டும்.

இந்திய குடிமக்கள் என்பதில் பெருமிதம் கொள்வோம்.அரசிடம் கடமைகளை முழுமையாக பெற்று, நமது கடமைகளை செய்ய குடியரசு தினத்தில் உறுதி ஏற்போமே.

இந்திய குடியரசின் கதை : குடியரசு என்பதற்கு, மறைந்தஅமெரிக்க ஜனாதிபதி ஆபிரகாம்லிங்கன்தான் மிகச்சரியாகஇலக்கணம் வகுத்தார். அவரது புகழ்பெற்ற உரையின் இறுதியில் "மக்களுக்காக, மக்களுடைய மக்கள் அரசு' என்று அவர் ரத்தினச் சுருக்கமாக விளக்கம் அளித்தார். இந்த விளக்கத்துக்கு பொருள் தரும்படியாக இந்தியா விளங்கி வருகிறது.

பல்வேறு ஆப்ரிக்க நாடுகள், மியான்மர் உள்ளிட்ட ராணுவ ஆதிக்கம் உள்ள நாடுகள் இந்த பெருமையை கொண்டாட முடியாது. சீனாவில் ஒரு கட்சி ஆட்சி நடந்து வருவதால், அந்நாட்டை முழுமையான ஜனநாயக நாடாக ஏற்றுக் கொள்ள முடியாத பட்சத்தில், உலகின் மிகப்பெரிய நாடான இந்தியாவில் குடியரசு தினம் கொண்டாடப்படுவது நம் அனைவருக்கும் பெருமை தரத்தக்கது. லிங்கன் கூறிய மக்களுக்கான அரசை இந்தியாவில் ஏற்படுத்தினால்தான் இந்தியா முழு சுதந்திரம் பெற்ற நாடாகக் கருதப்படும் என நமது தேசியத் தலைவர்கள் பலர் கருதினர். இருந்த போதிலும், சில தலைவர்களுக்கு பிரிட்டிஷ் ஆதிக்கத்திலிருந்து இந்தியா விடுபட வேண்டும் என்பதிலும்,சுதந்திர நாடாக இந்தியா செயல்படும் என்பதிலும் நம்பிக்கை குறைவாகவே கொண்டிருந்தனர்.

அதனால் தான் 1928ல் டில்லியில் கூடிய சர்வகட்சி மாநாடு ஏற்றுக்கொண்ட அரசியலமைப்பு டொமினியன் அந்தஸ்து பெறுவதைத்தான் நோக்கமாகக் கொண்டிருந்தது. டொமினியன் என்றால் பிரிட்டிஷ் மேலாதிக்கத்திற்கு உட்பட்ட சுய ஆட்சி என்று பொருள்.அதாவது நாட்டுப்பாதுகாப்பு, வெளியுறவு ஆகியவற்றை பிரிட்டிஷாரே நிர்வகிப்பர். உள்நாட்டு விவகாரங்களில் முழு சுய ஆட்சி இந்தியர்களுக்கு அளிக்கப்படும்.காங்கிரசில் தீவிரவாத கொள்கைகளைக் கொண்டிருந்த, இளைஞர்களான ஜவகர்லால் நேரு, சுபாஷ் சந்திர போஸ் ஆகியோர் "பூரண சுயராஜ்யமே' நமது நோக்கமாக இருக்க வேண்டும் என்று குரல் கொடுத்தனர்.

டில்லி சர்வகட்சி மாநாடுதயாரித்த அரசியலமைப்பு "நேரு அறிக்கை' எனப்பட்டது. சர்வகட்சியினரும் தேர்ந்தெடுத்தமோதிலால் நேருவின் தலைமையிலான குழுதான் அதனைத்தயாரித்தது. அந்த ஆண்டில் கோல்கட்டாவில் மோதிலால் நேருதலைமையில் கூடிய காங்கிரஸ் மாநாட்டில் நேரு அறிக்கை விவாதத்திற்கு வந்தது. நேரு, போஸ் ஆகியோரின் எதிர்ப்பால் பூரண சுதந்திரமே நமது புதிய அரசியல் அமைப்பின் உயிரோட்டமாக இருக்க வேண்டும் என்று தலைவர்கள் வலியுறுத்தினர்.

இறுதியில் கோல்கட்டாமாநாட்டில் ஒரு சமரசத் தீர்மானம் கொண்டு வரப்பட்டது. பிரிட்டிஷ் அரசு இந்தியாவிற்கு டொமினியன் அந்தஸ்து அளிக்க விரும்பினால் அது 1929 டிசம்பர் 31க்குள் கொடுக்கப்பட வேண்டும். அதன்பின் டொமினியன் அந்தஸ்தை ஏற்றுக்கொள்ள மாட்டோம். பூரண சுதந்திரமே காங்கிரசின் லட்சியமாக இருக்கும். இந்த தீர்மானம் ஏகமனதாக நிறைவேற்றப்பட்டது. மறுஆண்டில் டொமினியன் அந்தஸ்திற்கு ஒரு ஆண்டு கெடு முடியும் டிசம்பர் 31ல்லாகூரில் ஜவகர்லால் நேரு தலைமையில் காங்கிரஸ் மாநாடு கூடியது. அன்று நள்ளிரவில் தீர்மானம் இயற்றப்பட்ட "பூரண சுயராஜ்யம்' காங்கிரசின் லட்சியமானது.அந்த காங்கிரஸ் மாநாட்டில் மற்றொரு தீர்மானமும் நிறைவேற்றப்பட்டது. அதன்படி ஜனவரி 26ம் நாள் "பூரண சுதந்திர' நாளாகக் கொண்டாடப்பட வேண்டும் என கேட்டுக் கொள்ளப்பட்டது.

1947 ஆகஸ்ட் 15ல் இந்தியா சுதந்திரம் பெறும்போது பிரிட்டிஷ் அரசு டொமினியன் அந்தஸ்து தான் அளித்தது. பிரிட்டிஷ் மன்னரால் நியமனம் செய்யப்பட்டகவர்னர் ஜெனரல் தான் இந்தியாவின் தலைவராக இருந்தார்.சுதந்திரம் கிடைத்த பின், லாகூர் மாநாட்டு தீர்மானத்தின் படி, 1950ல் இந்திய அரசியலமைப்பை நடைமுறைப்படுத்த ஜனவரி 26ம் தேதி தேர்வு செய்யப்பட்டது.இத்தினம் பூரண சுயராஜ்ய நாளாக - அதாவது குடியரசு தினமாக ஆண்டுதோறும் கொண்டாடப்பட்டு வருகிறது.

"அம்மாவின்' சமையலறை:இந்திய பெண்களையும் சமையல்அறையையும் பிரிக்க முடியாது.அதுபோல் நம் ஜனாதிபதி பிரதிபாபாட்டீலும் ராஷ்டிரபதி பவனின்சமையலறையை மேம்படுத்துவதில்ஆர்வம் காட்டுகிறார்.

