| India | |||||||||||||||||||||||||||||||||||||||||||||||||||||||||||||||||||
Motto: "Satyameva Jayate" (Sanskrit)
सत्यमेव जयते (Devanāgarī) "Truth Alone Triumphs" | |||||||||||||||||||||||||||||||||||||||||||||||||||||||||||||||||||
Anthem: Jana Gana Mana
Thou art the ruler of the minds of all people | |||||||||||||||||||||||||||||||||||||||||||||||||||||||||||||||||||
National Song: Vande Mataram
I bow to thee, Mother | |||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||
CENTER FOR CONSUMER HUMAN RESOURCE AND ENVIRONMENT PROTECTION NILGIRIS
வியாழன், 5 மே, 2011
important details of India
Tamilnadu Vigilance Officers
Location of Vigilance Offices
49 "ஓ' வைப் பயன்படுத்திய பழங்குடிகள்!
முன்னெப்போதையும் விட இந்தத் தேர்தலின் போதுதான் வாக்காளர்கள் 49 "ஓ' வைப் பயன்படுத்தியுள்ளனர். தேர்தல் ஆணையமும் அதற்கொரு காரணமாக அமைந்தது. மற்றெல்லா மாவட்டங்களையும் விட நீலகிரி மாவட்டத்தில் குறிப்பாக மசினகுடி, மாயார் போன்ற வனப்பகுதிகளில் வசிக்கும் ஆயிரத்துக்கும் மேற்பட்டோர் 49 "ஓ' வைப்பயன்படுத்தியது வியப்புக்குரியதாகத் தோன்றியிருக்கலாம்.
ஆனால், மிக நீண்டகாலமாக இப்பகுதிவாழ் மக்கள் விரக்தியின் விளிம்பில்தான் வாழ்ந்து வருகின்றனர். நீலகிரி மாவட்டம் கூடலூர் சட்டமன்றத் தொகுதியில் கர்நாடக எல்லையோரம் அமைந்துள்ள கிராமம் தான் மசினகுடி ஊராட்சி. இங்கு வசிப்பவர்களில் பெரும்பான்மையோர் பழங்குடியின மற்றும் தாழ்த்தப்பட்ட பிரிவைச் சேர்ந்த மக்கள்.
பழங்குடி மக்கள் பரம்பரை பரம்பரையாகக் காடுகளுக்குள் வாழ்கின்றவர்கள். வெள்ளையர் ஆட்சிக்காலத்தில்தான் வனத்துறை உருவாக்கப்பட்டது. இதில் சுவாரஸ்யம் என்னவென்றால், வனத்துறை உருவாக்கப்பட்டதன் காரணம் வனங்களைக் காப்பதற்காக அல்ல. மாறாக மரங்கள் வெட்டப்படுவதை ஒழுங்கமைத்து காலனி அரசின் வருவாயைப் பெருக்கிக் கொள்வதற்காகத்தான்.
வனத்துறையும் சட்டமும் உருவாக்கப்படுவதற்கு முன்னர் காடுகள் பழங்குடி மக்களுடையதாகவே இருந்தன. காடுகளுக்குள் வாழ்ந்தார்கள். மரம்வெட்டப்படவில்லை. கடத்தப்படவில்லை. காட்டில் விளையும் கிழங்கு வகைகளையும் தேன், நெல்லிக்காய் போன்றவைகளையும் உட்கொண்டு தங்களது மொழி பேசி, இசைத்து, நடனமாடி காடு சார்ந்த இயற்கை வழிபாடு நடத்தி மகிழ்ச்சியாக வாழ்ந்தார்கள்.
யாரையும் ஏமாற்றாமல், ஏய்த்துப் பிழைக்காமல், சுரண்டாமல், இலவசங்களுக்குக் கையேந்தாமல், ஏற்றத்தாழ்வு பார்க்காமல் மிக உன்னதமான பண்பாட்டுத் தளத்தில் அவர்கள் வாழ்ந்து வந்தனர்.
தவறான அணுகுமுறைகளையும் குணங்களையும் கொண்ட நாம் அவர்களைக் "காட்டுமிராண்டிகள்' என அழைத்தோம். நாகரிக உலகின் மாயவெளிச்சத்துக்கு அவர்களைக் கொண்டு வந்தே தீருவது என முடிவெடுத்தோம். அதன் மூலம் அவர்களது பண்பாடும் மொழியும் சிதைக்கப்பட்டது. நவநாகரிக ஆடைகள் திணிக்கப்பட்டன. அரசுகள் கோடிக்கணக்கான பணம் செலவழித்து அவர்களை முன்னேற்றப் பாதையில் கொண்டு செல்வதாக முரசறைந்தனர். கணக்கின்றி செலவிடப்பட்ட பணம் யாருடைய சட்டைப் பையிலோ பதுங்கிக் கொண்டது.
