மயில் தோகை அசைத்தால்

மயில் தோகை அசைத்தால்

 

கூடலூர் நுகர்வோர் மனித வள சுற்றுச்சுழல் பாதுகாப்பு மையம் மக்கள் மையம்

eye camp at Hatty vayal Pandalur 15.06.2011 photos

 பந்தலூர் ஹட்டி வயல் கண் சிகிச்சை முகாம் 15.06.2011

கூடலூர் நுகர்வோர் மனித வள சுற்றுச்சுழல் பாதுகாப்பு மையம் மக்கள் மையம்

பெட்ரோல், டீசல் விலையைக் குறைக்க முடியும்

பெட்ரோல், டீசல் விலையைக் கட்டுக்குள் வைக்கும்பொருட்டு பிரேசிலில் 1927-ம் ஆண்டே எத்தனால் வாகன எரிபொருளாக விற்பனை செய்ய ஆரம்பித்துவிட்டது. 1942-43-ல் எத்தனால் உற்பத்தி 16,000 டன்னாக இருந்தது. இன்று 2.5 கோடி டன்னாக உயர்ந்துள்ளது. 2019-ல் உற்பத்தியை 5 கோடி டன்னாக உயர்த்தத் திட்டமிட்டுப் பணிகள் நடந்து வருகின்றன.
உலகிலேயே கரும்பு உற்பத்தியில் பிரேசில் முதல் இடத்திலும், இந்தியா இரண்டாவது இடத்திலும் உள்ளது. இந்தியாவில் இன்றைய எத்தனால் உற்பத்தி 4,80,000 டன்தான். 2.5 கோடி டன் எங்கே? 4.8 லட்சம் டன் எங்கே? உற்பத்தியைப் பெருக்குவதற்கு மத்திய அரசு எந்த முயற்சியையும் எடுக்கவில்லை. ஆனால், மாதமொரு முறை பெட்ரோல், டீசல் விலையை மட்டும் உயர்த்தத் தவறுவதில்லை.
இந்த ஆண்டு இறுதிக்குள் பெட்ரோல் விலை லிட்டருக்கு ரூ. 100 ஆகவும், டீசல் விலை ரூ. 70 ஆகவும் ஆனாலும் ஆச்சரியப்படுவதற்கில்லை. மக்கள் செயலிழந்து நிற்கின்றனர்.
எத்தனால் உற்பத்தியைப் பெருக்கும் பொருட்டு 1982-லேயே தமிழ்நாட்டிலுள்ள ஒரு தனியார் நிறுவனம் தமிழக அரசுக்கு விண்ணப்பித்துள்ளது. இன்றுவரை அந்தக் குழுமத்துக்கு தமிழக அரசு அனுமதி வழங்கவில்லை. 1984-ல் ஏற்றுமதிக்கான அனுமதியை மத்தியப் பிரதேசத்தில் ஆரம்பிக்க அனுமதி கொடுத்துத் திட்டத்தை நிறைவேற்றாமல் இருக்க என்னென்ன இடையூறுகள் உண்டோ அவ்வளவையும் செய்து திட்டம் வராமலேயே செய்துவிட்டனர்.
2007-ல் திட்டத்தின் மகிமையை உணர்ந்து திட்டத்துக்கான அனுமதியை இந்தக் குழுமத்துக்கு பிகார் முதல்வர் நிதீஷ் குமார் தலைமையிலான அரசு வழங்கியது. எங்கு நிதீஷ் குமாருக்கு நல்ல பெயர் வந்துவிடுமோ என்று கருதித் திட்டத்தை நிறைவேற்றாத வண்ணம் மத்திய அரசு தலையிட்டுத் திட்டத்துக்கு இடையூறு செய்து வருகிறது. இவ்வாறு இருப்பின் எப்படி பெட்ரோல், டீசல் விலையைக் குறைக்க இயலும்?
பிரேசிலில் ஒவ்வொரு பெட்ரோல் பங்கிலும் எத்தனால் பம்ப் இருக்கும். வாகன ஓட்டிகள் தங்கள் விருப்பப்படி பெட்ரோலுடன் எத்தனாலைக் கலந்து கொள்ளலாம். எத்தனாலில் மட்டுமே ஓடும் வாகனங்களும் உண்டு. எத்தனாலின் விலையும் லிட்டர் ஒன்றுக்கு ரூ. 20 தான். இது மட்டுமன்றி, எத்தனால் அல்லது பெட்ரோலில் ஓடும் வாகன என்ஜின்களையும் உற்பத்தி செய்கின்றனர். மற்ற நாடுகளைப் பார்த்தாவது இந்தியா திருந்துமா என்பது விடை காண முடியாத கேள்வி.
24% பெட்ரோலுடன் எத்தனால் கலந்து வாகனத்தில் எந்த மாற்றமுமின்றி வாகனத்தை ஓட்டலாம். வாகனத்தின் திறன் கூடுமேயொழியக் குறையாது. 85% எத்தனாலுடன் 15% பெட்ரோல் மட்டும் கலந்து உபயோகிக்கலாம். இதற்கு என்ஜினில் மாற்றங்கள் செய்ய வேண்டும். எத்தனால் மட்டுமே பயன்படுத்தலாம். இதற்கான என்ஜின்கள் உற்பத்தி செய்யப்படுகின்றன. போர்டு குழுமம் பிரேசிலில் இந்த என்ஜின்களை உற்பத்தி செய்கிறது. எனவே, சென்னையிலும் போர்டு நிறுவனத்தால் உற்பத்தி செய்ய இயலும்.
இந்திய அரசு எத்தனால் விலையை லிட்டருக்கு ரூ. 27 என்று நிர்ணயித்துள்ளது. ஒரு டன் கரும்புக்கு ரூ. 2,500 கொடுக்க வேண்டுமெனில் எத்தனால் விலையைக் குறைந்தபட்சம் ரூ. 32 ஆக நிர்ணயிக்க வேண்டும். பங்கில் எத்தனால் விலை ரூ. 32; மத்திய அரசின் வரி 16% - ரூ. 5.12; பங்குக்குக் கமிஷன் 5% - ரூ. 1.85; போக்குவரத்துச் செலவு 50 பைசா மற்றும் இதர செலவுகள் 53 பைசா ஆக மொத்தம் ஒரு லிட்டர் எத்தனால் விலை ரூ. 40.
அமெரிக்காவில் ஒரு லிட்டர் எத்தனால் உற்பத்தி செய்து கொடுத்தால் உற்பத்தியாளருக்கு ஒரு லிட்டருக்கு ரூ. 6 அமெரிக்க அரசு இனாமாக வழங்குகிறது. 2022-ல் 11 கோடி டன் எத்தனால் உற்பத்தி செய்ய இலக்கு நிர்ணயித்து பணிகள் அமெரிக்காவில் நடைபெற்று வருகின்றன. மக்காச்சோளம் மட்டுமன்றி "ப்ரையாரிக்ராஸ்' என்ற புல்லையும் எத்தனால் உற்பத்திக்குப் பயன்படுத்த முயன்று வருகின்றனர். ஆனால், இந்தியாவில் இந்திய அரசு ஒரு லிட்டருக்கு ரூ. 5.12 வரியாக உற்பத்தியாளரிடமிருந்து வாங்குகிறது. இந்தச் சூழ்நிலையில் பெட்ரோல், டீசல் விலையை எப்படி இந்தியாவில் குறைக்க முடியும்?