ராஷ்டிரபதி பவனில், பொது சமையலறை, ஜனாதிபதியின் குடும்ப சமையலறை, பாதுகாவலர்கள் மற்றும் பாதுகாப்புப் படை வீரர்களுக்கான சமையலறைகள் உள்ளன. ஜனாதிபதி மற்றும்அவரது குடும்பத்தினருக்கு ஜனாதிபதியின் குடும்ப சமையலறையிலிருந்துதான் உணவு தயாரிக்கப்பட்டு வழங்கப்படும். ராஷ்டிரபதி பவனில் நிறைய மாற்றங்களைக் கொண்டு வந்தவர் அப்துல் கலாம். பதவியேற்கும் அதிகார மையமான அசோகா ஹாலை மட்டும் அவர் புதுப்பிக்க வில்லை. பழங்கால சமையலறையையும் நவீனமயமாக்கியபெருமையும் அவரையே சேரும்.ஊழியர்களுக்கான பழமையானசீருடையை மாற்றி புதுப்பித்தவரும் அவரே. இன்றைய நவீன உணவுகளை பழைய பாத்திரங்களில் சமைத்து வந்தனர். அவற்றை மாற்றி புதிய பாத்திரங்கள் மற்றும் உபகரணங்கள்அவரது காலத்தில் வாங்கப்பட்டன. புதிய பேக்கரியையும் துவக்கினார். சமையலர்கள்மற்றும் உணவுத் துறையில் பணிபுரிவோருக்கு டில்லியில் உள்ளநட்சத்திர ஹோட்டலில் பயிற்சி வழங்கப்பட்டன.

அப்துல் கலாம் ஜனாதிபதியாக இருந்த காலத்தில், குடும்ப சமையலறை பூட்டியே இருந்தது. பொது சமையலறையிலிருந்துதான் அவருக்கு உணவு வழங்கப்பட்டது. பிரதிபா பாட்டீல் ஜனாதிபதியான பின்புதான் மீண்டும் இந்த சமையலறை திறக்கப்பட்டது.ராஷ்டிரபதி பவனில் கலாம்விட்டுப்போன பணிகளை பிரதிபா தொடர்கிறார். வீரர்களுக்கான சமையலறைக்கு தற்போது சாண எரிவாயு இணைப்புக் கொடுக்கப்பட்டுள்ளது. பிற இரு சமையறைகளுக்கும் ராஷ்டிரபதி பவன் ஊழியர்கள் குடியிருக்கும் ஆயிரம்வீடுகளுக்கும் குழாய் வழி எரிவாயுக்கள் இணைப்பு வழங்கப்பட்டுள்ளன. தேசத்தின் சின்னமாக விளங்கி வரும் ராஷ்டிரபதி பவனில், வெளிநாட்டு விருந்தினர்கள் வந்தால் மேற்கத்திய பாணியில் வரவேற்பு, உணவு வழங்க எப்போதும் ஊழியர்கள் தயார் நிலையில் உள்ளனர்.

கலாம் பதவிக் காலத்தில் அவருடன், அவர் குடும்பத்தினர் யாரும் தங்கவில்லை. அங்கும் பிரம்மச்சாரியாகத்தான் இருந்தார். பொதுவாக இரவில் நேரம் கழித்தே உணவு சாப்பிடும் வழக்கம் கொண்டவர் கலாம். ஆகவே, அவர் இரவு நெடுநேரம் வரை, தனக்காக ஊழியர்கள் யாரும் காத்திருக்க வேண்டாம். ஒரே ஒருவர் மட்டும் காத்திருந்தால் போதும் என்று கூறிவிட்டார். சாப்பிடும் போது, தனது அம்மாவின் நினைவு வரும் என்று கூறியிருக்கிறார்.

மறைந்த ஜனாதிபதி ஜாகீர் உசேன் வாழ்ந்த காலத்தில் அவர்களது வீட்டு சமையலறைப் பாத்திரங்களை விற்று அவரை படிக்க வைத்தார்கள். இதேபோன்றுகஷ்டப்பட்டவர்தான் கே.ஆர். நாராயணனும். ஜனாதிபதியான பின்னர் நாராயணன் உயர்ந்த இடத்துக்குச் சென்றாலும், ஜனாதிபதி மாளிகை விருந்தை விட,அவரது அம்மாவின் கைப்பக்குவத்தில் தயாரான மீன் குழம்புதான் உலகிலேயே தனக்கு பிடித்தமான உணவு என்று கூறியிருக்கிறார்.

வெளிநாட்டு தலைவர்கள்,பல்வேறு மாநிலங்களைச்சேர்ந்த தலைவர்கள் என்று யார் வந்தாலும், முகம் சுளிக்காமல் உணவுகளும் சிற்றுண்டிகளும் ராஷ்டிரபதி பவன் சமையலறை பணியாளர்கள் மேற்கொள்கின்றனர். இந்திய பாரம்பரிய உணவாக இருந்தாலும், மேற்கத்தியஉணவாக இருந்தாலும், அதன் தனித்தன்மையை பாதுகாத்து, ஒவ்வொரு ஜனாதிபதியிடமும் இந்த பணியாளர்கள் பாராட்டுக்களை பெற்றுள்ளனர். ஒவ்வொருவருக்கும் அம்மாவின் சமையலறையைப் போல் விளங்கும் ராஷ்டிபதி பவன் சமையலறையின் வாசம், பிரதிபாபாட்டீலின் குடும்ப உறுப்பினர்கள் அனைவருக்கும் தற்போது திருப்தி அளித்து வருகிறது.

தகவல் உரிமை பெறும் சட்ட சமூக மாற்றத்தை ஏற்படுத்தலாம்

ஊட்டி: "தகவல் உரிமை பெறும் சட்டத்தை அனைவரும் பயன்படுத்துவதன் மூலம் பல்வேறு முறைகேடுகளை களைவதுடன், சமூக மாற்றத்தை ஏற்படுத்தலாம்,' என கருத்தரங்கில் தெரிவிக்கப்பட்டுள்ளது.

தகவல் பெறும் உரிமை சட்டம் குறித்த விழிப்புணர்வு கருத்தாய்வு கூட்டம் குன்னூர் சி.எஸ்.ஐ., பாதுகாப்பு மையத்தில் நடத்தப்பட்டது.

நீலகிரி மாவட்ட நுகர்வோர் குழுக்களின் கூட்டமைப்பு, கூடலூர் நுகர்வோர் மனிதவள சுற்றுச்சூழல் பாதுகாப்பு மையம், மாவட்ட மக்கள் மையங்கள் சார்பில், நடந்த இந்த கூட்டத்தில்