பழங்குடி மக்களோ தங்கள் தாய்மடியான காடுகளை இழந்து பண்பாட்டைப் பறிகொடுத்து, "சுயம்' இழந்து அன்னியமாயினர். இதற்கிடையில் பழங்குடி மக்களுக்குச் சேவை செய்கிறோம் பேர்வழி என இடை வழிகளில் காளான்களைப்போல் முளைத்த தொண்டு நிறுவனங்கள், வெளிநாடுகளிலிருந்து நன்கொடையாக டாலர்களை வாங்கித் தங்கள் சொந்த வாழ்க்கையை மேம்படுத்திக் கொண்டன.
பழங்குடி மக்களிடம் காடுகள் இருந்தபோது மரங்கள் வெட்டப்படவில்லை. யானை வழித்தடம் மறிக்கப்படவில்லை. எந்த விலங்கும், எந்தப் பறவையும் துன்புறுத்தப்படவில்லை. அரிய மூலிகைகளின் பயன்பாட்டை அறிந்து வைத்திருந்த அந்த மக்கள், எல்லா நோய்களுக்குமான மருத்துவத்தையும் அறிந்து வைத்திருந்தார்கள்.
இதுவரை யானை மிதித்து எந்தப் பழங்குடியின மக்களும் உயிரிழக்கவில்லை.
இப்போது என்ன நடக்கிறது?
மசினகுடி உள்ளிட்ட பகுதி முதுமலை வனவிலங்கு சரணாலயமாக உருவாகி, பின்னர் புலிகள் காப்பகமாகப் பெயர் மாற்றம் பெற்றுள்ளது. பழங்குடி மக்களிடமிருந்து காட்டின் அதிகாரம் வனத்துறைக்கு மாறிவிட்டது.
வனத்துறையின் கட்டுப்பாட்டில் வந்தபிறகுதான் பழங்குடி மக்கள் தெய்வமாக வழிபட்ட விலை உயர்ந்த மரங்கள் லாரி லாரியாக வெட்டிக் கடத்தப்பட்டன. அதிகாரிகளும் அரசியல்வாதிகளும் அதற்குத் துணை நின்று, தங்கள் பங்கை வாங்கி பத்திரப்படுத்திக் கொண்டனர்.
காடுகளுக்குள் பழங்குடி மக்கள் வாழ்க்கை நடத்தும் அதே வேளையில் தாழ்த்தப்பட்ட மக்கள் காடுகளுக்கு வெளியே மாடு மேய்த்தும், சாணி எரு தயாரித்து விற்றும், ராகி போன்றவை பயிரிட்டும் வாழ்ந்து வந்தனர்.
புலிகள் காப்பகமாக இப்பகுதி அறிவிக்கப்பட்ட பிறகு, பழங்குடி மக்களின் மிச்சமிருந்த உரிமைகளும் பறிக்கப்பட்டுவிட்டன. இதற்கெதிராகத்தான் இந்த மக்கள் போராடி வருகின்றனர். அதன் ஒரு பகுதியாகத்தான் 49 "ஓ' வாக்கு முறையைப் பயன்படுத்தியுள்ளனர்.
அதே வேளையில், இம்மக்களை முன்னிறுத்தி பின்னணியில் ஒரு மாஃபியா கும்பல் செயல்பட்டு வருகிறது. ஏராளமான நிலத்தை வளைத்துப் போட்டுள்ளவர்களில் பலர் அரசியல் தலைவர்களின் பினாமிகள். அத்துடன் சுற்றுலாப் பயணிகளை இரையாக்கி பணம் கறக்கும் ரிசார்ட் உரிமையாளர்கள். சில ரிசார்ட்டுகளில் விபசாரம் உள்ளிட்ட சமூக விரோதச் செயல்களும் நடைபெறுகின்றன.
உண்மையில், அரசுக்குத் தெளிவான கொள்கை கிடையாது. வனத்தைப் பாதுகாப்பதும் சுற்றுலாவை மேம்படுத்துவதும் இரண்டும் ஒன்றுக்கொன்று முரண்பட்ட திட்டங்கள். வனப்பகுதிக்குள் சுற்றுலா என்பது வனத்தை அழிக்கும். காட்டு விலங்குகளின், பறவைகளின் இயல்பான நடமாட்டத்தை அவை தடுக்கும். சுற்றுச்சூழல் சங்கிலியின் கண்ணி அதன் மூலம் உடைபடும். அரசு ஒருபக்கம் வனத்தைப் பாதுகாப்பதற்காக வரைமுறையற்ற விதத்தில் பணத்தைச் செலவு செய்துகொண்டே, இன்னொரு புறம் சுற்றுலாவையும் ஊக்கப்படுத்துகிறது.
மிருகங்களையும் பறவைகளையும் ஆய்வு செய்ய வரும் சுற்றுலாப் பயணிகளால் அநேகமாக எந்தப் பிரச்னையும் எழுவதில்லை. நமது சமவெளிப் பகுதிகளிலும் அண்டை மாநிலங்களிலும் வட மாநிலங்களிலும் திடீர்ப் பணக்காரர்கள் தலையெடுத்துள்ளனர். தாராளமயக் கொள்கைக்குப் பிறகு திகைப்பூட்டும் அளவுக்கு இவர்களது கரங்களில் பணம் புரள்கிறது. பணம் மனிதனின் அடிப்படைப் பயன்பாடுகளையே புரட்டிப் போடுகின்றன என்பதற்கு இவர்களே நிகழ்காலச் சாட்சிகள்.