எத்தனால் கலப்பதால் மாசு 50% கட்டுப்படுத்தப்படும். மத்திய அரசின் வரியை நீக்கிவிட்டால் எத்தனால் ஒரு லிட்டர் ரூ. 35-க்குக் கிடைக்கும். மக்கள் ரூ. 70-க்கு பெட்ரோல் போடுவதைவிட்டு ரூ. 35-க்கு எரிபொருளைப் பயன்படுத்தி மகிழ்வர். 24% எத்தனாலைக் கலக்கும்பொழுது பெட்ரோல் விலை லிட்டருக்கு ரூ. 8.75 குறையும். 85% எத்தனாலைக் கலக்கும்பொழுது ஒரு லிட்டருக்கு ரூ. 30 குறைந்து ரூ. 40-க்கு வாகன எரிபொருள் கிடைக்கும். இதைச் செய்ய பிரேசிலைப்போல் ஒரு குடியரசுத் தலைவர் இந்தியாவுக்குத் தேவை.
எத்தனால் உற்பத்திக்கான மூலப்பொருள்கள் கரும்பு, மக்காச்சோளம், குச்சிக்கிழங்கு, உருளைக்கிழங்கு மற்றும் சர்க்கரைச் சத்துள்ள எல்லா பொருள்களும்.
உற்பத்தியும், லாபகரமுமான பொருள்கள் கரும்பு மற்றும் மக்காச்சோளம் மட்டுமே. இவை இரண்டிலும் கரும்பின் திறனே அதிகம். இந்தியா, பிரேசிலில் கரும்பு உற்பத்தியே அதிகம். அமெரிக்காவில் மக்காச்சோளம் பரவலாகப் பயிரிடப்படுவதால் எத்தனால் உற்பத்திக்கு மக்காச்சோளமே பயன்படுத்தப்படுகிறது. ஒரு டன் கரும்பிலிருந்து உற்பத்தியாகும் பொருள்கள். (கரும்பு ஒரு டன்னுக்கு விலை ரூ. 2,500) சர்க்கரை - 100 கிலோ; சக்கை - 280 கிலோ. இதிலிருந்து 50 யூனிட் மின்சாரம் உற்பத்தி செய்யப்படுகிறது. மொலாஸஸ் - 40 கிலோ. இதிலிருந்து 12 லிட்டர் எத்தனால் உற்பத்தி செய்ய இயலும். மட்டி - 50 கிலோ.
எத்தனாலைத் தமிழகம் பயன்படுத்தத் தொடங்கினால் 10 ஆண்டுகளில் ஆண்டு ஒன்றுக்கு 40 லட்சம் டன் தேவைப்படும். மொலாஸûஸ மட்டும் பயன்படுத்தி 40 லட்சம் டன் எத்தனால் உற்பத்தி செய்ய வேண்டுமெனில் 4,156 கோடி டன் சர்க்கரையும் உடன் உற்பத்தியாகும். எனவே, இத்திட்டம் சாத்தியப்படாது.
ஆகவே, இன்றுள்ள கரும்பு உற்பத்தியாகும் நில அளவை வைத்தே ஏக்கருக்கான உற்பத்தித் திறனைப் பெருக்கி 40 லட்சம் டன் எத்தனாலை 5 ஆண்டுகளில் உற்பத்தி செய்ய இயலும். அதற்கு கரும்பிலிருந்து சர்க்கரை உற்பத்தி செய்யாமல் நேரடியாக எத்தனாலை உற்பத்தி செய்வோமானால் இது சாத்தியமான திட்டம் மட்டுமன்றி, உடன் அமல்படுத்தவும் முடியும்.
இதற்கான முடிவை அரசு உடனே எடுக்குமானால், பெட்ரோல், டீசல் விலையை வெகுவாகக் குறைத்துவிட முடியும். ஒரு டன் மக்காச்சோளத்திலிருந்து உற்பத்தியாகும் பொருள்கள் (ஒரு டன் மக்காச்சோளத்தின் விலை ரூ. 12,000) எத்தனால் 360 லிட்டர்; மக்காச்சோள எண்ணெய் - 25 கிலோ; கழிவு (தீவனம்) - 330 கிலோ.
மக்காச்சோளத்தை எத்தனால் உற்பத்திக்குப் பயன்படுத்த இந்தியாவில் குறிப்பாக, தமிழ்நாட்டில் வாய்ப்பே இல்லை. மக்காச்சோளத்திலிருந்து மிக உயர்ரக குடிசாராயத்தைத் தயாரிக்கலாம்.
தமிழகத்தில் ஒரு லட்சம் ஏக்கர் மக்காச்சோளம் விளைவிக்கப்படுகிறது. சராசரியாக 4 லட்சம் டன் உற்பத்தியாகிறது. இதிலிருந்து 1,15,200 டன் குடிசாராயம் தயாரிக்க முடியும். மக்காச்சோளத்துக்கு டன்னுக்கு ரூ. 12,000 உறுதி செய்யப்பட்டால் உற்பத்தியை 8 லட்சம் டன்னாக உயர்த்த இயலும்.
தமிழகத்தின் குடிசாராயத் தேவையே 2,50,000 டன்தான். இப்போது குடிசாராயம் மொலாஸஸில் இருந்து தயாரிக்கப்படுகிறது. இது ஆரோக்கியத்தை வெகுவாகப் பாதிக்கும்.
தமிழகத்தில் 7.2 லட்சம் ஏக்கரில் கரும்பு பயிரிடப்படுகிறது. சராசரியாக ஏக்கருக்கு 40 டன் விளைகிறது. இதிலிருந்து உற்பத்தியாகும். ஆல்கஹால் 2,76,400 டன்.
இது குடிசாராயத்துக்கும் ரசாயனத் தொழிற்சாலைகளுக்கும் பகிர்ந்து அளிக்கப்படுகிறது. குடிசாராயத்துக்கு மக்காச்சோளத்தைப் பயன்படுத்துவோமேயானால் மொலாஸûஸ முழுமையாகப் பயன்படுத்தலாம்.
இதன் மூலம் ரசாயனத் தொழிற்சாலை அபரிமிதமான வளர்ச்சியை அடையும். உற்பத்தியாகும் பொருள்களின் விலைகளையும் வெகுவாகக் குறைக்க இயலும். குறிப்பாக, பிளாஸ்டிக் பொருள். எத்தனால் உற்பத்தியைக் கரும்பிலிருந்து நேரடியாக உற்பத்தி செய்து கொள்ளலாம்.

