கூடலூர் நுகர்வோர் மனித வள சுற்றுச்சுழல் பாதுகாப்பு மையம் மக்கள் மையம்

இண்டியன் பீனல் கோடும்,
நுகர்வோர் பாதுகாப்பும்

ஐஞஊ பிரிவு 41-ன் go இண்டியன் பீனல் கோடு வேறு சில தனி சட்டங்களையும், தனி பகுதி களையும் தன்னுடன் கூடவே ஒரு பகுதியாக இணைத்து கொள்ள முடியும் உதாரணத்திற்கு குறிப்பிட வேண்டுமானால், எடையளவு கட்டுப்பாட்டிற்கென்று தனிச்சட்டம் 2 வருடத்தில் இயற்றப்பட்ட போதும் இந்தியன் பீனல்கோடு செக்\ன் 264 முதல் 267 எடையளவு மோசடிக்கு தண்டனை கொடுக்கிறது. இந்த பிரிவின்படி ஒரு ஆண்டு வரை சிறையோ, அபராமோ அல்லது இரண்டுமோ எடையளவு மோசடி குற்றம் செய்பவருக்கு விதிக்கலாம்.


01. பிரிவு 264 : எந்த ஒரு நபரும் தெரிந்தே மோசடி செய்யும் நோக்கத்தில் எடை போடுவதற்கு ஒரு கருவியைப் பயன்படுத்துவது.


02. பிரிவு 265 : ஒரு குறிப்பிட்ட எடையையோ, அளவையோ, நீளத்தையோ கொண்ட கருவியை மோசடி செய்யும் நோக்கத்தோடு வேறு ஒரு எடையையோ, அளவையோ, நீளத்தையோ கொடுக்கக் கூடியதாக (உண்மை நிலைக்குப் புறம்பாக) பயன்படுத்துவது.


03. பிரிவு 266 : தெரிந்தே எந்த ஒரு நபர் தன்வசம் மோசடியான நோக்கத்தோடு பயன்படுத்தக் கூடிய ஒரு எடை அளவு, கொள்ளளவு, நீட்டலளவு கருவியை வைத்து இருப்பது.


04. பிரிவு 267 : இந்த பிரிவின் go எந்த ஒரு நபர் தெரிந்தே தவறான எடையளவு, கொள்ள ளவு, நீட்டளவு இவைகளுக்கான கருவிகளை தயார் செய்வதோ, விற்பனை செய்வதோ.






உணவு, பானங்கள் - கலப்படம் இ.பி.கோ. பிரிவு 272, 273 :






இந்தியன் பீனல் கோடு பிரிவு 272, 273-களில் உணவு மற்றும் பானங்கள் கலப்படம் செய்பவர்களுக்கு தண்டனையாக 6 மாத சிறை தண்டனையோ, 1000 ௫ூபாய் அபராதமோ அல்லது இரண்டுமோ விதிக்க வழி வகுக்கிறது.


01. பிரிவு 272 : விற்பனைக்குரிய உணவு பொருட்களிலோ பானங்களிலோ கெடுதலை விளைவிக்கக் கூடிய பொருட்களைத் தெரிந்தே கலப்படம் செய்பவர் தண்டனைக்கு உரியவராகிறார்.


02. பிரிவு 273 : கலப்படம் செய்யப்பட்ட அல்லது உண்ணத் தகுதியில்லாத உணவுப் பொருள் களையோ, பானங்களையோ விற்பனை செய்பவர் தண்டனைக்கு உரியவராகிறார்.

நுகர்வோர் பாதுகாப்பு சட்டம் - பகுதி 1 Consumer Protection Act 1986

கூடலூர் நுகர்வோர் மனித வள சுற்றுச்சுழல் பாதுகாப்பு மையம் மக்கள் மையம்

நுகர்வோர் பாதுகாப்பு சட்டம் - பகுதி 1

Consumer Protection Act 1986

இச்சட்டம் தான் நுகர்வோர் பாதுகாப்பு சட்டம் என அழைக்கப்படுகிறது. 