மதுவும் போதையும் கேளிக்கையும் மட்டுமே லட்சியமாகிவிட்ட இவர்களது "அற்பனின் அர்த்தராத்திரி சேஷ்டைகளால்' வன தேவதை வனப்பிழந்து நிற்கிறாள். இயற்கையை ரசிப்பதாக இவர்கள் அடிக்கும் லூட்டிகளால் வன வாழ்க்கையின் சுருதி தப்பிவிடுகிறது. கோடிகளைக் கொட்டி எழுப்பிய இவர்களது கனவு இல்லங்களில் காட்சிக்குக் கூட மண்முற்றம் இருக்காது. சிமெண்டாலோ பளிங்குக் கற்களாலோ நிலத்தடி நீருக்குக் கல்லறை கட்டிவிட்டு எந்த இயற்கையை ரசிக்க இவர்கள் புறப்பட்டு வருகிறார்கள்?
இதற்கெல்லாம் முற்றுப்புள்ளிவைக்க அரசு கீழ்கண்ட நடவடிக்கைகளை உடனடியாக மேற்கொள்ள வேண்டும்.
அறிவிக்கப்பட்ட வனப்பகுதியில் மட்டுமன்றி, குறிப்பிட்ட சுற்றுவட்டப் பகுதிகளிலும் சுற்றுலாவைத் தடைசெய்ய வேண்டும். ரிசார்ட்டுகள் அனைத்தும் அகற்றப்பட வேண்டும்.
ஜார்க்கண்ட், உத்தரகண்ட் பகுதிகளில் உள்ளதுபோல பழங்குடி மக்களைப் பாதுகாப்பதற்காக அவர்களுக்கு அதிகாரம் வழங்கும் வன உரிமைச் சட்டத்தை அமல்படுத்த வேண்டும். காடுகளைப் பாதுகாக்கும் பொறுப்பில் இருந்து வனத்துறை விடுவிக்கப்பட்டு பழங்குடி மக்களால் தேர்வு செய்யப்படும் ஊர் குழுக்களிடம் அப்பொறுப்பு வழங்கப்பட வேண்டும்.
வனத்துறையினர் மற்றும் சுற்றுச்சூழல் வல்லுநர்களைக்கொண்ட கண்காணிப்புக்குழு அமைக்க வேண்டும்.
வனப்பகுதிக்கு வெளியே உள்ள 5 ஏக்கருக்கு மேல் உள்ள தனியார் தோட்டங்களை அரசு கையகப்படுத்த வேண்டும்.
இப்பகுதியில் வாழும் நிலமற்ற ஏழை மக்களுக்கு மூன்று ஏக்கர் விவசாய நிலமும் ஒரு ஏக்கர் வீதம் மேய்ச்சல் நிலமும் வழங்க வேண்டும்.
அரசு இதனைச் செயல்படுத்தும் விதத்தில் இப்பகுதியில் உள்ள அரசியல் கட்சிப் பிரதிநிதிகள் மற்றும் மக்கள் இயக்க நிர்வாகிகளுடன் பேச்சு வார்த்தையைத் தொடங்கலாம்.
49 "ஓ' என்பது இப்போதைய எதிர்ப்பை ஜனநாயக வழியில் பதிவுசெய்வது. இன்னும் தாமதப்படுத்துவது என்பது அரசே மக்களை ஜனநாயகத்துக்கு வெளியே உள்ள வழிகளைத் தேர்வு செய்யத் தூண்டுவது போலாகும்.
நன்றி தினமணி 5.5.11
சர்வதேச தண்ணீர் மேலாண்மை
புதுடில்லி:"இந்தியாவில் 2030ம் ஆண்டில் தண்ணீர் மற்றும் உணவு பற்றாக்குறை ஏற்படும்' என, சர்வதேச தண்ணீர் மேலாண்மை நிறுவனம் தெரிவித்துள்ளது.