கரும்பு உற்பத்தியை இப்பொழுது விளைவதைவிட இரு மடங்காக நிச்சயம் உயர்த்த வாய்ப்பு உள்ளது. மகாராஷ்டிரத்தில் ஏக்கருக்கு 120 டன் என்பது பெரிய செய்தியல்ல. இவ்வளவு வாய்ப்புகள் இருந்தும் அவைகளைப் பயன்படுத்தாமல் கச்சா எண்ணெய் இறக்குமதி செய்வதிலேயே அரசு ஆர்வம் காட்டி வருகிறது. இதன் மர்ம முடிச்சுகளை அவிழ்த்தால் இந்தியாவில் 2ஜியை விட மிகப்பெரிய பூகம்பம் வெடிக்கும்.

கூடலூர் நுகர்வோர் மனித வள சுற்றுச்சுழல்

பாதுகாப்பு மையம் மக்கள் மையம்

புதிய அரசும் மக்களிடம் நல்ல பெயர் வாங்க வேண்டும்

குடிநீரைக்கூட காசு கொடுத்துத்தான் வாங்க வேண்டிய நிலையில், சுவாசிக்கும் காற்று மட்டுமே (காற்றுதான்...சுத்தமான காற்றில்லை) இப்போது இலவசமாகக் கிடைக்கிறது. அந்த வகையில், மற்ற மாநிலங்களுடன் ஒப்பிடுகையில் தமிழக மக்கள் அதிர்ஷ்டசாலிகள். காரணம், ஆட்சியாளர்களால் அவர்களுக்குப் பல பொருள்கள் இலவசமாகக் கிடைத்துக் கொண்டிருக்கின்றன.