                1986 ம் ஆண்டு டிசம்பர் மாதம் 24 ம் தேதியன்று அமுலுக்கு வந்தது. ஏற்கனவே அமுலில் உள்ள சட்டத்தின் மூலம் நிவாரணம் பெற வாய்ப்பு இருந்தும் தனியாக ஒரு சட்டம் கொண்டு வரப்பட்டதின் அடிப்படை நோக்கமே - எளிய முறையில், குறுகிய காலத்தில், செலவில்லாமல் நிவாரணம் பெற வேண்டும் என்பதே. சாதாரமாக, நுகர்வோர் வழக்குகள் பதிவு செய்யப்படும் பொழுது அது சிவில் வழக்காக மாறிவிடும். இதனால் வழக்கு, நீதிமன்ற நடைமுறைப்படியே நடை பெற்வதால் காலதாமதம் ஏற்படுவதுடன், பெரும் செலவும் ஏற்படும். பெரும் தொகை சம்பந்தப்பட்ட பிரச்சனைகள் உள்ளவர்கள் ஒரு சிலர் தவிர மற்றவர்கள் நீதி மன்றத்தை அணுகுவது இல்லை. இச்சட்டத்தின் மூலம் இந்த குறைபாடுகள் அனைத்தும் நீக்கப்பட்டுள்ளது. இனி அது பற்றி பார்க்கலாம்.

நுகர்வோர் நீதிமன்றங்களின் ( Consumer Court ) அமைப்பும், செயல்பாடும்:

கீழ் நீதிமன்றம், உயர் நீதிமன்றம், உச்ச நீதிமன்றம் என்று இருப்பதை போலவே இச்சட்டப்படி - மாவட்ட அளவில் " மாவட்ட நுகர்வோர் குறை தீர் மன்றங்கள்", மாநில அளவில் "மாநில ஆணையம்", தேசிய அளவில் " தேசிய ஆணையம்" அமைக்கப்பட்டுள்ளது.

மாவட்ட நுகர்வோர் குறை தீர் மன்றம்:

20 லட்சம் ரூபாய் வரை நஷ்ட ஈடு கோரும் வழக்குகளை, மாவட்ட நுகர்வோர் குறைதீர் மன்றத்தில் தான் பதிவு செய்ய வேண்டும். நீதிமன்ற கட்டணம் எதுவும் செலுத்தவேண்டியது கிடையாது. இதனால் வழக்கு தொடருவதற்கு தகுதியே இல்லாத பிரச்சனைக்கெல்லாம் வழக்கு தொடர ஆரம்பித்தனர். இதில் எதிர் தரப்பி னரை பிளாக் மெயில் செய்பவர்களும் அடங்கும். இது போன்ற வழக்குகளுக்கு அவர்கள் ஆஜராவது கிடையாது. இதனால் வழக்கு தள்ள்படியாகும் நிலை ஏற் பட்டது. இதனால் தவ்றே செய்யாத எதிர் தரப்பினர்களுக்கு கால விரயம் மற்றும் செலவு ஏற்படுவதையும், நீதிமன்றத்தின் நேரம் வீணாவதையும் கருத்தில் கொண்டு 2006 ம் ஆண்டில் கீழ் கண்டவாறு கட்டணம் நிர்ணயம் செய்ய்ப்பட்டு ள்ளது.

1 லட்சம் ரூபாய் வரை நஷ்ட ஈடு கோரும் வழக்குகளுக்கு = 100 /-

1லட்சத்திற்கு மேல் 5 லட்சம் வரை = 200 /-

5 லட்சத்திற்கு மேல் 10 லட்சம் வரை = 400 /-

10 லட்சத்திற்கு மேல் 20 லட்சம் வரை = 500 /-

வழக்கு தொடர தேவையான தகுதிகள்:

1. வழக்கு தொடருபவர் நுகர்வோராக இருக்கவேண்டும். வழக்கு அவர் சம்பந்தப் பட்டதாக் இருக்கவேண்டும்.

2. நுகர்வோர், எந்த நுகர்வோர் குறைதீர் மன்றத்தின் அதிகார வரம்பிற்கு உட்பட்ட எல்லைக்குள் ( Jurisdiction) இருக்கிறாரோ அதில் தான் வழக்கு தொடரவேண்டும்.

3. புகாருக்கான ஆதாரங்கள் இருக்கவேண்டும்

.

4. பிரச்சனை ஏற்பட்டதிலிருந்து 2 வருடங்களுக்குள் வழக்கு தொடர வேண்டும்

வழக்கு போடலாம் !

ரயில்வே துறையின் அலட்சியம்.