இது தொடர்பாக சர்வதேச தண்ணீர் மேலாண்மை நிறுவனம் மேற்கொண்ட ஆய்வில், "உலக தட்பவெப்ப மாற்றம் மற்றும் உள்நாட்டு மக்கள் தொகை பெருக்கம் ஆகிய காரணங்களால் இந்தியா தண்ணீர் பற்றாக்குறையை சந்திக்கும். இது, அதிக விலை கொடுத்து வாங்க வேண்டிய மற்றும் எதிர்பாராத அளவிற்கு உணவு பொருட்களை இறக்குமதி செய்ய வேண்டிய நிலையை ஏற்படுத்தும்.இந்தியாவிற்கு 700 பில்லியன் கியூபிக் மீட்டர் தண்ணீர் தேவைப்படுகிறது. இதில், 85 சதவீதம் உணவு உற்பத்திக்கு பயன்படுத்தப்படுகிறது. ஆனால், இந்த தேவை 2030ம் ஆண்டில், மக்கள் தொகை அதிகரிப்பால், இரண்டு மடங்காக அதிகரிக்கும். 2030ம் ஆண்டில், இந்தியாவின் மக்கள் தொகை, 120 கோடியில் இருந்து 160 கோடி அல்லது 170 கோடியாக அதிகரிக்கும். அதேபோல், தண்ணீர் தேவையும், இருமடங்கு, அதாவது 1,498 பில்லியன் கியூபிக் மீட்டராக அதிகரிக்கும். ஆனால், தண்ணீர் அளிப்பு 744 மில்லியன் கியூபிக் லிட்டர்களாக இருக்கும். தேவையில் பாதியளவு பற்றாக்குறையாக இருக்கும்' என்பது தெரிய வந்துள்ளது.
இதுகுறித்து இந்நிறுவனத்தின் இயக்குநர் ஜெனரல் கோலின் சார்டிரஸ் கூறுகையில், "தற்போதைய நிலை நீடித்தால், மத்திய கிழக்கு நாடுகளை போல, தண்ணீர் நெருக்கடி நாடாக இந்தியா உருவெடுக்கும். பெரும்பாலான தண்ணீர் உணவு உற்பத்திக்கு பயன்படுத்தப்படுகிறது. தண்ணீர் பற்றாக்குறை, உணவு பற்றாக்குறையிலும் எதிரொலிக்கும். தண்ணீர் இறக்குமதிக்கு பதில், இந்தியா உணவு பொருட்களை இறக்குமதி செய்ய வேண்டியது ஏற்படும். உலகளவில் மக்கள் தொகை 250 கோடி அதிகரிக்கும் போது, உணவு இறக்குமதியும் எளிதானது அல்ல. தற்போது இருப்பதை விட, அதிக வெப்பம், குறைந்த தண்ணீர் என்ற நிலைமை உலகளவில் நிலவும்' என்று தெரிவித்துள்ளார்.
இந்தியாவின் நிலத்தடி நீர் ஏற்கனவே கீழே போய்விட்டது. இந்தியா அதிகளவில் விவசாயத்தை நம்பி உள்ளது. தண்ணீர் பற்றாக்குறை, பெரிய அளவில், விவசாய உற்பத்தியை பாதிக்கும். நாட்டின், வடக்கில் ஏற்கனவே விவசாயிகள் அதிகளவில் நிலத்தடி நீரை பயன்படுத்திவிட்டதாக ஆய்வுகள் தெரிவிக்கின்றன."இந்தியாவின் தண்ணீர் தேவை தற்போது 634 மில்லியன் கியூபிக் லிட்டராக உள்ளது. இது, 1,123 மில்லியன் கியூபிக் லிட்டராக அதிகரிக்கும்' என்று மத்திய நீர்வள கமிஷன் கணித்துள்ளது.
"இந்தியாவின் தண்ணீர் தேவை 2025ல், 1,093 மில்லியன் கியூபிக் லிட்டராக இருக்கும்' என்று நிர்வளத்துறை அமைச்சகம் தெரிவித்துள்ளது. இப்படி, மதிப்பீடுகள் வித்தியாசப்பட்டாலும், தண்ணீர் பற்றாக்குறை நாட்டை அச்சுறுத்தி வருகிறது என்பது தெளிவாகிறது.எனவே, நாட்டில் கிடைக்கும் தண்ணீர் வரத்து குறித்து ஆய்வு நடத்த, முன்னாள் திட்ட கமிஷன் உறுப்பினர் ஏ. வைத்தியநாதன் தலைமையில் ஒரு குழுவை மத்திய திட்ட கமிஷன் அமைக்க உள்ளது. இவர்கள் நாட்டின் தண்ணீர் ஆதாரத்திற்கான மூலம் மற்றும் குளம், குட்டை, ஏரி, அணை, ஆறு ஆகியவை குறித்து, மதிப்பீடு செய்து, அறிக்கை தயாரிப்பார்கள். "நாட்டின் விவசாயத்திற்கு 80 சதவீத தண்ணீர் தேவைப்படுகிறது. எனவே, கிராமங்களில் தண்ணீர் வீணாக்கப்படுவதை தடுக்கும் வகையில், ரேஷனில் மின்சாரம் மற்றும் தண்ணீர் வழங்குவது, இதற்கு கட்டணம் விதிப்பது என்று திட்ட குழு ஆலோசனை வழங்கி உள்ளது.