நீலகிரி மாவட்ட கூட்டமைப்பு தலைவர் கிருஷ்ணசாமி தலைமை தங்கினார்
தகவல் பெறும் உரிமை சட்டம் குறித்த வழக்கறிஞர் கமருதீன் விளக்கம் அளித்து பேசியதாவது: இந்திய அரசியலமைப்பு சட்டம் பிரிவு 19(1)ன்படி மனித உரிமை அடிப்படையில், பல போராட்டங்களுக்கு இடையில் தகவல் பெறும் உரிமை சட்டம் உருவாக்கப்பட்டது. இது மக்களை கேள்வி கேட்கும் அதிகாரத்தை கொடுத்துள்ளது. அரசு அலுவலகங்களில் உள்ள அனைத்து வடிவிலான தகவல்கள், ஆவணங்கள் இதில் அடங்கும். இந்த சட்டத்தினால் அரசு அலுவலகங்களை நேரடி ஆய்வு செய்ய முடியும். சமீபத்தில் ஆளுநர் மாளிகை, மாநில தகவல் ஆணையம் உட்பட காவல்துறை தலைமையகம், மாவட்ட கலெக்டர் அலுவலகங்கள் ஆய்வு செய்யப்பட்டுள்ளன. பொது அமைதி பாதிப்பு, வழக்கு பாதிப்பு, பாதுகாப்புக்கு பாதிப்பு ஏற்படுத்தும் தகவல், ராணுவ ரகசியங்களை தவிர, அரசு, அரசு உதவி பெறும் நிறுவனங்கள், பொதுத்துறை நிறுவனங்களின் தகவல்களை கேட்கலாம். அரசு துறைகள், அரசு சார்புடைய நிறுவனங்களின் செயல்பாடுகள் குறித்து தகவல் கேட்டு தெரிந்து கொள்ளலாம். அனைத்து அரசு அலுவலகங்களிலும் உதவி பொது தகவல் அலுவலர், பொது தகவல் அலுவலர்களாக கூடுதல் பொறுப்பு வழங்கப்பட்டுள்ளது. அவருடைய மேலதிகாரி முறையீட்டு அலுவலராக பொறுப்பு வழங்கப்பட்டுள்ளது. மாவட்ட பொது தகவல் அலுவலராக மாவட்ட கலெக்டரின் நேர்முக உதவியாளர் நியமனம் செய்யப்பட்டுள்ளார். இவரிடம் கேள்விகள் கேட்டு விண்ணப்பிக்கலாம். தகவல் கட்டணம் 10 ரூபாய் மட்டுமேயாகும். மாநில அரசாக இருந்தால் கோர்ட் ஸ்டாம்ப், மத்திய அரசாக இருந்தால் அஞ்சல ஆணை வாங்கி இணைத்து அனுப்பலாம். 30 நாட்களில் தகவல் தராத பட்சத்தில் முதல் முறையீட்டையும் அதற்கு பதில் தராதபட்சத்தில் தகவல் ஆணையத்தில் இரண்டாம் முறையீட்டையும் தெரிவிக்கலாம். இச்சட்டத்தை பயன்படுத்துவதன் மூலம் பல்வேறு முறைகேடுகளை களைய முடியும். ஆதர்ஷ் வீட்டு ஒதுக்கீடு ஊழலை தகவல் பெறும் உரிமை சட்டத்தின் கேள்வி கேட்டதன் மூலம் வெளிக் கொணரப்பட்டுள்ளது. பல முறைகேடுகள் தவறுகள் ஆகியவற்றை தகவல் பெறும் உரிமை சட்டம் மூலம் வெளிக்கொண்டு வரப்பட்டுள்ளது. இச்சட்டத்தை அனைவரும் முறையாக பயன்படுத்த வேண்டும். இதன்மூலம் சமுதாய மாற்றத்தை உருவாக்க முடியும். இவ்வாறு, கிருஷ்ணசாமி பேசினார்.

மாவட்ட கூட்டமைப்பு பொது செயலாளர் வீரபாண்டியன் பேசுகையில், ""தகவல் பெறும் உரிமை சட்டம் இந்தியாவின் இரண்டாவது சுதந்திரம். தகவல் கேட்டால் தர முடியாது என மறுத்த பல தகவல்களை பெற முடியும். வெளிப்படையான நிர்வாகம் அமைய இச்சட்டம் பெரிதும் உதவுகிறது. தகவல் கேட்பதில் உள்ள ஆர்வத்தை அதில் உள்ளபடி நடக்கிறதா என்பதை ஆய்வு செய்து சுட்டிக் காட்டலாம். பல நகராட்சிகளில் வசூலித்த கல்வி வரி குறித்து ஆய்வு செய்து அதனை சுட்டி காட்டி தற்போது தமிழகத்தில் பல அரசு பள்ளிகளில் புதிய கட்டடம் கட்டப்பட்டு வருகிறது,'' என்றார்.

கூடலூர் நுகர்வோர் மனித வள சுற்றுச்சூழல் பாதுகாப்பு மைய தலைவர் சிவசுப்ரமணியம் பேசுகையில், ""தகவல் பெறும் உரிமை சட்டத்தின் கீழ் தகவல்களை பெற விண்ணப்பங்களை கோப்பாக அனுப்ப வேண்டும். தகவல் முறையாக உரிய காலத்தில் வழங்கப்படாவிட்டால் தகவல் ஆணையத்தில் முறையீடு செய்யலாம். சமீபத்தில் நுகர்வோர் குறைதீர் மன்றத்தில் வழக்காக எடுத்து வெற்றி பெற்றுள்ளனர் . எனவே,இச்சட்டத்தை பயனுள்ளதாக பயன்படுத்தினால் முறைகேடுகளை களைவதுடன் சமூக மாற்றம் உருவாகும்,'' என்றார்.

தகவல் உரிமை சட்டம் குறித்த துண்டு பிரசுரம் நுகர்வோருக்கு வழங்கப்பட்டது.

ஊட்டி நகர மக்கள் விழிப்புணர்வு சங்க செயலர் ஜனார்தனன், நீலகிரி மாவட்ட கூட்டமைப்பு நிர்வாகிகள் மற்றும் பொதுமக்கள் பலர் பங்கேற்றனர்.

தகவல் பெறும் உரிமை சட்டம் குறித்த பல்வேறு சந்தேகங்களுக்கு வழக்கறிஞர் கமருதீன் விளக்கம் அளித்தார். மாவட்ட கூட்டமைப்பின் காந்திபுர கிளை தலைவர் டேவிட் வரவேற்றார். கூட்டமைப்பு கிளை தலைவர் கிப்சன் நன்றி கூறினார்.

நேதாஜியின் 115வது பிறந்த தினம் முதலாவது தேசிய வாக்காளர் தின

"குறுக்கு வழிகளை கையாளுவதே பல தவறுகளுக்கும் வழிவகை செய்கிறது.' என தெரிவிக்கப்பட்டது.

கூடலூர் நுகர்வோர் மனித வள சுற்றுச்சூழல் பாதுகாப்பு, மக்கள் மையம், ஊட்டி நகர மக்கள் விழிப்புணர்வு சங்கம் இணைந்து, ஊட்டி ஆக்ஸ்போர்ட் ஆசிரியர் பயிற்சி நிலையத்தில் நேதாஜியின் 115வது பிறந்த தினம் மற்றும் முதலாவது தேசிய வாக்காளர் தின கருத்தரங்கை நடத்தின. இதில்,

சிறப்பு அழைப்பாளராக பங்கேற்ற தேயிலை வாரிய தென் மண்டல செயல் இயக்குனர் அம்பலவாணன் பேசியதாவது:

தற்போது வாக்காளர்கள் பெரும்பாலும் ஓட்டளிக்க விரும்புவதில்லை. மக்கள் ஓட்டுச்சாவடி சென்று ஓட்டு போட தயங்குகின்றனர். இதனால், ஒரு நல்ல நபரை தேர்வு செய்ய இயலாத நிலை உருவாகிறது. தேர்தலில் படித்த, நேர்மையான, தகுதிவாய்ந்த, திறமையான நபரை அடையாளங்கண்டு தேர்வு செய்ய வேண்டும்.தேர்தலில் பணம் புழங்குவது அதிகரித்து வருகிறது. இதனை மக்கள் தவிர்க்க வேண்டும்; இதனால், பல சமூக அக்கறை கொண்ட நபர்கள் தேர்தலில் போட்டியிட இயலாத நிலை உருவாகிறது. இந்தியாவில் உள்ளதை போல சுதந்திரம் எங்குமில்லை. ஆனால், நாம் அதனை தவறாக பயன்படுத்துகிறோம். சட்டம், விதிமுறைகளை பின்பற்றுவதில்லை. குறுக்கு வழிகளை கையாளுகிறோம். இதுவே பல தவறுகளுக்கும் வழிவகை செய்கிறது.அரசியல் என்றால் இளைஞர்கள் ஒதுங்குவதை தவிர்க்க வேண்டும். அரசியலில் தொண்டர்களாக பங்கேற்பதை தவிர்த்து குடிமக்களாக செயல்பட வேண்டும். நல்லவராகவும், சமூக சிந்தனை உடைய அக்கறை கொண்டவரையே தேர்வு செய்யும் நிலைக்கு வாக்காளர்கள் அனைவரும் முன்னேற வேண்டும். இளைஞர்களின் பங்கு தேர்தலில் அவசியம் அதிகரிக்க வேண்டும். இதன்மூலம் நல்ல மாற்றம் உண்டாகும். இவ்வாறு, அம்பலவாணன் பேசினார்.