அறிவிப்பு இல்லாமல் கிளம்பிய ஏற்காடு எக்ஸ்பிரஸ் ரெயில்; சென்டிரலில் பயணிகள் தவிப்பு

சென்னை சென்டிரலில் இருந்து ஈரோடு செல்லும் ஏற்காடு எக்ஸ்பிரஸ் ரெயில் தினந்தோறும் இரவு 10.30 மணிக்கு புறப்படும், நேற்று இந்த ரெயிலில் பயணம் செய்வதற்காக ஏராளமான பயணிகள் மாலையில் இருந்தே காத்திருந்தனர். ரெயில்வே தகவல் பலகையில் ஏற்காடு எக்ஸ்பிரஸ் ரெயில் எப்போது எந்த பிளாட்பாரத்தில் இருந்து புறப்படும் என்ற விபரம் தெரிவிக்க படவில்லை. ஒலிபெருக்கியிலும் ரெயில் வந்து விட்டதாகவோ, எந்த நேரத்தில் புறப்படும் என்பன போன்ற எந்த அறிவிப்பும் வரவில்லை. இதனால் வழக்கமாக ரெயில் புறப்படும் நேரமான 10.30ஐ கடந்தும் இலவு காத்த கிளியாக பயணிகள் சென்டிரல் ரெயில் நிலையத்தில் காத்திருந்தனர்.

இரவு 11 மணி அளவில் காத்திருந்து பொறுமை இழந்த பயணிகள் ரெயில்வே விசாரணை மையத்திற்கு சென்று ஏற்காடு எக்ஸ்பிரஸ் ரெயில் எப்போது வரும் என கேட்டனர். அதற்கு ரெயில்வே ஊழியரோ ரெயில் சரியான நேரத்திற்கு 6-வது பிளாட்பாரத்தில் இருந்து புறப்பட்டு சென்று விட்டது என்று பதில் அளித்தனர்.

இதனால் அதிர்ந்து போன பயணிகள் ரெயில்வே விசாரணை மையத்தை முற்றுகையிட்டனர். பயணிகளுக்கு ரெயில் எந்த பிளாட்பாரத்தில் நிற்கிறது, எப்போது புறப்படும் என்பன போன்ற தகவல்களை அறிவிக்காததை கண்டித்து வாக்குவாதத்தில் ஈடுபட்டனர். சுமார் 150க்கும் மேற்பட்ட பயணிகள் ஏற்காடு எக்ஸ்பிரஸ் ரெயிலை தவற விட்டனர்.

பயணிகளின் போராட்டத்தினால் சென்ட்டிரல் ரெயில் நிலையமே அல்லோல கல்லோலப்பட்டது. ரெயில்வே ஊழியர்களின் கவன குறைவால் பெண்கள், குழந்தைகளோடு, ஊருக்கு செல்ல வந்த குடும்பத்தினர் பெரும் அவதிக்குள்ளாயினர். இவ்வளவு களேபரம் நடந்தும் சென்டிரலில் உள்ள ரெயில்வே போலீசாருக்கோ, போலீஸ் கட்டுப்பாட்டு அறைக்கோ எந்த தகவலும் தெரியவில்லை. அவர்கள் வழக்கம் போல இரவு பணியில் மூழ்கியிருந்தனர். எதையும் கண்டு கொள்ளவில்லை.

பயணிகளின் போராட்டம் உச்சகட்டம் அடைந்ததை தொடர்ந்து ரெயில்வே உயர் அதிகாரி சம்பவ இடத்துக்கு விரைந்து வந்து ரெயிலை தவறவிட்ட பயணிகளுக்கு மாற்று ஏற்பாடுகள் செய்தார். ஈரோடு, வழியாக கோவை செல்லும் ரெயிலில் பயணிகளை ஏற்றி அனுப்பி வைத்தனர். சுமார் 3 மணி நேர தவிப்புக்கு பின்னர் ஒரு வழியாக சமாதானம் ஏற்பட்டது.

பாதிக்கப்பட்ட பயணி பரமசிவம் கூறும்போது:-

ரெயில்வே நிர்வாகத்தின் மெத்தன போக்கிற்கு இதை விட சிறந்த எடுத்துக்காட்டு இருக்க முடியாது. மாலை 6.30 மணியில் இருந்து காத்திருக்கிறோம். தகவல் பலகையிலும் ஏற்காடு எக்ஸ்பிரஸ் ரெயில் பற்றிய விவரம் இல்லை. ஒலி பெருக்கி அறிவிப்பிலும் தெரிவிக்கவில்லை. 32 நாட்களுக்கு முன்பு டிக்கெட் முன்பதிவு செய்து புறப்பட்டு வந்தேன். ரெயில்வேயின் கவன குறைவால் ரெயிலை தவறவிட்டு மனைவி குழந்தைகளோடு தவித்துக்கொண்ருக்கிறேன். எங்களது மன உளைச்சலுக்கு ரெயில்வே நிர்வாகம் விலை கொடுக்க முடியமா? சம்பந்தப்பட்ட ரெயில்வே ஊழியர்கள் மீது கடுமையான நடவடிக்கை எடுக்கவேண்டும் என்றார்.