கடந்த மாதம், பிரதமர் மன்மோகன் சிங்கிடம், திட்ட கமிஷன் உறுப்பினர் மிகிர் ஷா தண்ணீர் மேலாண்மை தொடர்பான அறிக்கை சமர்பித்தார். அதில், ஆந்திரபிரதேசம் உள்பட மிகவும் வறட்சியால் பாதிக்கப்பட்ட ஏழு மாநிலங்களில், தண்ணீர் மேலாண்மை ஆலோசனை எந்தளவிற்கு வெற்றி பெற்றுள்ளது என்று தெரிவித்துள்ளார்.ஆந்திராவில், விவசாயிகள் குழு அமைத்து, கிடைக்கும் தண்ணீரை இவர்கள் அனைவரும் பகிர்ந்து கொள்ள ஆலோசனை வழங்கப்பட்டது. இத்திட்டம், அம்மாநிலத்தில் வெற்றி பெற்றுள்ளது. மாவட்ட அளவில் தண்ணீர் பயன்படுத்துவது குறைந்து, பற்றாக்குறையும் குறைந்துள்ளது. மாநிலத்தின் மற்ற பகுதிகளில், இதேபோன்ற திட்டத்தை கொண்டு வர, மத்திய நீர்வளத்துறை அமைச்சகத்துக்கு திட்ட கமிஷன் ஆலோசனை வழங்கலாம்.
"இந்தியாவின் தட்பவெப்பம் ஒன்று முதல் இரண்டு டிகிரி அதிகரிக்கும்' என்று விஞ்ஞானிகள் தெரிவித்துள்ளனர். இந்நிலையில், அதிகளவில் தண்ணீர் சேமிப்பு செய்ய வேண்டும். மழை நீர் சேமிப்பிற்கு, இந்தியா, அதிகளவில் முதலீடு செய்ய வேண்டும். குளம், ஏரி, அணை போன்வற்றை அதிகளவில் ஏற்படுத்தி நீர்வள ஆதாரத்தை பெருக்க வேண்டும். விவசாய நிலங்களை ஒட்டி குளம், ஏரி ஏற்படுத்துவது பயனளிப்பதாக இருக்கும் என்ற கருத்துக்கள் எழுந்துள்ளன.
இலவச கண் சிகிச்சை முகாம்
பந்தலூர் : பந்தலூர் அருகே நாயக்கன்சோலை கிராமத்தில் இன்று இலவச கண் சிகிச்சை முகாம் நடக்கிறது. தமிழ்நாடு அறக்கட்டளை, நீலகிரி மாவட்ட பார்வை இழப்பு தடுப்பு சங்கம், கூடலூர் நுகர்வோர் பாதுகாப்பு மையம்-மக்கள் மையம், ஷாலோம் சாரிட்டபிள் டிரஸ்ட் ஆகியவை இணைந்து நாயக்கன் சோலை நடுநிலைப்பள்ளி வளாகத்தில் இலவச கண் சிகிச்சை முகாமினை நடத்துகின்றன. "மே தினத்தை முன்னிட்டு நடத்தப்படும் இம்முகாமில் பொதுமக்கள் பங்கேற்று பயன்பெற வேண்டும்,' என நுகர்வோர் பாதுகாப்பு சங்க தலைவர் சிவசுப்ரமணியம் தெரிவித்தார்.
செவ்வாய், 19 ஏப்ரல், 2011
இந்தியா இரண்டாவது இடத்தில்
கூடலூர் நுகர்வோர் மனித வள சுற்றுச்சுழல் பாதுகாப்பு மையம்
மக்கள் மையம்
அண்ணே ஒரு ஹான்ஸ் கொடுங்க, அப்படியே ஒரு சிகரெட் கொடுங்க’ கேட்டதை கடைக்காரர் பவ்யமாக எடுத்துக்கொடுக்கும் காட்சிகளையும் பஸ், ரயில் நிலையங்களில் வாயில் கொள்ளிக்கட்டையுடன் புகையை மேல்நோக்கியும், பக்கவாட்டிலும் விட்டு, மிகுந்த திருப்தியில் உலா வருபவர்களையும் நாம் பார்க்கிறோம். புகைப்பழக்கம், புகைப்பவர்களை மட்டுமல்லாமல் அருகிலிருக்கும் புகைப்பிடிக்காதவர்களின் உடல் நலத்தையும் கெடுக்கிறது. இத்தனைக்கும் பொது இடங்களில் புகைப்பிடிக்க தடை உள்ளது. மீறினால் தண்டனையும், அபராதமும் உண்டு. இதனை எவரும் பின்பற்றுவது இல்லை. நடவடிக்கை எடுக்க வேண்டியவர்களும் கவலைப்படுவதில்லை. இந்தியாவில் இப்போதுள்ள கணக்குப்படி ஆண்டுக்கு 10 லட்சம் பேர் புகையிலை பழக்கத்தால் செத்து மடிகின்றனர். அதாவது ஒவ்வொரு பத்தாண்டிலும் புகையிலைக்கு ஒருகோடி பேர் பலியாகிறார்கள். புகையிலை பழக்கத்தால் ஏற்படும் கடும் நோய்களால் பல லட்சம் பேர் பாதிக்கப்படுகிறார்கள். உலகம் முழுவதும் புகையிலை பழக்கத்தால் ஆண்டுக்கு 5 கோடி இந்தியர்கள் பாதிக்கப்படுகின்றனர். உலகில் புகையிலை உபயோகிப்பவர்களால் இறப்பவர்களின் எண்ணிக்கையில் இந்தியா இரண்டாவது இடத்தில் உள்ளது.