கடந்த ஆட்சியில் அவர்களுக்கு டிவி, மின்சாரம் (இலவச இணைப்பாக பல மணி நேர மின் தடை), 2 ஏக்கர் நிலம் (அதிர்ஷ்டம் உள்ளோருக்கு மட்டும்) உள்ளிட்டவை இலவசமாகக் கிடைத்து வந்தன.

ஆட்சி மாறினாலும் இலவசத் திட்டத்தில் மாற்றமில்லை. ஆனால், இலவசப் பட்டியலில் சில பொருள்களுக்குப் பதிலாக, வேறுசில பொருள்கள் உதாரணமாக கிரைண்டர், மிக்ஸி, பேன் போன்றவை இடம்பெற்றிருக்கின்றன. அதில் இப்போது அவர்களுக்கு முதலாவதாகக் கிடைத்திருப்பது இலவச அரிசி 20 கிலோ.

கடந்த ஆட்சியில் நியாயவிலைக் கடையில் கிலோ ரூ. 1-க்கு வழங்கப்பட்ட அரிசி இப்போது இலவசமாக வழங்கப்படுகிறது. 1 ரூபாய்க்கும், இலவசமாக வழங்கப்படுவதற்கும் அதிக வித்தியாசமில்லை என்றாலும், இது வாக்களித்த மக்களை அதிக மகிழ்ச்சியில் ஆழ்த்தும். என்றாலும், அவர்களின் கவலையெல்லாம் "அரிசி இலவசம் சரி, ஆனால் அதை வழங்குவது அதே நியாயவிலைக் கடை; பணியாளர்களும் அதே பணியாளர்கள்தானே' என்பதுதான்!

ஏனெனில், நியாயவிலைக் கடைகளுடன் பொதுமக்களுக்கு ஏற்பட்ட கடந்த கால அனுபவங்கள் அப்படிப்பட்டவை என்றால் மிகையில்லை.

மாதம் தொடங்கி ஐந்து தேதிக்குள் பொருள்கள் வாங்கச் சென்றாலோ அங்குள்ள விற்பனையாளரின் பதில் ""லோடு இன்னும் வரவில்லை, போன மாசமுள்ள ஸ்டாக்கை வைத்துத்தான் சமாளித்துக் கொண்டிருக்கிறேன்'' என்பதாகவே இருக்கும். "பொறுத்தார் பூமி ஆள்வார்' எனச் சமாதானப்படுத்திக்கொண்டு இருபதாம் தேதிக்குப் பிறகு சென்றாலோ ""ஸ்டாக் தீர்ந்துவிட்டது. இனி லோடு வந்தால்தான் உண்டு'' என்பதாக இருக்கும் அவர்களின் பதில்.

ஆக, எப்போது சென்றால் பொருள்கள் கிடைக்கும் என்பது மக்களுக்கும் தெரியாது. அந்த ரகசியத்தை விற்பனையாளர்களும் வெளிப்படுத்துவதில்லை. மேலும், ஒரு ரூபாய்க்குக் கிடைத்த அரிசியும் பொதுவாக பல வண்ண அரிசிதான் (இடைத்தேர்தல் நேரத்தில், அமைச்சர், அதிகாரிகளின் ஆய்வின்போது தரமான அரிசி தட்டுப்படுவது தனிக்கதை).

பெரும்பாலான நியாயவிலைக் கடைகளில் வாங்கும் பொருள்கள் குறித்த விவரங்களைப் பதிவேட்டில் பதிவதற்கும், பொருள்களை அளந்து கொடுப்பதற்கும் ஒருவரே டூ இன் ஒன் ஆகச் செயல்படுவதால் பொதுமக்கள் மணிக்கணக்கில் வெயிலில் காத்துக்கிடக்க வேண்டியது ஏற்படுவதும் கண்கூடு.

இதேபோல, 10 கிலோ வாங்கினால் தூசிகள், வண்டுகள், பூச்சிகள்போக பாதிக்குப்பாதிகூட தேறாத கோதுமை, 3 லிட்டர் வாங்கினால் அரை லிட்டர் வரை சேதாரமாகும் மண்ணெண்ணெய் ஆகியவற்றையும் மக்கள் முணுமுணுப்புடன் வேறுவழியின்றிதான் வாங்கிச் சென்று கொண்டிருக்கின்றனர். சில நியாயவிலைக் கடைகளில் மண்ணெண்ணெய் வாங்க வேண்டுமெனில் சோப்பு, டீ தூள், உப்பு போன்றவற்றைவும் வாங்க நிர்பந்திக்கும் நிலையும் நீடிக்கிறது.

மேலும், கடைகளில் விருப்பச் சீனி வழங்கப்படும் என பலகையில் எழுதிவைக்கப்பட்டிருக்கும். கேட்டால் கிடைக்காது. நியாயமாக வழங்க வேண்டிய சீனியே விற்பனையாளரின் விருப்பத்தின்பேரில்தான் வழங்கப்படுவதால் அதையே "விருப்பச் சீனி' என நாம் எடுத்துக்கொள்ள வேண்டியதுதான்.