அவரை போலவே ஏராளமான பயணிகள் தங்களது ஆதங்கத்தை தெரிவித்தனர். இதே போல எழும்பூரிலும் அடிக்கடி பிளாட்பாரங்களை மாற்றி மாற்றி ரெயில்கள் நிறுத்தப்படுவதால் படிப்பறிவில்லாத பயணிகள் ரெயிலை தவற விட்டு தவிக்கின்றனர்.

இது போன்ற நிலையில் நுகர்வோர்கள் செய்ய வேண்டியது என்ன? 

குறிப்பிட்ட நாளில், குறிப்பிட்ட நேரத்திற்கு செல்ல வேண்டும் என்பதற்காகத் தான், பயணிகள் ரயில் செல்ல முன்பதிவு செய்வார்கள். முன்பதிவு செய்யாதவர் களும், ரயில் அட்டவணைப்படி புறப்படும் என்ற நம்பிக்கையில், பயணதிட்டத்தை வகுத்திருப்பார்கள். இச்சம்பவத்தால் பலர் பல கஷ்டங்களுக்கு ஆளாகியிருப் பார்கள். இதனால் அவர்களுக்கு ஏற்பட்ட கால விரயம், மன உளைச்சல் மற்றும் பொருளாதார இழப்பு இவற்றை ஈடு செய்ய வேண்டிய பொறுப்பு நுகர்வோர் பாதுகாப்பு சட்டப் படி ரயில்வே துறையை சார்ந்ததாகும். இது குறை பாடான சேவை என்பதால், பாதிக்கப்பட்டவர்கள் நுகர்வோர் குறைதீர் மன்றத்தில் வழக்கு தாக்கல் செய்யலாம். அதற்கான நிவாரணம் கிடைக்கும். இவ்வழக்கை தனித்தனி யாகவோ அல்லது அனைவரும் ஒன்று சேர்ந்தோ, அல்லது அரசிடம் பதிவு செய் துள்ள நுகர்வோர் நல அமைப்போ வழக்கு தொடரலாம்.

உச்ச நீதி மன்ற நீதிபதி தொடர்பான தீர்ப்பு

உச்ச நீதிமன்ற தலைமை நீதிபதியும் சட்டத்திற்கு கட்டுப்பட்டவரே!

தகவல் அறியும் உரிமை சட்டத்தின் கீழ் , 77 வயதான் டால்மியா என்பவர் உச்ச நீதிமன்றத்தின் பொது தகவல் அதிகாரிக்கு தகவல் கேட்டு விண்ணப் பித்தார். அதாவது, அலகாபாத் உயர் நீதிமன்ற நீதிபதி ஒருவர் மீதான தனது புகாரின் மீது, உச்ச நீதி மன்ற தலைமை நீதிபதி எடுத்த நடவடிக்கை என்ன என்பது தான் அவரால் கேட்க்கப்பட்ட விபரம்.

உச்ச நீதிமன்ற தலைமை நீதிபதி இச்சட்டத்தின் கீழ் வருபவர் இல்லை. எனவே தகவல் தர இயலாது என பொது தகவல் அதிகாரி மறுத்து விட்டார். எனவே டால்மியா, உச்ச நீதிமன்ற அப்பீலேட் அத்தாரிட்டிக்கு மேல் முறையீடு செய்தார்.

மேல் முறையீடு தள்ளுபடி செய்யப்பட்டது.

எனவே டால்மியா மத்திய தகவல் ஆணையத்தில் மேல் முறையீடு செய்தார். அவர் மேல் முறையீடு ஏற்கப்பட்டு விசாரிக்கப்பட்டது. உச்ச நீதிமன்ற நீதிபதியும் இச்சட்டத்தின் கீழ் வருவதால், அலகாபாத் உயர் நீதிமன்ற நீதிபதி சம்பந்தமாக டால்மியா அனுப்பிய புகாரின் மீது எடுக்கப்பட்ட நடவடிக்கை விபரத்தை மனு தாரருக்கு கொடுக்க வேண்டும் என உத்தரவு பிறப்பித்தது.