நம் நாட்டில் சிகரெட், புகையிலை, போதைப்பாக்கு என பல்வேறு வடிவங்களில் புகையிலையை பயன்படுத்துவோர் 27 கோடியே 50 லட்சம் பேர். ஆனால் புகைப்பழக்கமே இல்லாவிட்டாலும் பிறர் பயன்படுத்துவதால் அருகில் உள்ளவர்களுக்கு பாதிப்பை ஏற்படுத்தி, அதில் பாதிக்கப்படுவதாக விபரங்கள் தெரிவிக்கிறது. கணவன் புகைப்பிடிப்பதால் மனைவியும், குழந்தைகளும், பொது இடங்களில் புகைப்பிடிப்பதால் அருகில் உள்ளவர்களும் புகையை சுவாசிப்பதால் புகையிலை பாதிப்புக்கு ஆளாகின்றனர். இவர்களின் எண்ணிக்கை சுமார் 7 கோடி. இது புகையிலை பயன்படுத்துவோர்களின் எண்ணிக்கையில் சுமார் 25 சதவீதம். எந்த தப்பும் செய்யாமலே இவர்களும் புற்றுநோய், ரத்த அழுத்தம், மாரடைப்பு போன்ற உயிர்க்கொல்லி நோய்களால் பாதிக்கப்படுகின்றனர். இது ஒருபுறம் இருக்க, புகைப்பழக்கம் உள்ளவர்களில் 15 சதவீதம் பேர், 15 வயதுக்கும் கீழே உள்ளவர்கள் என்பது இன்னொரு அதிர்ச்சியான தகவல். 15 முதல் 17 வயது உடையவர்களில் 25 சதவீதம் பேர் புகையிலைக்கு அடிமையாக உள்ளனர். 18 முதல் 19 வயது உடையவர்களில் 19 சதவீதம் பேர் புகையிலை அடிமைகள். இப்படி புள்ளிவிபரங்களை அள்ளித்தருவது வேறு யாருமல்ல. இந்த விபரீதங்களை கட்டுப்படுத்தி களையெடுக்கும் இடத்தில் இருக்கக்கூடிய மத்திய அரசுதான். இதில் இன்னொரு கொடுமையான புள்ளிவிபரத் தகவல், 34 வயதுக்குட்பட்ட புகையிலை பழக்கம் உள்ள ஒருவர் 18 ஆண்டுகள் தொடர்ச்சியாக தினமும் உடலில் நிக்கோடினை ஏற்றினால் எப்படி இருக்குமோ அந்த அளவுக்கு அவரது உடலில் நிக்கோடின் இருக்கிறது என்பதுதான். புகையிலை பழக்கத்தை விட்டால் சுவாசமண்டலம் சீராகும்.
ஒருவாரம் விட்டால் ரத்தத்தில் நிக்கோடின் அளவு குறையும். ஒருமாதம் புகையிலையை விட்டால் உடல் புதுப்பொலிவு பெறும் என்று மருத்துவ உலகம் சொல்கிறது. ஆனால் 18 வருடம் உடலில் நிக்கோடின் சேர்ந்தால் உடல்என்னவாகும் என்பதை புகைப்பவர்கள் எண்ணிப்பார்ப்ப தில்லை. புகையிலைக்கு எதிராகவும், புகைப்பழக்கத்திற்கு எதிராகவும் அரசு விளம்பரங்களை செய்து வருகிறது. இது வெறும் சம்பிரதாயத்திற்கு செய்து வருவதால் எவ்வித பயனும் ஏற்படவில்லை. பொது இடங்களில் புகைப்பிடிப்போர்களை அரசு கடுமையாக தண்டிக்க வேண்டும்.
பொது இடங்களில் புகையிலை சார்ந்த பொருட்களின் விற்பனையை அடியோடு தடை செய்ய வேண்டும். எய்ட்ஸ், மலேரியா போன்ற நோய்களால் இறப்பவர்களை விடவும் புகையிலை பழக்கத்தால் இறப்பவர்களின் எண்ணிக்கை அதிகம். இந்தியாவில் புகையிலைக்கு பலியாவோர் என்பதை சாதாரணமாக எடுத்துக்கொள்ளக்கூடாது. உலகத்தில் இன்று வளர்ந்த நாடுகள் பலவற்றில் புகையிலை சார்ந்த தொழில் நிறுவனங்களுக்கு தடை விதிக்கப்பட்டுவிட்டது. இதனால் அந்த நாடுகளைச் சார்ந்த பன்னாட்டு நிறுவனங்கள் இந்தியா போன்ற வளரும் நாடுகளுக்கு தங்கள் வர்த்தகத்தை இடம் மாற்றிக்கொண்டுவிட்டன.