குன்னூர் தாசில்தார் ஜாபர்அலி பேசுகையில்,

"18 வயது பூர்த்தி அடைந்தவர்கள் வாக்காளர் பட்டியலில் தங்கள் பெயர்களை பதிவு செய்து கொள்ள வேண்டும். வாக்காளர் பட்டியலில் பெயர் உள்ளதா என ஆய்வு செய்து சரிபடுத்தி கொள்ள வேண்டும். வாக்காளர் அடையாள அட்டை மிகவும் முக்கியமானது. இந்திய குடிமகன் என்பதற்கு இதுவே மிக முக்கிய அடையாளமாகும். கடைசி நேரத்தில் அவதிப்படாமல் எப்போதும் வாக்காளர்பட்டியல் திருத்தங்களை கவனத்தில் கொண்டு பயன்பெற வேண்டும்,'' என்றார்.

ஊட்டி நகர மக்கள் விழிப்புணர்வு சங்க செயலாளர் ஜனார்தனன் பேசுகையில், ""ஓட்டுக்களை சரிவர பயன்படுத்தாமல் வாக்காளிக்காமல் இருப்பவர்கள் முகவரி அற்றவர்கள். இதனால், அரசியலில் தவறு செய்பவர்கள் சுரண்டல்வாதிகள் மீண்டும் பதவிக்கு வரும் சூழல் உருவாகிறது. 100 சதவீத ஓட்டுப்பதிவு நேர்மையான ஆட்சிக்கு உதவும்,'' என்றார்.

நெஸ்ட் அறக்கட்டளை நிர்வாக அறங்காவலர் சிவதாஸ் பேசுகையில், "

தேச விடுதலைக்கு பாடுபட்ட பல தலைவர்களின் வரிசையில் நேதாஜி சுபாஸ் சந்திரபோஸ் பங்கு மகத்தானது. ஜனநாயகம் காக்க வாக்காளர்கள் அனைவரும் வாக்களிக்க வேண்டும். மற்றவர்களை வாக்களிக்க உந்துதல் சக்தியாக இளைஞர்கள் பாதுபட வேண்டும்,''என்றார்.

கூடலூர் நுகர்வோர் மைய தலைவர் சிவசுப்ரமணியம் பேசுகையில்,

"நல்லவர்களை தேர்வு செல்வது நமது கடமை. நமது உரிமையை முறைப்படி செய்ய வேண்டும். இலவசத்திற்கும் கவர்ச்சி திட்டத்திற்கும் ஆசைபட்டால் வளர்ச்சிக்கு வழி வகை இருக்காது. நல்லவர்கள் தேர்தலில் போட்டியிடவில்லை என்றால் 49(0)க்கு ஓட்டுப்பதிவுகளை செய்து கள்ள ஓட்டுகளை தவிர்க்க வேண்டும்,'' என்றார்.

நிகழ்ச்சியில், ஆசிரியர் பயிற்சி பள்ளி ஆசிரியர் மூர்த்தி வரவேற்றார். பள்ளி முதல்வர் ராமசந்திரன் தலைமை வகித்தார். பயிற்சி நிலைய மாணவர்கள், சிறப்பு விருந்தினர்கள் உறுதிமொழி எடுத்துக் கொண்டனர். ஆசிரியர் குமார் நன்றி கூறினார்.

புதன், 26 ஜனவரி, 2011

Call to elect educated, capable and honest candidates

Call to elect educated, capable and honest candidates

Speakers urge people to strengthen democracy by exercising their franchise

People urged to put an end to the practice of offering money for casting votes
Concern over laws and rules being thrown by the wayside and shortcuts being used

On choosing leaders: The Executive Director, Tea Board, R.Ambalavanan, addressing a National Voters Day meeting in Udhagamandalam on Tuesday. -

Udhagamandalam: The need for a mindset change among voters was emphasised by the Executive Director, Tea Board, R.Ambalavanan while participating in a seminar jointly organized by the Gudalur Consumer, Human Resource and Environment Protection Society, the Public Awareness Association of Udhagamandalam and the Makkal Mayyam in connection with the observance of National Voters Day here on Tuesday.

Pointing out that the people now cast their votes on the basis of the size of the party and the resourcefulness and popularity of the candidate, he opined that henceforth they should identify eligible candidates who are educated, capable and straightforward. Lamenting that the trend of offering money for votes is on the rise, he said that the people should put an end to it. On account of it, people with values who are genuinely concerned about the welfare of the society are unable to contest. No other country in the World can boast of a democracy which is as strong as India's, but regrettably, we were “misusing” it, he said. The laws and rules are being thrown by the wayside and shortcuts are being used. It is paving the way for several wrongdoings.

Underscoring the need to shun politics for money and other gains vis-à-vis caste and religion, Mr.Ambalavanan said that people should prepare themselves to oppose them. Lamenting that the people were reluctant to visit the polling stations, he exhorted them to exercise their franchise. It would help prevent bogus votes. Stating that when the country is developing corruption also would increase, he said that if the people are honest corruption can be eradicated.

The Tahsildar, Coonoor, Jaffer Ali, said that all those above 18 years should enrol themselves as voters. It will identify them as citizens of India.

The Secretary, Public Awareness Association of Udhagamandalam, G.Janardhanan, said that if the people fail to exercise their voting rights persons with dubious track records will occupy positions of power.

The Managing Trustee, Nilgiris Environment and Social Trust V.Sivadass and

the President, Gudalur Consumer, Human Resource and Environment Protection Society S.Sivasubramaniam also spoke. The Principal, Oxford Teacher Training Institute, J.Ramachandran, presided.

thanks to the hindu udagamandalam

செவ்வாய், 25 ஜனவரி, 2011

Girl Child Day observed

Girl Child Day observed

Udhagamandalam: The National Girl Child Day was observed under the aegis of the Public Awareness Association of Udhagamandalam at the CSI Hobart Middle School here on Monday.

Addressing the gathering,

Consumer Rights Association president Gudalur Sivasubramaniam lamented that on account of the gender bias the male-female ratio in the country was becoming unhealthy. The progress of the nation depends on providing higher education to girls and ensuring their well being.

Secretary, Public Awareness Association of Udhagamandalam, G.Janardhanan, said that despite being discriminated against since yore women had played a key role in ensuring the economic well being of many countries. Ill treatment of women should be exposed.