இதை எதிர்த்து டெல்லி உயர் நீதிமன்றத்தில் உச்ச நீதிமன்ற பொதுதகவல் அதிகாரி அப்பீல் செய்தார். அதை விசாரணை செய்த உயர் நீதி மன்றம் " உச்ச நீதி மன்ற தலைமை நீதிபதியும் இச்சட்டத்திற்கு உட்பட்டவர் தான். எனவே டால்மியா கேட்டிருக்கும் தகவல்களை வழங்க வேண்டும் என தீர்ப்பு வழங்கியுள்ளது. இது சட்டத்தின் முன் அனைவரும் சமம் என்ற ஜனநாயக உண்மையை வலியுறுத்தியுள்ளது.

ஜன நாயக அரசு ஊழலற்று செயல் பட வெளிப்படையான செயல்பாடு வேண்டும். அத்துடன் என்ன நடக்கிறது என்பது பொதுமக்கள் தெரிந்து கொள்ள வேண்டும். அதற்காக பல நிர்பந்தங்களின் காரணமாக " தகவல் அறியும் உரிமை சட்டம் " நம் நாட்டில் கொண்டுவரப்பட்டுள்ளது. வழக்கமான, பல ஓட்டைகளுடன் அதாவது பதவியில் இருப்பவர்களும் உயர்மட்ட அதிகாரிகளும் தப்பித்து க்கொள்ள வசதியாக சில பிரிவுகளை உளடக்கியிருக்கிறது. இருப்பினும் சட்ட வாசகங்களின் அர்த்தம் என்பது , "வாதம் மற்றும் வழக்கின் சாராம்சம் இவற்றின் அடிப்படையில் புதிய விளக்கங்கள் பெறும்" என்பதற்கு இவ்வழக்கு ஒரு உதாரணம்.

நுகர்வோர் (பயன்படுத்துவோர்) உரிமைகள்

1. பாதுகாப்பு உரிமை (Right to Safety) 

             உயிருக்கும் உடமைக்கும் தீங்கு விளைவிக்கும் பொருட்களின் விற்பனையிலிருந்து காக்கப்படும் உரிமை என்று பொருள்படும். வாங்கப்படும் பொருள் உடனடித் தேவையைப் பூர்த்தி செய்வதோடல் லாமல் நீண்டகால நலன்களையும் நிறைவு செய்வதாகவும் இருத்தல் வேண்டும். 

           பொருட்களை வாங்குவதற்கு முன்பாக பொருளின் தரம், தேவை ஆகியவற்றுக்கு உத்திரவாதம் அளிக்குமாறு நுகர்வோராகிய நாம் வற்புறுத்த வேண்டும். அக்மார்க், ஐ.எஸ்.ஐ.(I.S.I.) முதலான தரக் குறியீடுள்ள பொருள்களை மட்டுமே நாம் வாங்குவது என உறுதி கொள்ள வேண்டும். 

உதாரணம் : 

                    மின்சாதனங்கள், ஸ்டவ், பிரிட்ஜ், குக்கர்கள், காஸ் சிலிண்டர்கள் மற்றும் சில பொருட்கள் அரசின் நிர்ணயம் செய்யப்பட்ட தரத்தில் மட்டுமே தயாரிக்கப்பட வேண்டும். I.S.I முத்திரை இல்லாமல் மேற்குறிப்பிட்ட பொருட்கள் தயாரிக்கப்படக்கூடாது. 

                 கலப்படமில்லாத உணவுப் பொருட்களை பெறுகின்ற உரிமை. 

விவரம் அறியும் உரிமை 

(Right to be informed)

             முறையற்ற வணிகத்திற்கெதிராய் நம்மைப் பாதுகாத்துக் கொள்ளும் வகையில் பொருள்களின் தரம், அளவு, திறன், தூய்மை, வரைநிலை, விலை ஆகியவற்றைத் தெரிந்து கொள்வதற்கான உரிமை என்று பொருள்படும. 