இத்தனையையும் மிஞ்சும்வகையில் கடந்த ஆட்சியில் இறக்கைக்கட்டி பறந்த விஷயம் அரிசி கடத்தல். மாநிலத்தின் பல பகுதிகளிலும் அரிசி கடத்தும் லாரிகள், வேன்களை போலீஸôர் தொடர்ந்து சென்று கண்காணிப்பதற்குள் வாகனங்களை நிறுத்திவிட்டு ஓட்டுநர்களும், உடன் வந்தவர்களும் ஓடிச் செல்வதும், வாடிக்கையான நிகழ்வாகவே ஆகிவிட்டது. இது தொடர்பாக ஊடகங்களிலும், பத்திரிகைகளும் வந்த செய்திகளே சான்றுகள். காவலர்களின் வேகத்தைவிட, கடத்தல்காரர்கள் அதிக வேகத்தில் செயல்பட்டதன் விளைவுதானோ என நினைக்கத் தோன்றுகிறது.

எனவே, புதிய அரசு நியாயவிலைக் கடைகளில் வழங்கப்படும் பொருள்களின் அளவு, தரம், முழுமையாக மக்களைச் சென்றடைகிறதா என்பதைக் கண்காணிப்பதுடன், கடத்தல் பேர்வழிகளை முற்றிலும் ஒழிக்க வேண்டும்.

இருக்கும் அத்தனை குறைகளையும் ஒருசேரக் களைந்தால்தான் திட்டங்களின் உரிய பலன் மக்களைச் சென்றடையும். இல்லையெனில் பல கைகள் மாறிச்செல்லும் பனிக்கட்டி கடைசிக் கையை அடையும்போது ஒன்றுமில்லாததாகி விடுவதைப்போன்ற நிலைமைதான் இதிலும் ஏற்படும்.

அமைச்சர்கள் மக்களிடம் நல்ல பெயர் வாங்க வேண்டும் என முதல்வர் ஜெயலலிதா அறிவுறுத்தியிருக்கிறார். புதிய அரசும் மக்களிடம் நல்ல பெயர் வாங்க வேண்டுமெனில், நியாயவிலைக் கடை "அரிசியியலில்" இருக்கும் இத்தகைய குறைகளையும் முற்றிலும் களைய முழுமூச்சுடன் நடவடிக்கை எடுக்க வேண்டும்

கூடலூர் நுகர்வோர் மனித வள சுற்றுச்சுழல் பாதுகாப்பு மையம் மக்கள் மையம்

"காகிதப் பை' காலத்தின் கட்டாயம்!

"காகிதப் பை' காலத்தின் கட்டாயம்!

சு. சிவசுப்பிரமணியம், தலைவர், 

கூடலூர் நுகர்வோர் மனித வள சுற்றுச்சுழல் 

பாதுகாப்பு மையம் மக்கள் மையம்

அனைத்துத் துறைகளிலும் ஆதிக்கம் செலுத்தும் பொருள்களில் கணிப்பொறிக்கு அடுத்த இடத்தைப் பாலித்தீனுக்கு வழங்கலாம். ஏதேனும் ஒருவகையில் இந்த இரு பொருள்களும் இல்லாமல் சந்தைப்படுத்துதல் இயலாத காரியமாகிவிட்டது.

காயப்பொடி தொடங்கி உயிர்காக்கும் விலையுயர்ந்த மருந்துகளும்கூட பாலித்தீன் பாதுகாப்பு வளையத்தோடுதான் விற்கப்படுகின்றன.
நிலத்தடிநீரைக் கேள்விக்குறியாக்குவதோடு, தூய்மையான காற்றுக்குத் தட்டுப்பாட்டை ஏற்படுத்த காத்திருக்கும் பாலித்தீன் கழிவுகளின் அபாயம் சாமானியர்களைச் சென்றடையாமல் இல்லை. கிராமத்து முதியோருக்கும்கூட பாலித்தீன் பைகளின் கேடுகள் தெரிகின்றன. ஆனால், அதன் பயன்பாட்டைத் தவிர்க்க முயற்சிப்பதில்லை.       


தமிழகத்தில் புதிதாகப் பொறுப்பேற்றுள்ள அரசு, பாலித்தீன் பைகளுக்குத் தடை விதித்துள்ளது. இது வரவேற்கத்தக்கது.

சுற்றுச்சூழலைப் பேணிக்காக்கும் அக்கறையிலும், மக்களின் ஜீவாதாரப் பிரச்னையுடன் தொடர்புடையது என்பதாலும் இத் திட்டத்தை அமல்படுத்துவதோடு நின்றுவிடாமல், கண்காணிப்பை அதிகப்படுத்துவது அரசின் கடமை.

பாலித்தீன் பயன்பாடு விஷயத்தில் வணிகர்களை மட்டுமே குறை சொல்வதும் சரியாகாது. பைகள், கூடைகளை வீட்டிலிருந்து எடுத்துக்கொண்டு கடைகளுக்குச் செல்வதை மக்கள் நாகரிகக் குறையாகக் கருதுகிறார்கள்.