ஞாயிறு, 23 ஜனவரி, 2011

EYE

கைகழுவுவதில் இவ்ளோ விஷயமா?

-
கையை நீங்கள் தினமும் கழுவி சுத்தம் செய்வீர்களா? சாப்பிடும் போதும் சரி, வேறு சமயங்களிலும் எத்தனை நொடிகள் கையை சோப்பு போட்டு சுத்தம் செய்வீர்கள்? ஹேண்ட் வாஷ் திரவத்தை வாங்கி பயன்படுத்துபவரா நீங்கள்?
— என்னடா இது, கை கழுவுவதில் இவ்வளவு விஷயம் இருக்கிறதா என்று நீங்கள் நினைக்கலாம்; ஆனால், படித்து முடித்தபின், இனி, தினமும் ஒழுங்காக கைகளை கழுவுவீர்கள்.
நாகரிக உலகில், இப்போதெல்லாம், எப்படி பல் துலக்குவது, எப்படி கையை கழுவுவது என்று பயிற்சி வகுப்பு துவங்கினால் கூட, ஆச்சரியப் படுவதற்கில்லை.
தனி நபர் சுத்தத்தில் நாம் மிகவும் பின்தங்கியிருப்பதால்தான், புதுப்புது வைரஸ் நோய்கள் பரவிக்கொண்டிருக்கின்றன.
உங்கள் கைகள், எந்த அளவுக்கு சுத்தமாக இருக்கிறது என்று நீங்கள் என்றாவது நினைத்துப் பார்த்ததுண்டா?
உடல் கோளாறுகளை அண்ட விடாமல் இருக்க, கைகளை சுத்தமாக வைத்திருப்பது மிக, மிக அவசியம். பன்றிக்காய்ச்சல் நோய் வரும் வரை, கையை சுத்தமாக கழுவுவது பற்றி, பலருக்கு பெரிய அளவில் விழிப்புணர்வு இருந்ததில்லை.
ஆனால், கைகளை சரியாக சுத்தம் செய்யாமல் இருந்தால், அவற்றில் பன்றிக் காய்ச்சல் வைரஸ் பரவி அதன் மூலம், ஒருவருக்கு அந்த நோய் வரும் ஆபத்து உண்டு என்று நிபுணர்கள் எச்சரிக்கை விடுத்த பின் தான் மக்கள் விழித்துக் கொண்டனர்.
பன்றிக்காய்ச்சல் வராமல் தடுக்க, “ஹேண்ட் சேனிட்டர்’ மற்றும் “ஹேண்ட் வாஷ்’ லோஷன்கள் மூலம் கையை கழுவ வேண்டும்; அப்படி செய்தால், வைரஸ் தாக்காது என்று அறிவிப்பு வெளிவந்ததும், இந்த லோஷன்கள் விற்பனை கொடிகட்டிப்பறந்தது. தரமான, “ஹேண்ட் சேனிட் டர்’ லோஷன்களை சில நிறுவனங்கள் தான் தயாரித்து விற்பனை செய்தன.ஆனால், பெரும்பாலான நிறுவனங்கள், பெயரளவுக்கு இவற்றை புதுப் புது பெயர்களில் வெளியிட்டு, சந்தையில் குவித்தன.
எது நல்ல, “ஹேண்ட் சேனிட்டர்’ என்று தெரிந்து கொள்ள வேண்டுமா? 60 முதல் 90 சதவீதம் வரை ஆல்கஹால் கலந்த சேனிட்டர்களாக இருந் தால் தான் நல்லது.
வைரஸ்களை அப்புறப் படுத்தி, கையை சுத்தப்படுத்த ஆல்கஹால் அடிப்படையிலான, திரவ சாதனங்கள் தான், சிறந்தது என்றும் நிபுணர்கள் உறுதி செய்துள்ளனர். இதெல்லாவற்றுக்கும் மேலாக, தரமான சோப்பால் கையை சுத்தப்படுத்தினாலே போதும்.
தண்ணீரில் கைகளை கழுவி, சோப்பு போட்டு சுத்தம் செய் தால் தான் இடுக்குகளில் உள்ள கிருமிகள் நீங்கும்; கைகளும் சுத்தமாகும்.
குறிப்பாக, ஆன்டி பாக்டீரியல் லோஷன்களை விட, சோப்பு போட்டு கழுவுவதுதான் மிக வும் நல்லது என்று நிபுணர்கள் கூறுகின்றனர்.
கைகளை சுத்தம் செய்யும் போது, குறைந்த பட்சம் 30 நொடிகளாவது கைகளை சோப்பு, லோஷன்கள் மூலம் சுத்தம் செய்து அதன் பின், தண்ணீரில் கழுவ வேண்டும்.
டென்ஷன்…’ அர்ஜென்ட்… என்று எல்லாம் சாக்கு போக்கு சொல்லாமல், கை சுத்தம் செய்து, நோய் பாதிப்பிலிருந்து உங்களை பாதுகாத்து கொள் வீர்கள்தானே!

Categories: உடல்நலம்

கண் பார்வைத்திறன்

1) கண்களை பாதிக்கும் பொதுவான கண் நோய்கள் யாவை?
கண்களை பாதிக்கும் சில காரணிகள்:
க்ளைகோமா
தூரப்பார்வை
கிட்டப்பார்வை
ஸ்டை (ஸ்டை என்பது கண்ணீர் சுரப்பியை தடுக்கும் கண்ணின் மேற்புறத்தில் தோன்றும் ஒரு தொற்று ஆகும்)
கட்டிகள்
தொற்றுகள்
கண்புரை உலர்ந்த கண்

2) கண் பாதிப்புகளை தெரிவிக்கும் எச்சரிக்கை அறிகுறிகள் யாவை?
இருளில் பார்வையை சரிபடுத்துதலில் சிரமம்
இரட்டை தோற்றம்
சிவந்த விழிகள்
கண் எரிச்சல் மற்றும் வீக்கம்
கண் மற்றும் கண்களை சுற்றி வலி
அதிகப்படியான கண்ணீர் சுரத்தல்
கண் உலர்ந்து போதல், அரிப்பு மற்றும் எரிச்சல்
தெளிவில்லாத பார்வை திறன்
காணும் காட்சியின் மத்தியில் கருப்பு புள்ளி தோன்றுதல்
கண்களின் நிறங்களில் தோன்றும் நிற மாற்றம்
பார்வை திடீரென்று தெளிவில்லாமல் மேலும் குழப்பத்துடன் தோன்றுதல்

3) சிமிட்டுதல் கண்களுக்கு உதவுமா?
சிமிட்டுதல் விழி உருளைகளை கண்ணீரால் கழுவ மட்டும் உதவுகிறது. அவை கண்களை சுத்தமாகவும், ஈரப்பதமாகவும் வைத்திருக்க உதவுகிறது. யாரேனும் நம் கண்களை குத்தினால் நாம் அனிச்சையாக நம் கண்கனை சிமிட்டுவோம்.

4) ஒரு வருடத்தில் நாம் எத்தனை முறை கண்களை சிமிட்டுகிறோம்?
வருடத்திற்கு 10,00,000 முறை. உண்மையில் நம் உடலின் அனைத்து தசைகளை விட கண்களின் தசை விரைந்து செயல்படுகிறது. ஒரு நிமிடத்தின் 1/00 னை விட குறைவான கால அளவில் சுருங்குகிறது. வருடத்திற்கு 10,00,000 முறை. உண்மையில் நம் உடலின் அனைத்து தசைகளை விட கண்களின் தசை விரைந்து செயல்படுகிறது. ஒரு நிமிடத்தின் 1/00 னை விட குறைவான கால அளவில் சுருங்குகிறது.