         ஒரு பொருளை/சேவையை/ தேர்வு செய்வதற்கு/பயன்படுத்துவதற்கு முன்பு அப்பொருளைப் பற்றி அல்லது சேவையைப பற்றி முழு விபரங்களை அளிக்குமாறு நுகர்வோராகிய நாம் விற்பனையாளரை வற்புறுத்த வேண்டும். இது அவரை பொறுப்புடனும், புத்திசாலித்தனத்துடனும் நடந்து கொள்ளச் செய்வதுடன், பெரும் நிர்ப்பந்த வியாபார உத்திகளின் தாக்கத்திற்கு நாம் இரையாகாது காக்கச் செய்யும். விளம்பரத்திற்காக ஒரு பொருளை வாங்காமல், கொடுக்கும் விலைக்கு உரிய பொருளை வாங்குகிறோமா என்பதை நாம் ஆராய வேண்டும். 

உதாரணம் :

பொட்டலப், பொருட்கள் சட்டம் - 

         பொட்டலப் பொருட்கள் சட்டப்படி, பொட்டலப் பொருட்கள் அனைத்திலும் தயாரிப்பாளர் 

1. பெயர் விலாசம்
2. என்னபொருள் (Content)
3. எடை
4. பொருளின் விலை MRP(வரிகள் உள்பட)
5. காலாவதியாகும் தேதி (Expiry Date) 

        போன்ற விபரங்கள் அச்சடிக்கப்பட்டு இருக்க வேண்டும். இதே போன்று மருந்துகளில் உள்ள மூலப் பொருள்களின் பெயர், விற்பனையாளர் (Manufacturers Brand Name) வைத்து இருக்கும் பெயரை விட பெரிய அளவில் அச்சிடப்பட்டு இருக்க வேண்டும். (Example : PARACETAMOL 500 GM Crocin)

தேர்வு செய்யும் உரிமை

(Right to Choose)

        போட்டி விலைகளில் விற்கப்படும் பலவகைப் பொருட்களை இயன்றவிடத்து கண்ணுற்றுத் தேர்வு செய்யும் உரிமை என்று பொருள்படும். ஏகபோக வர்த்தகமெனில் நியாயமான விலையில் திருப்திகரமான தரம், பணி, சேவை ஆகியவற்றை உறுதி செய்வதற்கான உரிமை என்று பொருள்படும். 

          அடிப்படையான பொருள்கள், பணிகள் ஆகியவை குறித்த உரிமையும், இதில் அடங்கும். ஏனெ னில் பொருளைத் தேர்வு செய்வதில் சிறுபான்மையானவரின் கட்டுப்பாடில்லா உரிமை என்பது பெரும் பான்மையானவரின் நியாயமான உரிமைகளைப் பறிப்பதாகும்.
பலவகைப் பொருள்/சேவைகள் போட்டி விலைகளில் கிடைக்கும் போது இந்த உரிமையை மேலும் சிறப்பாகப் பயன்படுத்தலாம்.

உதாரணம் :
           டிவி (T.V), (Fridge), வாஷிங் மெஷின், கிரைண்டர் போன்ற பொருள்களை வாங்கும் போது பல தயாரிப்பாளர்களின் மாதிரிகளை (Models) ஒவ்வொன்றையும் ஒப்பிட்டு அவற்றின் விலையிலிருந்து, செயல்திறன் வரை பரிசோதித்துத் தேர்ந்தெடுக்க வாய்ப்பு நமக்கு இருக்கிறது. இது போன்ற ஒரு உரிமை நுகர்வோருக்கு எல்லாத் துறைகளிலும் அவசியமாகின்றது. தற்போது பேருந்து மாத்திரமே தனியார், அரசு இவர்கள் நடத்தி வருவதை ஒப்பிட்டு பார்க்க முடிகிறது. தேர்வு செய்ய முடிகின்றது. இது போன்ற வாய்ப்பு மின்சாரம், டெலிபோன், ரயில்வே, தந்தி போன்றவைகளிலும் நுகர்வோருக்கு கிடைக்க வேண்டும். இது நமது அடிப்படை உரிமை ஆகும். 

4. கேட்கப்படும் உரிமை

(Right to be Heard)