அக் காலத்தில் துணிப்பைகளில் பொருள்களை வாங்கிப் பழகிய முதியவர்கள்கூட, இப்போது "கேரீ-பேக்' இல்லையா எனக் கேட்கின்றனர். இது ஆரோக்கியமான சூழல் அல்ல, சுற்றுச்சூழல் கேடுகளுக்கு விதை விதைப்பது போன்றதாகும்.

பாலித்தீன் பயன்பாட்டைப் பொறுத்தவரையில் ஆணிவேராக பெரிய நிறுவனங்களே உள்ளன. ஏனெனில், இன்று திரும்பிய திசையெங்கும் ஏதோ ஒரு பெரிய நிறுவனத்தின் பாலித்தீன் பைகள்தான் வண்ணமயமாகக் காட்சியளிக்கின்றன.

பொருள்களைத் தயாரிப்பதிலும், அதைச் சந்தைப்படுத்துவதிலும் வெளிநாட்டு யுக்திகளை விரும்பும் இந் நிறுவனங்கள், காகிதப் பை போன்ற பாலித்தீனுக்கு மாற்று வழிகளைப் பயன்படுத்துவதில் மட்டும் ஆர்வம் காட்டுவதில்லை.

பசுமை விரும்பிகளாகத் தங்களைக் காட்டிக்கொள்ள பல நிறுவனங்கள் போட்டியிடுகின்றன. ஆனால், புல் வளருவதையும் விரும்பாத பாலித்தீன் பைகள் ஒவ்வொரு நாளும் சில நூறு கிலோவரை மண்ணில் புதைவதற்கு நாமும் ஒரு காரணமென்பதை இந் நிறுவனங்கள் உணர மறுப்பதேன்?

எனவே, முதல்கட்டமாக தமிழகத்தில் அனைத்துத் துறைகளிலும் உள்ள பெரிய நிறுவனங்களை தமிழக அரசு அழைத்துப் பேச வேண்டும். அவர்களிடம், பாலித்தீன் பயன்பாட்டை முற்றிலும் தடுத்து நிறுத்துவது அல்லது படிப்படியாக மாற்றுவழிகளைப் புகுத்துவது குறித்து வல்லுநர்களைக் கொண்டு ஆலோசனை வழங்கலாம்.

மக்களிடம் பாலித்தீன் பயன்பாடுகளைத் தடுக்க விழிப்புணர்வுப் பிரசாரம் செய்வதோடு, தேவைப்பட்டால் உள்ளாட்சித் துறைகள் மூலம் எச்சரிப்பதும்கூட தவறில்லை.

ஏற்கெனவே, உள்ளாட்சித் துறைகளின் கண்டிப்பால் மழைநீர் சேகரிப்புத் திட்டம் பல பகுதிகளில் சிறப்பாகச் செயல்படுத்தப்பட்டன. அதே பாணியில் பாலித்தீன் ஒழிப்புக்கும் அரசு முக்கியத்துவம் அளிக்க வேண்டியது காலத்தின் கட்டாயம்.

மாநிலத்திலேயே முன்னோடியாக கன்னியாகுமரி மாவட்டத்தில், பாலித்தீன் பயன்பாட்டுக்கு எதிராக எடுக்கப்பட்ட அதிரடி நடவடிக்கைகள் மக்களிடம் மட்டுமன்றி, இந்தியாவின் மதிப்புக்குரியவர்களில் ஒருவராகத் திகழும் அப்துல் கலாமிடமும் வரவேற்பைப் பெற்றது.

இந்த நடவடிக்கைகளை மாநிலம் முழுமையும் செயல்படுத்துவதென்பது அரசு நினைத்தால் சாத்தியமே.

குறிப்பாக, உணவுப்பொருள் தொடர்பான நிறுவனங்களிடமும், ஜவுளித்துறை நிறுவனங்களிடமும் காகிதப் பை, துணிப் பை போன்ற மக்கும் பொருள்களின் பயன்பாடு அதிகரிக்கத் தொடங்கினால் சிறப்பான மாற்றத்தைக் காண முடியும் என்கின்றனர் சமூக ஆர்வலர்கள்.

இது எளிதில் இயலாத விஷயம் என்றாலும், எதிர்காலச் சமூகத்தின் நலனைக் கருத்தில்கொண்டு மாற்றத்தை ஏற்படுத்த வேண்டியது அவசியம்.

ஏற்கெனவே பாலித்தீன் பைகள் உற்பத்தித் தொழிலில் இருப்பவர்களுக்கு மாற்றுத் தொழிலுக்கான வாய்ப்பை அரசு ஏற்படுத்தலாம்.

அத் தொழிலில் ஈடுபட்டவர்களில் விருப்பமுள்ளவர்கள் காகித மற்றும் துணிப் பைகள் உற்பத்திக்கு மாற விரும்பினால், சிறப்புக் கடனுதவிகளை அளிக்கலாம்.