5) காதில் தங்க வளையம் அணிவது கண்பார்வை திறனை மேம்படுத்துமா?
இது ஒரு கட்டுக்கதை. காதில் தங்க வளையம் அணிவதால் கண்பார்வை மேம்படும் என்பதுமூட நம்பிக்கையாளர்களின் எண்ணம்.

6) மிகவும் இறுக்கமாக கழுத்துப்பட்டை அணிவது கண்களை பாதிக்குமா?
இறுக்கமாக கழுத்துப்பட்டை அணிவது க்ளைகோமா தோன்றும் வாய்ப்பினை அதிகப்படுத்தும்என ஆராய்ச்சிகள் தெரிவிக்கின்றன.

7) மங்கிய விளக்கொளியில் படிப்பது கண்களுக்கு கேடு விளைவிக்குமா?
மங்கிய விளக்கொளி தங்கள் பார்வைத்திறனை பாதிக்காது என்றபோதும், அது உங்கள் கண்களை அதிக தளர்வடையச் செய்யும். படிப்பதற்கான சிறந்த வழியானது விளக்கின் ஒளி புத்தகத்தின் பக்கங்களில் விழும்படி படிக்க வேண்டும், உங்கள் தோள்களின் மீது விழும்படி படிக்க கூடாது.

எனது கண்களுக்கான சிறந்த உணவு எது?
பழைய பரிந்துரையான காரட் சிறந்த உணவு என்பது உண்மையாகும். கண்புரை மற்றும் மாசு சீர்கேட்டினை தடுப்பதற்கு நம் கண்களில் இயற்கையாக அமைந்துள்ள காரடெனோய்ட்ஸ் லூய்டின் மற்றும் ஜியாக்சேன்தின் போன்ற பொருட்கள் காரட்டில் உள்ளது.

9) எனது கண்களுக்கான சிறந்த பழங்கள் யாவை?
பப்பாளி, ஸ்ட்ராபெரி, ஆரஞ்சு மற்றும் திராட்சை போன்ற பழங்கள் சிறந்தது.

10) பிறந்த குழந்தையின் அழுகையில் கண்ணீர் வருவதில்லையே ஏன்?
தோராயமாக ஆறு முதல் எட்டு வாரங்கள் வரை குழந்தைகளின் கண்கள் கண்ணீரை சுரப்பதில்லை.

சனி, 22 ஜனவரி, 2011

தேசிய வாக்காளர் தின விழா

மாவட்ட அளவில், ஒட்டுச்சாவடிகளில் தேசிய வாக்காளர் தினம் விழா சிறப்பாக நடைபெற ஏற்பாடு செய்யப்பட்டுள்ளது

இந்திய தேர்தல் கமிஷன் 1950 ம் ஆண்டு ஜனவரி 25 ம் தேதி தோற்றுவிக்கப்பட்டது. ஜனநாயக தேர்தல் முறைகளில், குடிமக்களின் பங்கேற்பை அதிகப்படுத்தும் முயற்சியாக, வரும் ஜனவரி 25 ம் தேதி முதல் ஒவ்வொரு ஆண்டும் ஜனவரி 25ம் நாளை தேசிய வாக்காளர் தினமாகக் கொண்டாட, இந்திய தேர்தல் ஆணையம் கமிஷன் முடிவெடுத்துள்ளது.

தேர்தலில் ஒட்டுப்பதிவை அதிகப்படுத்தி, ஒட்டு போடுவதன் முக்கியத்துவத்தை வாக்காளர்களுக்கு உணர்த்துவது தான் இதன் நோக்கம். தேர்தல் நடைமுறைகளில் பொதுமக்களை, குறிப்பாக இளைஞர்களை ஈடுபடுத்தி, விழிப்புணர்வை அதிகரிக்கும் நோக்குடன், முதலாவது தேசிய வாக்காளர் தினத்தை பெரிய அளவில் கொண்டாட ஏற்பாடுகள் செய்யப்பட்டுள்ளன.

தேசிய வாக்காளர் தினம், மாவட்ட அளவிலும் ஒவ்வொரு வாக்குச்சாவடி அமைவிடங்களிலும் ஏற்பாடுகள் செய்யப்பட்டுள்ளன. அப்போது தேசிய வாக்காளர் தின உறுதிமொழியை ஏற்க வைத்து புதிதாக பதிவு செய்யப்பட்ட வாக்காளர்களுக்கு புகைப்பட அடையாள அட்டைகளும் வழங்கப்படும்.

மாவட்ட அளவில், ஒட்டுச்சாவடிகளில் கீழ்க்கண்டவாறு விழா சிறப்பாக நடைபெற ஏற்பாடு செய்யப்பட்டுள்ளது.

மாவட்ட அளவில் விழா ஏற்பாடுகள்

1. 2011 ம் ஆண்டு ஜனவரி 25ந் தேதி மாவட்டத் தலைநகர் அருகிலுள்ள கல்லூரி வளாகத்தில் விழா ஏற்பாடு செய்யப்பட்டு 2011 ம் ஆண்டு வாக்காளர் பட்டியலில் சேர்ந்த வாக்காளர்களுடன் விழா நடத்தப்படும்.

2. 2011 ம் ஆண்டு வாக்காளர் பட்டியிலின் புதிதாக பெயர் சேர்க்கப்பட்ட வாக்காளர்களை, தேசிய வாக்காளர் தின உறுதிமொழி ஏற்க வைத்து, வாக்காளர் புகைப்பட அடையாள அட்டை வழங்கப்படும்.

3. வாக்காளர்களிடையே விழிப்புணர்வை ஏற்படுத்த நடவடிக்கைகள் மேற்கொண்ட கல்லூரிகள் R W A அமைப்புகளுக்கு சான்றுகள் வழங்கப்படும்.

4. அதிக அளவிலான தேர்தல்களில் வாக்களித்த வாக்காளர்கள் கௌரவிக்கப்படுவார்கள்.

5. மாணவர்கள், N Y K, N S S , S H G s அமைப்புகள் பங்குபெறும், மனிதசங்கிலி, சைக்கிள் பேரணி, கலை நிகழ்ச்சிகள் ஆகியவை நடைபெறும்.

6. தேசிய வாக்காளர் தினம் தொடர்பாக நடத்தப்பட பல்வேறு போட்டிகளில் வெற்றிபெற்ற மாணவர்களுக்கு-பொதுமக்களுக்கு பரிசுகள் வழங்கப்படும்.

7. மிகச்சிறப்பாக பணியாற்றிய வாக்குச்சாவடி அலுவலர்கள் கௌரவிக்கப்படுவார்கள்.

வாக்குச்சாவடி அமைவிடங்களில் விழா ஏற்பாடுகள்.

2011 ம் ஆண்டு ஜனவரி 25 ம் தேதி வாக்குச்சாவடி அமைவிடங்களில்,

வாக்காளர்களிடையே விழிப்புணர்வு ஏற்படுத்தக்கூடிய கூட்டங்கள் நடத்தப்படும். 2011 ம் ஆண்டு வாக்காளர் பட்டியலில் புதிதாக பெயர் சேர்க்கப்பட வாக்காளர்களை, தேசிய வாக்காளர் தின உறுதிமொழி ஏற்க வைத்து, வாக்காளர் புகைப்பட அடையாள அட்டை வழங்கப்படும்.