நுகர்வோரின் நலன்கள் உரிய மன்றங்களில் (Court/Forum) முழுமையாகப் பரிசீலிக்கப்படும் உரிமை என்று பொருள்படும். நுகர்வோர் நலன்களைப் பாதுகாக்க அமைக்கப்படும். பல்வேறு மன்றங்களில் அங்கம் வகிப்பதற்கான உரிமையும் இதில் அடங்கும்.
நுகர்வோர் தொடர்பாக அரசும், அரசு சார்பு நிறுவனங்களும் ஏற்படுத்தும் குழுக்களில், கட்சி, வணிக சார்பற்ற நுகர்வோர் அமைப்புகள் பிரதிநிதித்துவம் பெறச் செய்யலாம்.
உதாரணம் :அநேக அரசுத்துறைகளில் இதற்கென நுகர்வோர் குறை கேட்கும்/தீர்க்கும் நாள் அரசு நடத்தி வருகின்றது. தவிர நுகர்வோர் பொதுமக்கள் அடங்கிய ஆலோசனைக் குழுக்கள் அவ்வப்போது நுகர்வோர் புகார்களை மற்றும் ஆலோசனைகளை ஏற்று கேட்டுத் தீர்க்க முயற்சி செய்து வருகின்றது. இது நமது அடிப்படை உரிமைகளில் ஒன்றாகும். நாம் இவைகளை முறையாக பயன்படுத்தி நமது குறைகளை இந்த கூட்டத்திலேயே தீர்த்துக் கொள்ள முயற்சி செய்தல் வேண்டும்.
உதாரணம் : 

டெலிபோன்	டெலிபோன் அதாலத்
தபால் தந்தி	வாரத்தில் ஒரு நாள்
மின்சாரம்	வாரத்தில் ஒரு நாள்
மாவட்ட ஆட்சியர்	மனு நீதி நாள்
வங்கிகள்	ஒவ்வொரு 15ஆம் தேதி

நுகர்வோரில் குறை தீர்க்கப் பெறுவதற்கான உரிமை 

(Right to Seek Redressal)

        நியாயமற்ற வணிக முறைகள், தயக்கமற்ற சுரண்டல், கலப்படம், பதுக்கல், மிகைப்படுத்தும் விளம்பரங்கள் இவைகளைத் தீர்க்கும் உரிமை என்று பொருள்படும் உண்மையான குறைகளை நியாய மான முறையில் தீர்த்து வைப்பதற்காக உரிமையும் இதில் அடங்கும். இதற்காகவே தான் நுகர்வோர் பாதுகாப்பு சட்டம் 1986 (Consumer Protection Act 1986) இயற்றப்பட்டு நுகர்வோர் குறைதீர் மன்றங்கள் (Consumer Redressal Forum) போன்றவை மூலம் குறைகளை நிவர்த்தி செய்து கொண்டு வருகின்றன. 

    நுகர்வோர் தங்கள் குறைகளைத் தீர்;த்துக் கொள்ள நுகர்வோர் அமைப்புகளில் (Consumer Protection Council) உதவியையும் நாடலாம். 

நுகர்வோர் கல்வி பெறும் உரிமை (Right to Consumer Education)

நுகர்வோர் உரிமை, கடமை, சட்டம் பற்றி அறிவதற்கும் அவர் விழிப்புணர்வு பெறுவதற்கான கல்வி பெறுவதற்கும் உரிமை பெற்றுள்ளனர்.
நம் போன்ற குழுக்கள் இது போன்ற பணியை செய்வதுடன், பள்ளிப் பாடத்திலேயே நுகர்வோர் கல்வி சேர்க்கப்பட வேண்டிய அவசியம் பற்றி எடுத்து உரைத்து வருகிறது. குடும்பத்திற்கான பொருட்களை அன்றாடம் வாங்குவது பெண்கள். எனவே பெண்கள் விழிப்புணர்வு பெறுவது மிக மிக அவசியமாகும். 

தூய்மையான சுற்றுபுறச் சூழலைப் பெறுவதற்கான உரிமை 

(Right to Health Environment)

தூய்மையான நீர், காற்று, நிலம் இவைகளைப் பெறுவது நமது அடிப்படை உரிமையாகும். இவற்றை மாசுபடுத்துவதற்கு யாருக்கும் உரிமையில்லை. ஒலி மாசுவைக் கட்டுப்படுத்த ஏர்ஹாரன் போன்றவற்றை கட்டுப்படுத்தி ஒலிக்கச் செய்யவும். மரங்களையும், இயற்கை சூழ்நிலைகளையும் அழிக்காமல் பாதுகாக்கவும், மரங்களை நட்டு இயற்கை சூழலை மேம்படுத்தும உள்ள உரிமையாகும். 

அடிப்படைத் தேவைகளுக்கான உரிமை 

(Right to Basic Needs)

உண்ண உணவு, உடுக்க உடை, இருக்க இடம் போன்றவை மனிதரின் அடிப்படை உரிமை யாகும். நமக்கு தேவையான உணவு, உடை, இடம் ஆகியவற்றை நம்மை ஆளுகின்றவர்கள் நம்மிட மிருந்து வரி வசூலிக்கும் அரசிடமிருந்து பெறுகின்ற உரிமை.