ஜன் லோக்பால் மசோதா
கூடலூர் நுகர்வோர் மனித வள சுற்றுச்சுழல் பாதுகாப்பு மையம்
மக்கள் மையம்
ஜன் லோக்பால் மசோதா
ஜன் லோக்பால் மசோதா அல்லது குடி மக்கள் காப்பு முன்வரைவை இந்தியாவில் ஊழல், பொதுமக்கள் பணம் கையாடல் முதலிய தவறிழைக்கும் அரசியல்வாதிகள் மற்றும் அரசு உயர் அதிகாரிகள் மக்களால் நேரடியாக தண்டிக்கப்படவேண்டும் என்ற அடிப்படை சித்தாந்ததில் முன்மொழியப்பட்ட ஒரு மசோதா ஆகும்[1]. அன்னா ஹசாரே, சாந்தி பூஷன், கிரண் பேடி மற்றும் சந்தோஷ் ஹெக்டே போன்ற சமூக ஆர்வலர்களால் முன்மொழியப்பட்டு இன்றளவில் அது சட்ட வரைவாகவே உள்ளது.
ஊழலுக்கு எதிரான குரல் மக்களிடமிருந்து எழவேண்டும் அதுவும் அதிகாரமிக்க அமைப்பாக ஒரு மக்கள் குழு அமைத்து அந்த குழுவின் மூலமாகவே ஊழல் செய்யும் அரசியல்வாதிகள் மற்றும் அரசு உயர் அதிகாரிகள் விசாரணைக்கு உட்படுத்தப்பட்டு தண்டிக்கப்படவேண்டும் என்ற உயரிய நோக்கத்தில் முன்மொழியப்பட்ட சட்ட வரைவு நிலையில் உள்ள மசோதாதான் இந்த ஜன் லோக்பால் மசோதா.
பொருளடக்கம்[மறை] |
[தொகு]
முன்மொழியப்பட்டுள்ள சட்டமுன்வரைவில் காணும் முதன்மை கூறுகள்
- நடுவண் அரசு ஊழலெதிர்ப்பு அமைப்பாக "லோக்பால்" (மக்கள் குறைகேட்பு ஆணையம்) நிறுவிடவும் அவருக்குத் துணைபுரிய மாநில அளவில் "லோக் ஆயுக்தா" (மக்கள் குறைகேட்பு அதிகாரி) நிறுவிடவும் வகைசெய்தல்.
- இந்திய உச்ச நீதிமன்றம் மற்றும் நடுவண் தலைமைச் செயலகம் போல, லோக்பால் இந்தியத் தேர்தல் ஆணையம் மற்றும் தலைமைச் செயலரால் கண்காணிக்கப்படும். இதன்மூலம் இந்த அமைப்பு அரசின் ஆதிக்கத்திலிருந்து விடுபட்டு தனது புலனாய்வுகளில் எந்த அமைச்சரவைகளின் இடையூறும் இன்றி செயல்படும்.
- இதன் உறுப்பினர்கள் ஒளிவற்ற பங்குபெறும் செயல்பாட்டின் மூலம், நீதிபதிகள், தூய்மையான வரலாறுடைய இந்திய அரசு அதிகாரிகள், பொதுநபர்கள் மற்றும் அரசியலமைப்பின் கீழான அதிகாரிகளிலிருந்து நியமிக்கப்படுவர்.
- தேர்வாணைக்குழு ஒன்று குறுக்கப்பட்ட பட்டியலில் உள்ளோரை, பின்னாளில் பொதுவில் கிடைக்கக்கூடிய ஒளிப்பதிவுகளுடன், நேர்முகத் தேர்வு காணுதல்.
- ஒவ்வொரு மாதமும் தனது இணையதளத்தில் லோக் ஆயுக்தா தன்கீழுள்ள வழக்குகளின் பட்டியல், சுருக்கமான விவரங்கள், எடுக்கப்பட்ட செயல்களின் வெளிப்பாடு அல்லது எடுக்கவிருக்கும் செயல்கள் என பதிப்பிக்க வேண்டும்.மேலும் கடந்த மாதத்தில் பெறப்பட்ட குறைகள், நடப்பு மாதத்தில் தீர்வானவை மற்றும் நிலுவையிலுள்ளவை என அறிக்கை வெளியிடவேண்டும்..
- ஒவ்வொரு குறை/வழக்கும் ஓராண்டுக்குள் புலானாய்வு செய்யப்படவேண்டும். குற்ற விசாரணைகள் அடுத்த ஆண்டுக்குள் முடிக்கப்பட்டு மொத்தமாக இரண்டாண்டுகளுக்குள் தீர்வு காணப்பட வேண்டும்.
- ஊழல் குற்றவாளியின் தண்டனையின் அங்கமாக அவரால் அரசுக்கு ஏற்பட்ட அனைத்து நட்டங்களையும் ஈடு கட்டுதல் அமைய வேண்டும்.