தேசிய வாக்காளர் தினம் தொடர்பாக நடத்தப்பட்ட பல்வேறு போட்டிகளில் வெற்றிபெற்ற பள்ளி மாணவர்களுக்கு பரிசுகள் வழங்கப்படும். அதிக அளவிலான தேர்தல்களில் வாக்களித்த வாக்காளர்கள் கௌரவிக்கப் படுவார்கள்.

ஞாயிறு, 16 ஜனவரி, 2011

அஜினோ மோட்டோ....

ஆபத்தாக மாறும் அஜினோமோட்டா பதறவைக்கும் ஒரு பகீர் ரிப்போர்ட்.

அஜினோமோட்டோ : தீமையின் வரலாறு!

உயிரினங்கள் எல்லாம் உயிர் வாழ்வதற்காக மட்டுமே உணவு உண்கின்றன. ஆனால்,
மனிதர்கள் இதிலிருந்து மாறுபட்டு ருசிக்காகவும், நறுமணத்துக்காகவும், பலவித
செயற்கை நிறமிகளையும் சுவையூட்டிகளையும் உணவில் சேர்த்து உடல் நலத்தைக்
கெடுத்துக் கொள்கிறார்கள். சமீப காலத்தில் அஜினோமோட்டோ என்னும் நச்சுப் பொருளை
ஒரு செயற்கைச் சுவையூட்டியாகப் பயன்படுத்துவது அதிகரித்துள்ளது. இதன் வேதிப்
பெயர் 'மோனோ சோடியம் குளூட்டமேட் Mono Sodium Glutamate என்பதாகும்.

குழந்தைகளை மையமாக வைத்துத் தயாரிக்கப்படும் *ரெடிமேட் நொறுக்குத் தீனிகளான
மேகி, லேய்ஸ், குர்குர்ரே* என்பதிலிருந்து இன்று பலவகை துரித உணவுகள், வீட்டுச்
சமையல் அறைகள் வரை புகுந்துவிட்ட இந்த அஜினோ மோட்டோ, தன் கரங்களை இன்னும்
அதிகமாக நீட்டிக் கொண்டிருப்பது அதன் ஆக்கிரமிப்புத் தன்மையையே காட்டுகிறது.

சாப்பாட்டில் அதிகம் பிரியமில்லாத நோஞ்சான் குழந்தைகளுக்குப் பல பெற்றோர்கள்,
இந்த அஜினோமோட்டோ கலந்த நொறுக்குத் தீனி பொட்டலங்களை வாங்கிக் கொடுப்பர்.
இந்தக் குழந்தைகளும் வீட்டு உணவைவிட இந்தப் பொட்டலத் தீனிகளை அளவுக்கு மீறி
தின்பர்.

‘இதையாவது பிரியப்பட்டு தின்கிறானே’ என்று ஆசை ஆசையாய் பலரும் இதை அவனுக்கு
வாங்கிக் கொடுப்பர்.

சில மாதங்கள், வருடங்கள் கழித்து இந்த ‘நோஞ்சான்’ எக்கச்சக்கமான சதை போட்டு
ஊளைச் சதையுடன் தோன்றுவான் என்பதே உண்மை. பசியை கண்ட்ரோல் செய்யும் உடலின்
இயற்கையான நொதிப் பொருட்கள் அஜினோமோட்டாவால் செயல்படாத தன்மை ஏற்படும்போது,
அஜினோமோட்டோவை தொடர்ந்து உண்ணும் சிறுவர்கள் சில காலம் கழித்துக் கண்டதை உண்ண
ஆரம்பிப்பார்கள். பசிக்கும் நேரத்தில் அளவுக்கு அதிகமாக இப்படி உண்டதால்தான்
இவர்கள் காலப்போக்கில் குண்டர்களாக மாறி விடுகிறார்கள்.

அஜினோ மோட்டோவானது இன்று இரண்டு ரூபாயிலிருந்து இருநூற்றி ஐம்பது ரூபாய்க்குகூட
தரத்துக்கேற்ப விற்கப்படுகிறது.

வெளிநாடுகள் பலவற்றில் அஜினோ மோட்டோ தடை செய்யப்பட, இந்திய விற்பனையாளர்கள்
வருமானத்துக்குப் பயந்துபோய் இது தாவரங்களிலிருந்து உற்பத்தி செய்யப்படுகிறது
என்று சப்பைக் கட்டு கட்டினார்கள். ஒரு டன் திராட்சைப் பழங்களிலிருந்து ஒரு
மில்லி கிராம் சயனைட்டை உற்பத்தி செய்யலாம் என்ற உண்மையைக் கூட இந்த
வியாபாரிகளால் புரிந்து கொள்ள முடியாமல் போனது துரதிர்ஷ்டவசமே.

கடந்த இரண்டு வருடங்களுக்கு முன்புகூட, அஜினோமோட்டோ நொறுக்குத் தீனி
பாக்கெட்டுகளில் ‘MSG’ அதாவது மோனோ சோடியம் கலந்துள்ளது என்று
அச்சிடப்பட்டிருந்தது. ஆனால், இந்த எச்சரிக்கை வாசகங்கள் கூட இன்று
பொட்டலங்களில் இல்லாமலிருப்பது அந்த வியாபார நிறுவனங்களின் வெற்றியையும்
அரசாங்கத்தின் அலட்சியத் தன்மையையுமே காட்டுகிறது.

1920_ம் ஆண்டில் ஜப்பானிய டாக்டர் ஒருவரால் கண்டுபிடிக்கப்பட்டதே அஜினோமோட்டோ.

இயற்கையாகவே சுவையில்லாத அஜினோ மோட்டோ பொரித்த, வறுத்த உணவுகளுடன் கலக்கும்
போது புளிப்புச் சுவை ஏற்படுகிறது.

22 வகையான அமினோ ஆசிட்களில் ஒன்றான க்ளூட்டமிக் ஆசிட்டிலிருந்து அஜினோ
தயாரிக்கப்படுகிறது.

பெரிய பெரிய நட்சத்திர ஹோட்டல்கள் எல்லாம் தங்கள் உணவு வகைகளின் சுவைகளில் ஒரு
பிரத்யேகத் தன்மை இருப்பதாக பீற்றிக்கொண்டாலும், அதற்கான இரகசியங்கள் அஜினோ
மோட்டோவில்தான் இருக்கிறது. சரியான அளவில் கலக்கக்கூடிய தேர்ந்த
சமையல்காரர்களுக்கு சீக்கிரம் ப்ரமோஷன் உண்டு.

பிறப்புக் கோளாறு, உறுப்புகளில் வளர்ச்சியற்ற தன்மை, தலைவலி, வாந்தி, செரிமானச்
சிக்கல், கெட்ட கனவு, தூங்குவதில் சிக்கல், சோம்பல், மிதமாகும் இதயத்துடிப்பு,
முடிகொட்டுதல், ஆஸ்துமா மற்றும் சர்க்கரை வியாதி போன்றவை அஜினோமோட்டோவை
தொடர்ந்து சாப்பிடுபவர்களுக்கு ஏற்படுவதாக மருத்துவர்கள் அண்மையில்
கண்டுபிடித்திருக்கின்றனர்.