உரிமைகள் 7-ம், 8-ம் அண்மைக்காலத்தில் I.eh. சபையானது நுகர்வோர் உரிமைகளாகச் சேர்த்துள்ளது குறிப்பிடத்தக்கதாகும். 

மேலும் விவரங்களுக்கு 

கூடலூர் நுகர்வோர் மனித வள 

சுற்றுச்சுழல் பாதுகாப்பு மையம் 

மக்கள் மையம்

பந்தலூர் பந்தலூர் அஞ்சல் நீலகிரி மாவட்டம் 643233

94898 60250, 9488 520 800, 9486 39 3406, 

கொடுக்கப்பட வேண்டிய புகார் மனு (மாதிரி)

கூடலூர் நுகர்வோர் மனித வள சுற்றுச்சுழல் பாதுகாப்பு மையம் மக்கள் மையம்

நுகர்வோர் பாதுகாப்புச் சட்டம் 1986ன் கீழ் கொடுக்கப்பட வேண்டிய புகார் மனு (மாதிரி)

பெறுநர் தலைவர் 

தேசிய ஆணையகம்/மாநில ஆணையகம்/ மாவட்ட மன்றம் 

இடம் ..................... 

1. புகார்தாரரின் பெயர் முகவரி 

2. புகார் யாருக்கு எதிராக தரப்படுகிறதோ அவர்களின் பெயர், முகவரி 

3. புகார் கொடுக்கப்படும் பொருட்கள் பணிகள் பற்றிய முழு விவரம் அதன் பண மதிப்பு 

4. புகாரின் சுருக்கம் 

5. மேற்கண்டவைகளின் அடிப்படையில் ஏற்பட்ட சேதம் மற்றும் இழப்புக்காக கோரப்படும் ந\்டஈட்டு தீர்வு.

 

6. ரசீது, அறிக்கைகள், தஸ்தாவேஜ]க்கள், பிரமாணப் பத்திரம், கடிதப் போக்குவரத்து நகல்கள் போன்ற புகாருக்கு ஆதரவான ஆவணங்கள். 

7.புகாருக்கு ஆதரவான வேறு ஏதேனும் ஆதாரம்/சாட்சிகள் 

(புகார்தாரர் அல்லது அவரால் அதிகாரமளிக்கப்பட்ட முகவரி்ன் கையொப்பம் தேதியுடன்)

நினைவிற்கொள்க

1. புகார் மாவட்ட மன்றத்திற்கு அனுப்பப்படுவதாக இருந்தால் நான்கு நகல்களும். 

2. புகார் மாநில ஆணையகத்திற்கு அனுப்பப்படுவதாக இருந்தால் (மேல் முறையீடாக இருந்தாலும்) நான்கு நகல்களும். 

3. புகார் தேசிய ஆணையகத்திற்கு அனுப்பப்படுவதாக இருந்தால் (மேல் முறையீடாக இருந்தாலும் ஆறு நகல்களும் ஆக சேர்த்து புகார் செய்யப்பட வேண்டும்). எதிர் தரப்பினர்களின் எண்ணிக்கையை பொறுத்து புகார் மனுவின் நகல்கள் அதிகமாகக் கூடும். 

4. இம்மன்றங்களில் புகார் கொடுக்கவோ அல்லது புகாரின் நிமித்தம் ஆஜராகவோ வழக்கறிஞர் வேண்டுமென்று அவசியமில்லை. முன்பே குறிப்பிட்டபடி புகார்தாரரோ அல்லது அவரால் அதிகார மளிக்கப்பட்ட எவரும் ஆஜராக வேண்டும். 

முகவரிகள் 

தேசிய ஆணையகம் மாநில ஆணையகம் (தமிழ்நாடு) 

National Consumer Disputes	தமிழ்நாடு மாநில நுகர்வோர் குறைதீர்க்கும் ஆணையகம்
Redressal commission 5th Fllor, 'A' Wing, Janpath Bhavan, Janpath, NewDelhi-110001.	குடிசை மாற்று வாரியக் கட்டிடம் மைலாப்பூர் சென்னை - 600 004.

tamilnadu election 2011-5

tamilnadu election 2011-5

TAMILNADU ELECTION -2011 04

TAMIL NADU ELECTION 2011 AWARENESS 09

VOTERS AWARENESS 49.O