மகளிர் சுயஉதவிக் குழுவினர், இளைஞர்கள் ஆகியோருக்கு வருவாய் தரும் வகையில் ஒவ்வோர் ஊராட்சி ஒன்றியத்திலும் அரசு சார்பில் காகிதப் பை தயாரிப்பு மையங்களைத் திறக்கலாம். இதன் மூலம் அப் பகுதிக்கான காகிதப் பை தேவையைச் சமாளிப்பதுடன், வேலைவாய்ப்பையும் அதிகரிக்கலாம்.

 இன்னும் 10 ஆண்டுகளில் பாலித்தீனால் உருவாகப்போகும் சுற்றுச்சூழல் கேடுகளைத் தடுக்க அரசின் உறுதியான நடவடிக்கை இப்போதே தேவை

கூடலூர் நுகர்வோர் மனித வள சுற்றுச்சுழல் பாதுகாப்பு மையம் மக்கள் மையம்

ambalamoola eye camp 12.06.2011 photos

அம்பலமூல ஆதிவாசிகள் நல மருத்துவ மனையில் இலவச கண்சிகிச்சை முகாம் நடத்தப்பட்டது

முகாமில் மருத்துவர் அமராவதி ராஜன் ஆதிவாசி பெண் ஒருவருக்கு கண் பரிசோதனை செய்தபோது எடுத்தப் படம் 

முகாமின் துவக்க நிகழ்ச்சியில் மருத்துவர் அமராவதி ராஜன் முகாமின் செயல் முறைகள் குறித்தும் கண் நலம் குறித்தும்   பேசியபோது  எடுத்தப்படம்  அருகில் நுகர்வோர் மைய தலைவர் சிவசுப்பிரமணியம் உள்ளார்.

முகாமில் பங்கேற்ற ஆதிவாசிகள்

முகாமில் ஆதிவாசிகளுக்கு கண் பரிசோதனை செய்யப்பட்டது 

மருத்துவர் கண் பரிசோதனை செய்தபோது எடுத்தப்படம் 

ஆதிவாசி பெண் ஒருவருக்கு மருத்துவர் அமராவதி ராஜன் கண் பரிசோதனை செய்தபோது எடுத்தப்படம் 

கூடலூர் நுகர்வோர் மனித வள சுற்றுச்சுழல் பாதுகாப்பு மையம் மக்கள் மையம்

நெல்லியளம் நகராட்சி மற்றும் எய்ட் எட் அக்சன் ஆகியன இணைந்து பந்தலூரில்  நடத்திய கணினி பயிற்சியில் பங்கேற்றவர்களுக்கு ஊக்கத்தொகை வழங்கப்பட்டது

நிகழ்ச்சியில்  மாணவிக்கு   கூடலூர் நுகர்வோர் மனித வள சுற்றுச்சுழல் பாதுகாப்பு மையம் மக்கள் மைய தலைவர் சிவசுப்ரமணியம் ஊக்கத்தொகைக்கான காசோலை வழங்கிய பொது எடுத்தப்படம்

அருகில் எய்ட் எட் அக்சன் நிறுவன மாவட்ட ஒருங்கிணைப்பாளர் சசிதரன் பொன்விழா நகர்புற வேலை வாய்ப்பு திட்ட சமுதய ஒருங்கிணைப்பாளர் கோபால் மற்றும் மாணவிகள் கலந்து கொண்டனர் .

 

நிகழ்ச்சியில்  மாணவிக்கு 

 நெல்லியளம்  நகராட்சி துப்புரவு ஆய்வாளர் செல்வராஜ் 

காசோலை வழங்கியபோது எடுத்தப்படம் 

நிகழ்ச்சியில்  மாணவிக்கு   கூடலூர் நுகர்வோர் மனித வள சுற்றுச்சுழல் பாதுகாப்பு மையம் மக்கள் மைய தலைவர் சிவசுப்ரமணியம் ஊக்கத்தொகைக்கான காசோலை வழங்கிய பொது எடுத்தப்படம்

':உலக பல்லுயிர் பெருக்க தின நிகழ்ச்சி photos 27.05.2011

கூடலூர் நுகர்வோர் மனித வள சுற்றுச்சுழல் பாதுகாப்பு மையம் மக்கள் மையம்

இயற்கை வளங்களின் ஜீவன் இளைஞர் "கையில்':உலக பல்லுயிர் பெருக்க தின நிகழ்ச்சியில் நிதர்சனம்

: "நீலகிரி மாவட்டத்தின் இயற்கை வளங்களை பாதுகாப்பதில் இளைஞர்கள் முன் வரவேண்டும்,' என வலியுறுத்தப்பட்டுள்ளது. 

சி.பி.ஆர். பவுண்டேஷன், "நெஸ்ட்' அமைப்பு, கூடலூர் நுகர்வோர் மனித வள சுற்றுச்சுழல் பாதுகாப்பு மையம் மக்கள் மையம் பந்தலூர் , "எய்ட் அட் ஆக்ஷன்' ஆகிய அமைப்புகள் இணைந்து பந்தலூர் அருகே நெலாக்கோட்டையில் உலக பல்லுயிர் பெருக்க தின விழிப்புணர்வு நிகழ்ச்சியை நடத்தின. 