- ஏதேனும் அரசாங்க வேலை வரையறுக்கப்பட்ட காலக்கெடுவினுள் முடிக்கப்படாவிட்டால், அதற்கு பொறுப்பானவர்கள் மீது "லோக்பால்" நிதி அபராதங்கள் விதித்து குறைபட்டவருக்கு அதனை ஈடாக கொடுக்க வகை செய்தல்.
- லோக்பால் அதிகாரிகள் மீது ஏதேனும் குறைகள் காணப்பட்டால் அவற்றை உடனடியாக ஒரு மாதத்திற்குள் புலனாய்ந்து குற்றம் இருப்பின் இரண்டாவது மாதத்திற்குள் அவர் நீக்கப்பட வேண்டும்.
- தற்போதுள்ள ஊழல் எதிர்ப்பு அமைப்புகளான நடுவண் விழிப்புணர்வு ஆணையம், துறைசார் விழிப்புணர்வு அதிகாரிகள் மற்றும் சிபிஐயின் ஊழல் எதிர்ப்புத்துறை ஆகியன "லோக்பால்" அமைப்போடு இணைக்கப்பட வேண்டும். இதன்மூலம் லோக்பாலுக்கு எந்த அதிகாரி,நீதிபதி அல்லது அரசியல்வாதி குறித்த குறையையும் தன்னிச்சையாகவும் முழுமையாகவும் புலனாய்ந்து தண்டனை வழங்கும் முழுமையான கட்டமைப்பும் அதிகாரமும் கிடைக்கும்.
- லோக்பாலிற்கு ஊழல் பற்றிய தகவல்களைக் காட்டிக் கொடுக்கும் அறிவிப்பாளர்களுக்கு தகுந்த பாதுகாப்பு வழங்கும் அதிகாரம் வேண்டும்.
[தொகு]
சட்ட முன்வரைவினை வடிக்கும் கூட்டுக்குழு
ஜன் லோக்பால் மசோதாவின் வரைவினை வடிக்கும் கூட்டுக்குழுவில் பத்து அங்கத்தினர்களில் சரிசமமாக அரசு உறுப்பினர்களும் குடிமக்கள் சார்பாளர்களும் பங்கெடுப்பர்.[2] ஏப்ரல் 8, 2011 அன்று இந்திய சட்டம் மற்றும் நீதித்துறை அமைச்சகம் இந்தக் கூட்டுக்குழு அமைப்பது குறித்தான அலுவல்முறை அறிவிப்பை இந்திய அரசிதழில், வெளியிட்டுள்ளது. இதன் நகலொன்றை இங்கே காணலாம்.
[தொகு]
தலைவர்
கூட்டுக்குழுவின் தலைமை ஓர் அரசியல்வாதியிடமும் இணைத்தலைமை ஓர் மககள் சார்பு செயலாக்கவாதியிடமும் இருக்க இந்திய அரசு ஒப்புக்கொண்டுள்ளது. அரசியல் வெளியிலிருந்து பிரணப் முக்கர்ஜியும் குடிமக்கள் தரப்பிலிருந்து சாந்தி பூசணும் தலைவர்களாக இருப்பார்கள்.
[தொகு]
அரசு சார்பாளர்கள்
ஐந்து ஆய அமைச்சர்கள் வரைவுக்குழுவில் பங்கேற்பார்கள். அவர்கள்:
- பிரணப் முக்கர்ஜி, இந்திய நிதி அமைச்சர், இணைத்தலைவர்(சாந்தி பூசணுடன்)
- ப. சிதம்பரம், உள்துறை அமைச்சர், குழு அங்கத்தினர்
- வீரப்ப மொய்லி, சட்டம் மற்றும் நீதித்துறை அமைச்சர், குழு அங்கத்தினர்
- கபில் சிபல், தொலைதொடர்பு மற்றும் தகவல் தொழில்நுட்ப அமைச்சர், குழு அங்கத்தினர்
- சல்மான் குர்சித், நீர்வளத்துறை அமைச்சர், குழு அங்கத்தினர்
[தொகு]
குடிமக்கள் சார்பாளர்கள்
ஐந்து மாண்புமிகு சமூக சேவகர்கள் வரைவுக்குழுவில் பங்கேற்பார்கள். அவர்கள்:
- சாந்தி பூசண், முன்னாள் சட்டம் மற்றும் நீதித்துறை அமைச்சர், இணைத்தலைவர் (பிரணப் முக்கர்ஜியுடன்)
- அண்ணா அசாரே, சமூக போராளி, குழு அங்கத்தினர்
- பிரசாந்த் பூசண், வழக்கறிஞர், குழு அங்கத்தினர்
- என். சந்தோசு எக்டே, லோக் ஆயுக்தா (கர்நாடகா), குழு அங்கத்தினர்
- அரவிந்த் கெஜ்ரிவால், RTI போராளி, குழு அங்கத்தினர்
[தொகு]
மேலும் காண்க
[தொகு]
மேற்கோள்கள்
இதற்கு குழுசேர்:
இடுகைகள் (Atom)