காசநோய் விழிப்புணர்வு முகாம்
பந்தலூர்,செப்.25:2011
எருமாடு ஊராட்சி ஒன்றிய நடுநிலை பள்ளியில் காசநோய் விழிப்புணர்வு முகாம் நடைபெற்றது. முகாமினை நீலகிரி வயநாடு ஆதிவாசிகள் நல சங்கம், கூடலூர் நுகர்வோர் பாதுகாப்பு மையம், சேரன் அறக்கட்டளை ஆகியவை இணைந்து நடத்தினர்.
நுகர்வோர் பாதுகாப்பு மைய தலைவர் சிவ சுப்பிரமணியன் தலைமை வகித்தார்.
ஆதிவாசி நல சங்க ஒருங்கிணைப்பாளர் சோமன்,காச நோய் பரவும் விதம், அறிகுறிகள், காச நோயின் பாதிப்புகள், கண்டறியும் விதம், சிகிச்சை முறைகள் குறித்து பேசினார்.
சேரன் அறக்கட்டளை அறங்காவலர் தங்கராஜா, தரமான உணவு வகைகள், பாதுகாப்பு வழிமுறைகள் குறித்து பேசினார்.
மகளிர் சுய உதவி குழு பிரதிநிதி இந்திராணி உள்ளிட்ட மகளிர் குழு உறுப்பினர்கள் கலந்து கொண்டனர்.
முன்னதாக ஞானசேகர் வரவேற்றார்.
நீலகிரி ஆதிவாசி நல சங்க உதவியாளர் தேவ் நன்றி கூறினார்.
கருத்துகள் இல்லை:
கருத்துரையிடுக