இதில், சி.பி.ஆர். பவுண்டேஷன் கள அலுவலர் குமாரவேல் பேசுகையில்,""பல்லுயிர் பெருக்கம் என்பது பூமியில் உள்ள நீர் மற்றும் நிலத்தில் வாழ கூடிய கணக்கிலடங்காத உயிரினங்களின் வரிசை தான். மரபு வழி பண்பில் பல்வகை, சிற்றினங்களில் பல்வகை, சூழ்நிலை அமைப்பில் பல்வகை, ஒரு குறிப்பிட்ட பகுதிக்கு உரித்தான பல்வகை, அறிமுகப்படுத்தப்பட்ட உயிரினங்களில் பல்வகை என பல்வேறு வகை படுத்தப்பட்டுள்ளது. இதில் உயிர்வகை இனங்களை காப்பது என்பது அவற்றின் இருப்பிடங்களில், வாழிடங்களில் வைத்து காப்பாற்றுவதுதான் சிறப்பான செயலாகும்,'' என்றார். 

 

நெஸ்ட் அமைப்பின் அறங்காவலர் சிவதாஸ் பேசுகையில்,

""மக்கள் மத்தியில் விழிப்புணர்வு ஏற்படுத்தும் வகையில் தான் ஒவ்வொன்றிற்கும் ஒரு தினம் வகுத்து நிகழ்ச்சிகள் நடத்தப்படுகிறது. பல்லுயிர் பெருக்கத்தின் முக்கிய பங்கு வகிக்கும் இந்தியாவில் நீலகிரி முக்கியத்துவம் வாய்ந்த பகுதியாகும். அதிலும், கூடலூர் பகுதியில் அனைத்து வகை உயிரினங்கள், தாவரங்கள், விவசாய பயிர்கள் என அனைத்தும் வாழும் தன்மை கொண்டதால், நீலகிரியின் இயற்கை வளங்களை பாதுகாப்பதற்கு இளைய தலைமுறையினர் ஒருங்கிணைந்து விழிப்புடன் செயலாற்றிட வேண்டும். இப்பகுதி மனிதர்கள் அவற்றை அழிக்காவிட்டாலும், வேறிடத்திலிருந்து வரும் நபர்கள் மூலம் அழிவு பாதையில் செல்கிறது. மூலிகை தன்மை கொண்ட தாவரங்கள், மரங்கள், நுண்ணியிரிகள் போன்றவை அழிந்து வருவதை தடுக்க வேண்டும்,'' என்றார். 

 

கூடலூர் கல்வி மாவட்ட பசுமைப்படை ஒருங்கிணைப்பாளர் ஆசிரியர் ராபர்ட் பேசுகையில்,""வனப்பகுதியில் வளரும் வனவளங்கள் மட்டுமின்றி வீட்டு தோட்டத்தில் வளரும் மா, பலா, கொய்யா, நெல்லி போன்ற மரங்களும் மருத்துவத்துறையிலும், இயற்கை வளங்களை பாதுகாப்பதிலும் முக்கிய பங்கு வகிக்கிறது. இயற்கையை குப்பை மேடாக்கவதையும், நீரோடைகளை அசுத்தப்படுத்துவதையும் தடுத்திட மாணவர்கள் முன்வரவேண்டும்,'' என்றார்.

பொன்னானி ஜி.டி.ஆர். பள்ளி தலைமையாசிரியர் சமுத்திரபாண்டியன் பேசுகையில்,""மனிதன் விட்டுக்கொடுக்கும் தன்மை கொண்டவனாகவும், தன்னம்பிக்கை உள்ளவனாகவும், எதிர்கால வாழ்க்கையை உணர்ந்தவனாகவும் வாழ கற்றுக்கொண்டால் சமுதாயத்தில் உயர்ந்த நிலைக்கு வர ஏதுவாகும். தன்னையும், சமுதாயத்தையும் வளர்த்துக்கொள்ள மாறினால் இயற்கை வளங்களையும் காப்பாற்றும் வகையில் மாறிட ஏதுவாகும்,'' என்றார். 

நிகழ்ச்சியில் பங்கேற்றவர்கள் 

நுகர்வோர் மனித வள சுற்றுச்சூழல் பாதுகாப்பு மைய தலைவர் சிவசுப்பிரமணியம் பேசுகையில்,""நுகர்வோர் பாதிக்கப்படாலும், சுற்றுச்சூழலை பாதுகாக்கும் வகையிலும் மனிதன் தன்னை மாற்றிக்கொண்டால் எதிர்காலத்தில் ஏற்படும் பல்வேறு பேரிடர்களை தடுக்க இயலும். வனப்பகுதிகளை அழிக்க கூடாது ,'' என்றார். 

நிகழ்ச்சியில் மையத்தின் நிர்வாகி கணேசன் மற்றும் 60 க்கும் மேற்ப்பட்ட பயிற்சி மைய இளைஞர்கள்  உள்ளிட்ட பலர் பங்கேற்றனர். 

எய்ட் அட் ஆக்சன் மையத்தின் ஒருங்கிணைப்பாளர் சசீதரன் வரவேற்றார். 

எய்ட் அட் ஆக்சன் மையத்தின் ஆசிரியர் கார்த்திகேயன் நன்றி கூறினார்.