உயிரினங்கள் எல்லாம் உயிர் வாழ்வதற்காக மட்டுமே உணவு உண்கின்றன. ஆனால்,
மனிதர்கள் இதிலிருந்து மாறுபட்டு ருசிக்காகவும், நறுமணத்துக்காகவும், பலவித
செயற்கை நிறமிகளையும் சுவையூட்டிகளையும் உணவில் சேர்த்து உடல் நலத்தைக்
கெடுத்துக் கொள்கிறார்கள். சமீப காலத்தில் அஜினோமோட்டோ என்னும் நச்சுப் பொருளை
ஒரு செயற்கைச் சுவையூட்டியாகப் பயன்படுத்துவது அதிகரித்துள்ளது. இதன் வேதிப்
பெயர் ‘மோனோ சோடியம் குளூட்டமேட் (Mono Sodium Glutamate) MSGஎன்பதாகும்.

இந்த அஜினோ மோட்டோவின் விஷத்தன்மை பற்றி இருவேறு கருத்துக்கள் இருந்த போதிலும்,
பல மருத்துவ ஆராய்ச்சிகள் மனிதர்களுக்கு அதிலும் குறிப்பாகக் குழந்தைகளுக்கு
இது பலவித ஆபத்துகளை உருவாக்கும் என்று நிரூபித்துள்ளன. கருவுற்ற எலிகளுக்கு
அஜினோமோட்டோ கலந்த உணவைத் தொடர்ந்து கொடுத்து வந்ததால் அவற்றின் குட்டிகளுக்கு
மூளைப் பகுதியில் உள்ள செல்கள், அளவில் சுருங்கியிருப்பது
கண்டுபிடிக்கப்பட்டுள்ளது.

அஜினோமோட்டோ கலந்த உணவுப் பொருட்களை அடிக்கடி சாப்பிடும் குழந்தைகளுக்கு, உடல்
வளர்ச்சியைத் தூண்டும் ஹார்மோன் சுரப்பது வெகுவாகக் குறையும். இதனால், உடல்
வளர்ச்சி தடைப்பட்டு உயரம் குறைகிறது. மேலும் இந்த வேதிப் பொருள் மூளையில்
‘ஆர்குவேட் நுக்ளியஸ்’ என்னும் பகுதியைப் பாதிப்பதால் உடல் எடை தாறுமாறாக
அதிகரிக்கும்.

மூளை மட்டுமின்றி இரைப்பை, சிறுகுடல், கல்லீரல் போன்ற உறுப்புகளிலும்,
அழற்சியையும், சிறு இரத்தக் கசிவையும் ஏற்படுத்துகிறது. இதனால்
குழந்தைகளுக்குக் காரணம் கண்டுபிடிக்க முடியாத வயிற்று வலி அடிக்கடி ஏற்படும்.
ஒவ்வாமை உள்ள ஒரு சிலருக்கு இந்த வேதிப்பொருள் கலந்த உணவைச் சாப்பிட்ட சில
நிமிடங்களிலேயே மார்பில் எரிச்சலும், மூச்சுத் திணறலும் ஏற்பட்டு, உடல்
வியர்க்க ஆரம் பித்துவிடும். இந்த நோய்க் குறிகளுக்கு ‘சைனா உணவக நோய்’ (CHINA
RESTAURANT SYNDROM) என்று தனிப் பெயரே சூட்டப்பட்டுள்ளது.

புதிது புதிதாகக் கண்டுபிடித்து சுற்றுச் சூழலிலும், உணவிலும் கலக்கும்
பெரும்பாலான வேதிப் பொருட்களை நமது கல்லீரலில் செயல்படும் பி_450 என்னும்
நொதிப் பொருட்கள் விஷ முறிவு செய்து நம்மைக் காப்பாற்றுகின்றன. ஆயினும் சில
வகையான நச்சுப் பொருட்களை வெளியேற்ற முடியாமல் இந்த பி_450 நொதிகள்
திணறுகின்றன. குறிப்பாகச் செயற்கை நிறமிகளும் அஜினோ மோட்டோ போன்ற
சுவையூட்டிகளும் பி_450 நொதிகளைச் செயலிழக்கச் செய்கின்றன.

பரவலான விளம்பரங்கள் மூலமும் வீடு வீடாகச் சென்று விற்பனை செய்வதாலும் தற்போது
பலரும் இந்த நச்சுப் பொருளை சமையலில் ஒரு சுவையூட்டியாகச் சேர்க்க ஆரம்பித்து
விட்டார்கள். பெரிய உணவகங்களில் வழங்கப்படும் ‘சூப்’களிலும் பிரியாணி
வகைகளிலும், துரித உணவகங்களில் வறுத்து வழங்கப்படும் எல்லா உணவுப்
பண்டங்களிலும் இந்த அஜினோ மோட்டோ சேர்க்கப்படுகிறது. விருந்துணவு தயாரிக்கும்
பல சமையல் நிபுணர்கள் ‘டேஸ்ட் பவுடர்’ என்று பெயரிட்டு சமையல் பொருட்களின்
பட்டியலில் இதையும் சேர்த்து வாங்குகின்றனர்.

இதனால்தான் திருமணம் போன்ற விருந்து நிகழ்ச்சிகளில் உணவு உண்போர் உடனடியாக
வயிற்று உபாதையால் அவதிப்படுகிறார்கள்.

மேலை நாடுகளில் உணவுப் பொட்டலங்களின் அட்டைப் பெட்டியில் அஜினோமோட்டோ
கலந்திருப்பதை வெளிப்படையாக எழுத வேண்டும் என்று விதி இருக்கிறது.

ஆனால், நமது நாட்டில் குழந்தைகளைக் கவரும் வகையில் பல வண்ணப் பாக்கெட்டுகளில்
நொறுக்குத் தீனிகளை விற்பவர்கள் அவற்றில் அஜினோ மோட்டோ கலந்திருப்பதை மறைத்து
‘added flavours’ என்று மக்களுக்குப் புரியாத சங்கேத மொழியில் எழுதி
ஏமாற்றுகிறார்கள்.

பல்வேறு விளம்பரங்களில் அஜினோ மோட்டோ ஒரு தாவர உணவு என்றும் அதனால் ஆபத்து
எதுவுமில்லை என்றும் தவறான தகவலைப் பரப்புகிறார்கள். தாவரங்களிலும் உயிரைப்
பறிக்கும் நச்சுத் தன்மை உண்டு என்பதே உண்மை.

ஆகவே, அஜினோ மோட்டோவை உணவுப் பொருட்களில் கலப்பதை உடனடியாகத் தடை செய்ய
வேண்டும். அதுவரை பெற்றோர்கள் தங்கள் குழந்தைகளுக்கு இந்த நச்சுப் பொருள் கலந்த
உணவு வகைகளை வாங்கிக் கொடுக்காமல் இருப்பது நல்லது

அஜினோ மோட்டோவை தவிருங்கள்
அன்புடன் சு. சிவசுப்ரமணியம்
--
S.Sivasubramaniam
President CCHEP
Citizen Center
Center for Consumer Human resources & Environment protection
Pandalur Pandalur (Po & Tk)
The Nilgiris 643 233
Tamilnadu
email. cchep.siva@gmail.com
cell: 9488520800
www.cchepeye.blogspot.com or
www.fedcons.blogspot.com or
www.consumernlg.blogspot.com